Kunsill Affarijiet Barranin (Difiża), 14/05/2019, 14 ta' Mejju 2019

Riżultati ewlenin

Is-Saħel

Il-ministri tal-UE għall-affarijiet barranin u d-difiża ddiskutew is-sitwazzjoni fis-Saħel mal-kontropartijiet tagħhom mill-pajjiżi tal-G5 tas-Saħel (il-Burkina Faso, iċ-Chad, il-Mali, il-Mauritania u n-Niġer). Il-laqgħa kienet l-opportunità biex tkun affermata mill-ġdid l-importanza strateġika tas-Saħel għall-UE, li tappoġġa lill-pajjiżi tal-G5 tas-Saħel fl-isforzi tagħhom biex jindirizzaw sfidi multipli.

Kienet diskussjoni pożittiva ħafna, profonda, u onesta. Enfasizzajna l-appoġġ li nistgħu nagħtu biex tiġi mobilizzata mill-ġdid l-awtorità tal-istat u biex ikun żgurat il-forniment tas-servizzi bażiċi, peress li n-nuqqas tagħhom jolqot l-għajxien tal-popolazzjonijiet tal-lokal. Qbilna li jeħtieġ naħdmu flimkien fir-rigward tar-riforma tas-settur tas-sigurtà u dwar ċerti aspetti tal-imġiba tal-forzi armati, li trid tkun eżemplari. Qbilna li mhu ser ikun hemm l-ebda lok għall-impunità. Federica Mogherini, Rappreżentant Għoli għall-Affarijiet Barranin u l-Politika ta' Sigurtà

B'mod partikolari l-ministri ddiskutew kif għandu jiġi indirizzat id-deterjorament reċenti fis-sitwazzjoni tas-sigurtà fir-reġjun, inkluż il-preżenza akbar ta' gruppi terroristiċi, kif ukoll iż-żieda fil-vjolenza interkomunali. Huma affermaw mill-ġdid id-determinazzjoni b'saħħitha tagħhom li jżidu l-isforzi fil-ġlieda kontra gruppi ġiħadisti u gruppi terroristiċi oħra u biex terġa' tinkiseb l-istabbiltà, inkluż permezz ta' aktar ħidma biex tibda titħaddem il-Forza Konġunta tal-G5 tas-Saħel. Huma semmew ukoll ir-rwol importanti li l-MINUSMA għandha biex tappoġġa l-isforzi ta' sigurtà fil-Mali u fir-reġjun. Kienu enfasizzati wkoll kemm il-ħtieġa li l-preżenza tal-istati tissaħħaħ fit-territorju kollu tas-Saħel kif ukoll l-importanza li jkun indirizzat ksur tad-drittijiet tal-bniedem.

• Konklużjonijiet tal-Kunsill dwar is-Saħel, (stqarrija għall-istampa, 13 ta' Mejju 2019)
• L-Unjoni Ewropea u s-Saħel, skeda informattiva (SEAE)

PESCO

Il-ministri għad-difiża ddiskutew il‑PESCO wara l‑ewwel sena sħiħa ta' implimentazzjoni tagħha. Huma eżaminaw il-progress li sar, inkluż l-implimentazzjoni tal-34 proġett maqbula f'dan il-qafas. Huma evalwaw id-diskussjoni li għaddejja fir-rigward tal-kondizzjonijiet ġenerali skont liema Stati terzi jistgħu jiġu mistiedna jieħdu sehem fi proġetti individwali, u affermaw mill-ġdid l-impenn tagħhom li jtemmu din il-ħidma kemm jista' jkun malajr.

Il-Kunsill adotta rakkomandazzjoni li tivvaluta l‑progress li sar mill‑istati membri parteċipanti biex jirrispettaw l-impenji meħuda fil‑qafas tal-Kooperazzjoni Strutturata Permanenti (PESCO).

• Il‑Kunsill jivvaluta l‑progress li sar fil‑qafas ta' PESCO wara l‑ewwel sena ta' implimentazzjoni, (stqarrija għall-istampa, 14 ta' Mejju 2019)
• Ħarsa ġenerali tal‑proġetti kollaborattivi tal‑PESCO (tabella)
• Skeda informattiva dwar il-kooperazzjoni strutturata permanenti (PESCO) (SEAE)
• Kooperazzjoni tal-UE dwar is-sigurtà u d-difiża (informazzjoni ġenerali)
• Sit web tal-PESCO

Kooperazzjoni UE-NATO

Il-ministri għad-difiża ddiskutew il-kooperazzjoni UE-NATO mal-Viċi Segretarju Ġenerali tan-NATO Rose Gottemoeller. Huma ffukaw b'mod partikolari fuq modi biex jiġi miġġieled theddid ibridu.

• Skeda informattiva dwar il-kooperazzjoni UE-NATO (SEAE)

Bord ta' Tmexxija tal-Aġenzija Ewropea għad-Difiża

Il-bord ta' tmexxija tal-Aġenzija Ewropea għad-Difiża ltaqa' wara l-laqgħa tal-Kunsill:

• Eżitu tal-bord ta' tmexxija tal-EDA, 14 ta' Mejju 2019

Fil-marġini, 22 stat membru ffirmaw programm ta' mobbiltà militari tal-EDA ġdid:

• 22 stat membru jiffirmaw programm ta' mobbiltà militari ġdid, stqarrija tal-EDA għall-istampa