"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Kunsill Affarijiet Barranin (Żvilupp), 28 ta' Novembru 2022
Riżultati ewlenin
L-Afrika u l-Ewropa: viżjoni konġunta għall-2030 (Infografika)
Il-Kunsill Affarijiet Barranin, fil-konfigurazzjoni tal-iżvilupp tiegħu, sar fi Brussell fit-28 ta' Novembru 2022.
Il-ministri għall-iżvilupp iddiskutew is-segwitu għas-Summit UE-Unjoni Afrikana, li sar fi Brussell fi Frar li għadda. Il-ministri indirizzaw ukoll kwistjonijiet ta' interess globali, inkluż l-impatt tal-aggressjoni Russa fuq l-Ukrajna fuq is-sitwazzjoni globali tal-insigurtà tal-ikel u l-prezzijiet tal-enerġija.
Is-sitwazzjoni ġeopolitika tad-dinja hija ferm differenti minn kif kienet sena ilu, iżda minkejja l-gwerra fl-Ukrajna, irridu nkomplu ninvolvu ruħna mal-Afrika. L-Afrika hija s-sieħeb tal-għażla tagħna. Hija tinsab fuq quddiem tal-aġenda tagħna speċjalment f'dan il-każ meta l-kriżi tal-ikel u l-kriżi tal-enerġija qed jolqtu b'mod sever lill-kontinent. Irridu ninvestu aktar malajr, aktar u b'mod aktar intelliġenti fl-Afrika.
Josep Borrell, Rappreżentant Għoli għall-Affarijiet Barranin u l-Politika ta' Sigurtà
L-istati membri ffukaw ukoll fuq ir-rispons ta' Tim Ewropa għall-kriżi fl-Ukrajna u dik fl-Afganistan. Il-ministri ddiskutew is-sitwazzjoni kumplessa kkawżata mill-gwerra ta' aggressjoni Russa kontra l-Ukrajna u l-pożizzjoni tagħna. Fuq l-aġenda kien hemm ukoll skambju dwar it-triq 'il quddiem wara t-teħid tal-kontroll tal-Afganistan mit-Taliban f'Awwissu 2021.
F'dan il-kuntest, il-ministri ddiskutew il-proposta mill-Kummissjoni u s-SEAE dwar "approċċ aktar profond u msaħħaħ għall-ħtiġijiet bażiċi" b'appoġġ għall-popolazzjoni Afgana u qablu li kienet meħtieġa aktar ħidma qabel jittieħdu passi f'dik id-direzzjoni.
Għandna tliet messaġġi ċari dwar l-Ukrajna: L-ewwel, jenħtieġ appoġġ immedjat speċjalment għat-tħejjija għax-xitwa u għat-tiswija ta' infrastruttura kritika, it-tieni, huwa essenzjali li jiġu żgurati l-funzjonijiet essenzjali tal-istat Ukren u t-tielet huwa importanti li r-riformi jitfasslu fil-qafas tal-perkors Ewropew. Rigward l-Afganistan, jeħtieġ niżguraw li nkomplu nappoġġaw lill-poplu Afgan peress li s-sitwazzjoni qed tmur għall-agħar speċjalment għan-nisa u l-bniet.
Josep Borrell, Rappreżentant Għoli għall-Affarijiet Barranin u l-Politika ta' Sigurtà
Il-ministri għall-iżvilupp iddiskutew ukoll l-operazzjonalizzazzjoni usa' tar-Rabta bejn l-Aspett Umanitarju, l-Iżvilupp u l-Paċi; l-għan huwa li l-approċċ nexus jiżviluppa lil hinn mill-fażi pilota f'sitt pajjiżi li għamlu l-ewwel pass ħames snin ilu u li dan jiġi estiż għall-pajjiżi sħab kollha fejn jista' jkun ta' benefiċċju.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Għandna tliet messaġġi ċari dwar l-Ukrajna: L-ewwel, jenħtieġ appoġġ immedjat speċjalment għat-tħejjija għax-xitwa u għat-tiswija ta' infrastruttura kritika, it-tieni, huwa essenzjali li jiġu żgurati l-funzjonijiet essenzjali tal-istat Ukren u t-tielet huwa importanti li r-riformi jitfasslu fil-qafas tal-perkors Ewropew. Rigward l-Afganistan, jeħtieġ niżguraw li nkomplu nappoġġaw lill-poplu Afgan peress li s-sitwazzjoni qed tmur għall-agħar speċjalment għan-nisa u l-bniet.