"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
Kunsill Edukazzjoni, Żgħażagħ, Kultura u Sport (Kultura u Sport), 26 ta' Novembru 2024
Riżultati ewlenin
Sport
Il-legat dejjiemi ta' avvenimenti sportivi kbar
Il-Kunsill approva konklużjonijiet dwar it-trawwim tal-legat dejjiemi ta' avvenimenti sportivi kbar. Dawn il-konklużjonijiet jiffukaw fuq il-potenzjal ta' avvenimenti sportivi kbar biex itejbu l-ħajja u l-benesseri taċ-ċittadini tal-UE fit-tul u b’hekk iħallu legat dejjiemi.
Avvenimenti sportivi kbar jistgħu jipprovdu benefiċċji fit-tul, minn infrastruttura mġedda għal għarfien aħjar dwar stil ta' ħajja tajba għas-saħħa, iżda benefiċċji bħal dawn jitolbu impenn sostnut. Il-konklużjonijiet tal-lum jappellaw għal approċċ strateġiku biex jiġi massimizzat u jinżamm il-legat dejjiemi ta' avvenimenti sportivi kbar fl-Ewropa.
Ádám Schmidt, Ministru tal-Istat għall-Isport tal-Ungerija
Fil-konklużjonijiet tiegħu, il-Kunsill ifittex li jqiegħed is-sostenibbiltà ekonomika, soċjali u ambjentali fil-qalba tar-riflessjonijiet dwar il-benefiċċji u l-iżvantaġġi tal-organizzazzjoni ta' avvenimenti sportivi kbar.
B’mod partikolari, il-konklużjonijiet jenfasizzaw benefiċċji bħat-titjib tal-infrastruttura u l-ħolqien tal-impjiegi. Il-Kunsill jappella lill-istati membri biex jużaw avvenimenti sportivi kbar bħala opportunità biex jippromwovu l-isport u l-attività fiżika fil-popolazzjoni kollha, inkluż fost iż-żgħażagħ u persuni minn ambjenti żvantaġġati.
Il-konklużjonijiet jindikaw ukoll il-legat ambjentali dejjiemi ta'avvenimenti sportivi li jiġu organizzati f’konformità ma' prattiki ambjentali tajbin.
Din ir-riżorsa bħalissa hi disponibbli biss bil-lingwa jew il-lingwi li ġejjin:
Il-ministri kellhom dibattitu ta' orjentazzjoni dwar ir-rwol tal-karatteristiċi ewlenin ta' Mudell Ewropew tal-Isport, b’enfasi fuq dawk l-aspetti li jistgħu jippreservaw u jippromwovu l-valuri tal-UE fl-isport.
Id-dibattitu ffoka fuq dawk il-karatteristiċi li għandhom jissaħħu aktar biex jiġu ppreservati l-valuri tal-isport fl-Ewropa, u r-rwol li l-Pjan ta' Ħidma tal-UE għall-Isport 2024-2027 jista' jkollu f’dan ir-rigward. Il-ministri ddiskutew ukoll modi kif tissaħħaħ ir-rabta bejn l-isport professjonali u dak tal-massa.
Għamlu referenza partikolari għar-rwol tal-isport bħala "difiża immunitarja soċjali", jiġifieri forma ta' difiża kontra problemi soċjali.
Għas-sessjoni attenda l-president tal-UEFA, Aleksander Čeferin.
Il-ministri ħadu sehem f’dibattitu ta' orjentazzjoni dwar ir-rwol tal-libreriji fl-iżvilupp tal-litteriżmu fil-media.
Il-libreriji jirrappreżentaw kontribut sinifikanti għall-iżvilupp tal-litteriżmu fil-media, li sar ħtieġa urġenti f’dinja dejjem aktar diġitali u miżgħuda b'informazzjoni. Madankollu, il-libreriji jħabbtu wiċċhom ma' diversi sfidi kruċjali biex jirrealizzaw bis-sħiħ dan il-potenzjal. Fil-fehma tagħna, it-tliet sfidi ewlenin li jeħtieġ li jiġu indirizzati huma: ir-rwol tal-libreriji biex jimtlew il-lakuni fl-edukazzjoni dwar il-litteriżmu fil-media; l-infrastruttura u l-finanzjament tal-libreriji; u l-iżvilupp tal-ħiliet tal-librara.
