"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Vidjokonferenza informali tal-ministri għall-affarijiet barranin, 19 ta' April 2021
Riżultati ewlenin
Ukrajna
It-tisħiħ tal-preżenza militari Russa fil-fruntiera mal-Ukrajna u fil-Krimea hija inkwetanti ħafna. Ir-riskju ta' eskalazzjoni ulterjuri huwa evidenti. Faħħarna lill-Ukrajna għar-reazzjoni mrażżna tagħha u ħeġġiġna lir-Russja biex tnaqqas u ttaffi t-tensjonijiet.
Josep Borrell, Rappreżentant Għoli għall-Affarijiet Barranin u l-Politika ta' Sigurtà
Il-ministri għall-affarijiet barranin tal-UE kellhom skambju ta' fehmiet dwar l-Ukrajna u ngħaqad magħhom, permezz ta' vidjokonferenza, il-Ministru għall-Affarijiet Barranin tal-Ukrajna, Dmytro Kuleba.
Il-ministri tennew l-appoġġ qawwi tagħhom għas-sovranità u l-integrità territorjali tal-Ukrajna, inkluż għan-nuqqas ta' rikonoxximent tal-annessjoni illegali tal-Krimea u għall-implimentazzjoni sħiħa tal-ftehimiet ta' Minsk. Huma laqgħu wkoll l-isforzi diplomatiċi akbar bil-għan li tiġi restawrata l-integrità territorjali tal-Ukrajna.
Fir-rigward tar-riformi domestiċi, il-ministri laqgħu l-progress u l-ambizzjoni sostanzjali tal-Ukrajna biex tqarreb il-politika tagħha mal-Patt Ekoloġiku Ewropew. Huma enfasizzaw ukoll il-ħtieġa ta' titjib fil-qasam tal-istat tad-dritt u tal-ġudikatura.
Etjopja
Il-ministri għall-affarijiet barranin tal-UE ddiskutew is-sitwazzjoni fir-reġjun ta' Tigray, fejn għaddej il-ġlied, għadu qed jiġi ostakolat l-aċċess umanitarju sħiħ u għadu għaddej ksur tad-drittijiet tal-bniedem. Huma ġew infurmati mill-Ministru għall-Affarijiet Barranin tal-Finlandja Haavisto, li vvjaġġa lejn ir-reġjun għat-tieni darba, bħala rappreżentant tar-Rappreżentant Għoli għall-Affarijiet Barranin u l-Politika ta' Sigurtà, biex jivvaluta s-sitwazzjoni.
Id-diskussjoni ssottolinjat il-ħtieġa urġenti ta' waqfien mill-ġlied immonitorjat biex jittejbu l-kundizzjonijiet ta' sigurtà f'Tigray, u biex jiġu investigati allegazzjonijiet ta' abbużi tad-drittijiet tal-bniedem, delitti tal-gwerra u vjolenza abbażi tal-ġeneru. Ir-Rappreżentant Għoli ħeġġeġ li jsiru investigazzjonijiet konġunti bejn il-Kummissjoni Etjopjana għad-Drittijiet tal-Bniedem u l-Uffiċċju tal-Kummissarju Għoli għad-Drittijiet tal-Bniedem.
Il-ministri enfasizzaw ukoll li l-gvern Etjopjan għandu juri impenn favur l-organizzazzjoni ta' djalogu nazzjonali fit-tħejjija għall-elezzjonijiet.
Ġrajjiet Kurrenti
Il-ministri għall-affarijiet barranin tal-UE ġew infurmati dwar is-sitwazzjoni li qed tiddeterjora ta' Alexei Navalny fir-Russja, u ddikjaraw mill-ġdid il-messaġġ li jinsab fid-dikjarazzjoni tal-UE tat-18 ta' April, jiġifieri li l-awtoritajiet Russi għandhom jagħtuh aċċess immedjat għall-professjonisti mediċi fdati minnu.
Il-ministru Ċek imbagħad informa lill-kollegi tiegħu dwar it-tkeċċija reċenti ta' diplomatiċi Russi marbuta ma' ħażna ta' munizzjon fl-2014.
Ir-Rappreżentant Għoli aġġorna wkoll lill-ministri dwar it-taħditiet li għaddejjin fi Vjenna, li għandhom l-għan li jagħtu ħajja mill-ġdid lill-PAKK, il-ftehim mal-Iran dwar il-qasam nukleari, u jiffaċilitaw ir-ritorn tal-Istati Uniti għall-ftehim.
Fl-aħħar nett, il-ministri ġew infurmati li tressqet proposta ġdida dwar il-Georgia taħt l-awtorità tal-President tal-Kunsill Ewropew, Charles Michel, biex isir tentattiv biex tinstab soluzzjoni għall-kriżi politika attwali.
Affarijiet oħra
Il-Kunsill adotta sanzjonijiet ġodda kontra l-Myanmar permezz ta' proċedura bil-miktub.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
It-tisħiħ tal-preżenza militari Russa fil-fruntiera mal-Ukrajna u fil-Krimea hija inkwetanti ħafna. Ir-riskju ta' eskalazzjoni ulterjuri huwa evidenti. Faħħarna lill-Ukrajna għar-reazzjoni mrażżna tagħha u ħeġġiġna lir-Russja biex tnaqqas u ttaffi t-tensjonijiet.
