"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Vidjokonferenza informali tal-ministri għall-affarijiet barranin u l-ministri għall-affarijiet interni, 15 ta' Marzu 2021
Riżultati ewlenin
Il-ministri għall-affarijiet barranin u l-affarijiet interni kellhom dibattitu konġunt permezz ta' vidjokonferenza dwar l-aspetti esterni tal-politika tal-UE dwar il-migrazzjoni, taħt il-patt il-ġdid dwar il-migrazzjoni u l-ażil.
Il-laqgħa kienet kopreseduta mir-Rappreżentant Għoli għall-Affarijiet Barranin u l-Politika ta' Sigurtà, Josep Borrell, u l-Ministru għall-Affarijiet Interni tal-Portugall, Eduardo Cabrita.
Kwalunkwe politika ta' suċċess tal-UE dwar il-migrazzjoni teħtieġ kooperazzjoni mill-qrib mal-isħab tagħna ta' pajjiżi terzi u l-messaġġ tagħna llum huwa ċar: issa huwa l-waqt li naġixxu! Wasal iż-żmien għal riżultati konkreti. Ser naħdmu flimkien biex nibnu sħubijiet ta' migrazzjoni li huma mfassla aħjar biex iqisu l-prijoritajiet tas-sħab tagħna u li huma integrati b'inqas xkiel fir-relazzjonijiet usa' tagħna.
Eduardo Cabrita, Ministru għall-Affarijiet Interni tal-Portugall
L-UE teħtieġ u trid tiżgura li l-migrazzjoni, fl-aspetti kollha tagħha, issir element importanti tar-relazzjonijiet ġenerali tagħna ma' pajjiżi terzi. Migrazzjoni regolari, ġestita tajjeb u sikura tista' tkun għodda addizzjonali għas-servizz tal-politika esterna tal-UE u assi għall-ekonomiji tagħna u tas-sħab tagħna.
Josep Borrell, Rappreżentant Għoli għall-Affarijiet Barranin u l-Politika ta' Sigurtà
Matul id-dibattitu l-ministri ffokaw b'mod partikolari fuq il-migrazzjoni bħala element importanti fir-relazzjonijiet ma' pajjiżi terzi ewlenin. Huma ddiskutew kif l-aħjar tiġi żviluppata u msaħħa aktar il-kooperazzjoni bejn il-pajjiżi ta' oriġini, ta' tranżitu u ta' destinazzjoni b'mod komprensiv u ta' benefiċċju reċiproku.
Il-ministri enfasizzaw li huwa kruċjali li jiġi segwit approċċ bilanċjat, li jqis l-aspetti rilevanti kollha tal-politika dwar il-migrazzjoni. Huma tennew ukoll il-ħtieġa li jiġu mobilizzati l-politiki u l-għodod rilevanti kollha għad-dispożizzjoni tal-UE biex tappoġġa dawn is-sħubijiet komprensivi, bilanċjati u ta' benefiċċju reċiproku, inkluż il-kooperazzjoni għall-iżvilupp, il-viża, il-kummerċ u l-investimenti, l-impjiegi u l-edukazzjoni. Ser ikun essenzjali wkoll finanzjament tal-UE aktar koerenti, strateġiku, flessibbli u ffukat. Approċċi ġodda ta' politika, bħas-sħubija UE-AKP ta' wara Cotonou u l-aġenda reċenti tal-Kummissjoni għall-Viċinat tan-Nofsinhar għandhom jiġu żviluppati aktar.
Id-diskussjoni ffukat ukoll fuq kif jistgħu jittejbu l-koordinazzjoni u l-kooperazzjoni fi ħdan l-UE biex jintlaħqu l-għanijiet dwar il-migrazzjoni. Il-ministri elaboraw b'mod partikolari dwar kif l-għodod u r-riżorsi tal-UE u tal-istati membri, inkluż ir-riżorsi finanzjarji, jistgħu jsaħħu lil xulxin biex jindirizzaw sfidi komuni marbuta mal-migrazzjoni irregolari u l-ispostament furzat, filwaqt li janalizzaw ukoll l-opportunitajiet li tista' toffri l-migrazzjoni ġestita sew.
Bħala konklużjoni ġenerali tal-ħidma li saret illum, kien hemm fokus ċar fuq l-importanza li jiġu organizzati, b'mod aktar regolari, laqgħat bħal dik organizzata mill-Presidenza Portugiża tal-Kunsill, bejn il-Ministri għall-Affarijiet Barranin u għall-Affarijiet Interni. Li jiġi ggarantit approċċ prammatiku ħafna għall-inizjattivi li għandhom jinbnew, minn issa 'l quddiem, mal-pajjiżi sħab, ukoll kien sottolinjat mill-biċċa l-kbira tad-delegazzjonijiet. Kien hemm appell ċar biex jitħejjew pjanijiet direzzjonali, bi skedi ta' żmien konkreti u b'għanijiet stabbiliti sabiex jinkisbu dawn is-sħubijiet ta' benefiċċju reċiproku.
Taħt affarijiet oħra, il-presidenza ppreżentat elementi ta' proposta għal djalogu komprensiv dwar il-ġustizzja u l-affarijiet interni ma' pajjiżi sħab fl-Afrika ta' Fuq.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Kwalunkwe politika ta' suċċess tal-UE dwar il-migrazzjoni teħtieġ kooperazzjoni mill-qrib mal-isħab tagħna ta' pajjiżi terzi u l-messaġġ tagħna llum huwa ċar: issa huwa l-waqt li naġixxu! Wasal iż-żmien għal riżultati konkreti. Ser naħdmu flimkien biex nibnu sħubijiet ta' migrazzjoni li huma mfassla aħjar biex iqisu l-prijoritajiet tas-sħab tagħna u li huma integrati b'inqas xkiel fir-relazzjonijiet usa' tagħna.
L-UE teħtieġ u trid tiżgura li l-migrazzjoni, fl-aspetti kollha tagħha, issir element importanti tar-relazzjonijiet ġenerali tagħna ma' pajjiżi terzi. Migrazzjoni regolari, ġestita tajjeb u sikura tista' tkun għodda addizzjonali għas-servizz tal-politika esterna tal-UE u assi għall-ekonomiji tagħna u tas-sħab tagħna.