Veronika Varga-Bajusz, Ministru tal-Istat tal-Ungerija għall-Edukazzjoni Għolja, it-Taħriġ Vokazzjonali u tal-Adulti, u ż-Żgħażagħ
Id-diskussjoni tal-Kunsill iffukat fuq l-importanza tal-libreriji fil-promozzjoni tal-litteriżmu fil-media u l-ħiliet kritiċi tal-qari, ir-riżorsi meħtieġa biex jingħataw servizzi ta' kwalità għolja, u l-ħiliet meħtieġa mil-librara.
Il-Kunsill approva konklużjonijiet dwar it-titjib u t-trawwim tal-aċċess għall-kultura, li fihom jirrikonoxxi l-importanza tal-parteċipazzjoni kulturali għas-saħħa personali, il-benesseri, il-koeżjoni territorjali u soċjetali, u t-tisħiħ tad-demokrazija.
Jappella lill-istati membri biex iħarsu u jippromwovu aċċess liberu u ugwali għall-kultura fil-livelli kollha, inkluż billi jiżviluppaw pjanijiet għad-drittijiet kulturali. Jistieden ukoll lill-Kummissjoni biex tinkorpora l-kultura fl-għanijiet ta' politika ġenerali tagħha.
Din ir-riżorsa bħalissa hi disponibbli biss bil-lingwa jew il-lingwi li ġejjin:
Il-punti li ġejjin ġew indirizzati taħt "affarijiet oħra":
Programm ta' ħidma tal-presidenza li jmiss (informazzjoni mill-Polonja)
Appoġġ għall-kollaborazzjoni u l-involviment fis-setturi kulturali u kreattivi fil-livell tal-UE (informazzjoni mill-Awstrija, il-Bulgarija, Ċipru, iċ-Ċekja, l-Estonja, Franza, il-Finlandja, il-Ġermanja, il-Greċja, l-Irlanda, il-Latvja, il-Litwanja, is-Slovakkja, is-Slovenja u Spanja)
Konferenza MED9 dwar id-Drittijiet Kulturali fi Żminijiet ta' Kriżi u d-Dikjarazzjoni MED9 dwar id-Drittijiet Kulturali (Nikosija, 16 ta' Settembru 2024) (informazzjoni minn Ċipru)
Lublin – il-Kapitali Ewropea tal-Kultura 2029 (informazzjoni mill-Polonja)
Il-politiki tal-istati membri biex jippromwovu d-diversità kulturali fis-suq uniku diġitali (informazzjoni minn Franza, il-Greċja, l-Italja u Spanja u bl-appoġġ tal-Ġermanja)
Kapitali Ewropej tal-kultura 2025: Chemnitz u Nova Gorica (informazzjoni mill-Ġermanja u s-Slovenja)
Tisħiħ u appoġġ strutturali għal offerti u pjattaformi tal-media Ewropej indipendenti (informazzjoni mill-Ġermanja u Franza)
Eżitu tal-Laqgħa tal-Ministri tal-G7 dwar il-Kultura (Napli, 19-21 ta' Settembru 2024) (informazzjoni mill-Italja)
Ftuħ mill-Ġdid tal-Katidral ta' Notre-Dame (informazzjoni minn Franza)
Ikla ta' nofsinhar informali
Il-ministri għall-kultura ħadu sehem f’dibattitu informali waqt l-ikla ta' nofsinhar, ippresedut mill-Ministru tal-Istat Veronika Varga-Bajusz, dwar il-futur tal-politika kulturali u l-kultura fil-perjodu ta' programmazzjoni l-ġdid tal-UE.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
