"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Kunsill Affarijiet Barranin (Difiża), 15 ta' Novembru 2022
Riżultati ewlenin
Ġrajjiet kurrenti
Ir-Rappreżentant Għoli informa lill-Kunsill dwar is-sitwazzjoni attwali tal-Faċilità Ewropea għall-Paċi, u l-ministri rrikonoxxew il-ħtieġa urġenti li jiggarantixxu s-sostenibbiltà finanzjarja ta' dan l-istrument, li ta prova tal-pertinenza, tal-flessibbiltà, tal-ħeffa u tal-effiċjenza tiegħu fi żminijiet ta' kriżi.
Il-Kunsill imbagħad iddiskuta involviment possibbli tal-PSDK fin-Niġer.
Ipproponejt missjoni militari żgħira u aġli biex twieġeb għall-ħtiġijiet tal-Forzi Armati tan-Niġer fil-qasam tal-manutenzjoni u l-loġistika. Nittama li nkunu nistgħu nistabbiluha fil-Kunsill Affarijiet Barranin li jmiss f'Diċembru.
Josep Borrell, Rappreżentant Għoli għall-Affarijiet Barranin u l-Politika ta' Sigurtà
Ir-Rappreżentant Għoli informa wkoll lill-Kunsill dwar il-ħidma li għaddejja dwar il-Kapaċità ta' Skjerament Rapidu tal-UE - waħda mir-riżultati konkreti ewlenin tal-Boxxla Strateġika - u dwar il-proposta konġunta tar-Rappreżentant Għoli u l-Kummissjoni dwar il-Mobbiltà Militari u ċ-Ċiberdifiża.
Il-Kunsill Affarijiet Barranin kellu diskussjoni dwar kif isaħħaħ l-investimenti fid-difiża u l-mezzi ta' difiża abbażi tat-tieni rapport tar-Rieżami Annwali Kkoordinat dwar id-Difiża.
Id-diskussjoni ffukat fuq kif jista' jsir il-forniment mill-ġdid tal-istokkijiet, jitjieb l-istat ta' tħejjija tal-forzi tal-UE, u jiġi żgurat li jibqa' jingħata l-appoġġ tal-UE lill-Ukrajna u lil sħab ewlenin. F'dan il-kuntest, il-ministri semmew ukoll l-akkwist konġunt. Il-ħidma fil-livell tal-UE dwar dan is-suġġett imxiet 'il quddiem billi l-ħtiġijiet urġenti ġew identifikati u l-UE issa tinsab f'kuntatt mal-industrija Ewropea tad-difiża sabiex tiżgura li din tista' taqdi l-ħtiġijiet tal-istati membri malajr.
Din kienet l-ewwel laqgħa annwali għall-ministri għad-difiża dwar l-inizjattivi ta' difiża tal-UE li jindirizzaw l-iżvilupp tal-mezzi, kif propost mill-Boxxla Strateġika dwar is-sigurtà u d-difiża.
L-aggressjoni Russa kontra l-Ukrajna
Wara preżentazzjoni mill-Ministru għad-Difiża tal-Ukrajna, Oleksii Reznikov (permezz ta' vidjokonferenza), il-ministri għad-difiża kellhom skambju informali ta' fehmiet dwar l-aggressjoni Russa li għaddejja kontra l-Ukrajna, flimkien mas-Segretarju Ġenerali tan-NATO Jens Stoltenberg.
Il-ministri ġew aġġornati dwar is-sitwazzjoni militari fuq il-post, fejn l-Ukrajna diġà rkuprat 50% tat-territorju okkupat mir-Russja minn Frar 2022.
Jidher ċar li fuq iż-żewġ fronti - tal-Lvant u tan-Nofsinhar - it-tagħmir militari mogħti mill-Ewropej u mill-Istati Uniti, flimkien mal-Forzi Armati Ukreni, qed jagħti xhieda tal-utilità straordinarja tiegħu. Dawn l-armi, speċjalment dawk kontra armi mill-ajru qegħdin, b'mod ċar, jagħmlu d-differenza. Din hija gwerra tal-loġistika, fejn il-ktajjen tal-provvista huwa ta' importanza kbira u ċertu tagħmir bħal tankijiet tal-gwerra, artillerija u speċjalment sistemi għad-difiża tal-ajru huma vitali. Ninsabu konvinti li bis-saħħa ta' din l-għajnuna, l-Ukrajna mhux biss qed tirreżisti, iżda wkoll qed treġġa' lill-armata Russa lura.
Josep Borrell, Rappreżentant Għoli għall-Affarijiet Barranin u l-Politika ta' Sigurtà
Deċiżjonijiet oħra tal-Kunsill
Il-Kunsill nieda l-Missjoni ta' Assistenza Militari tal-Unjoni Ewropea b'appoġġ għall-Ukrajna (EUMAM Ukraine), u adotta miżura ta' assistenza skont il-Faċilità Ewropea għall-Paċi (EPF) b'valur ta' €16-il miljun biex jappoġġa t-tisħiħ tal-kapaċitajiet tal-Forzi Armati Ukreni mill-EUMAM Ukraine.
Il-Kunsill adotta deċiżjoni li tawtorizza lin-Netherlands, bħala l-koordinatur tal-proġett, biex jistiednu formalment lir-Renju Unit jissieħeb mal-proġett "Mobbiltà Militari" tal-PESCO.
Bord ta' Tmexxija tal-Aġenzija Ewropea għad-Difiża
Il-bord ta' tmexxija ministerjali tal-Aġenzija Ewropea għad-Difiża (EDA) iltaqa' qabel il-laqgħa tal-Kunsill.
Il-ministri ddiskutew u adottaw is-sejbiet u r-rakkomandazzjonijiet tar-rapport tar-Rieżami Annwali Kkordinat dwar id-Difiża għall-2022 (CARD) fl-oqsma tal-infiq fid-difiża, l-ippjanar fid-difiża u l-kooperazzjoni fid-difiża. Il-ministri approvaw ukoll il-Baġit ġenerali tal-Aġenzija għall-2023 ta' €43.5 miljun, it-tabella tal-persunal, u l-Qafas tal-Ippjanar fuq Tliet Snin 2023-2025 li jipprevedi ħarsa ġenerali tan-natura, l-ambitu u l-impatt mistenni mill-attivitajiet tal-EDA b'appoġġ għall-istati membri fis-snin li ġejjin.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Ipproponejt missjoni militari żgħira u aġli biex twieġeb għall-ħtiġijiet tal-Forzi Armati tan-Niġer fil-qasam tal-manutenzjoni u l-loġistika. Nittama li nkunu nistgħu nistabbiluha fil-Kunsill Affarijiet Barranin li jmiss f'Diċembru.
