Kunsill Straordinarju Trasport, Telekomunikazzjoni u Enerġija (Enerġija), 13 ta' Diċembru 2022

Riżultati ewlenin

Il-ministri għall-enerġija tal-UE ddiskutew proposta għal Regolament tal-Kunsill li jistabbilixxi mekkaniżmu ta' korrezzjoni tas-suq biex jipproteġi liċ-ċittadini u lill-ekonomija kontra prezzijiet eċċessivament għoljin. Il-Kunsill ser ifittex jasal għal qbil politiku dwar il-proposta fil-Kunsill Enerġija li jmiss fid-19 ta' Diċembru.

Jeħtieġ li nsibu soluzzjonijiet konkreti għaċ-ċittadini u l-kontijiet tal-enerġija tagħhom f'każ li nerġgħu nesperjenzaw żidiet eċċessivi fil-prezzijiet bħal dawk li kellna f'Awwissu 2022. Fl-istess ħin, il-miżuri ta' emerġenza fil-qasam tal-enerġija jitolbu l-aktar kunsens wiesa' possibbli u jeħtieġ li niżguraw li dawn ikunu aċċettabbli għall-maġġoranza l-kbira tal-istati membri. Il-Presidenza Ċeka tibqa' lesta taħdem bla heda għas-suċċess finali ta' din il-proposta.

Jozef SÍKELA, ministru għall-industrija u l-kummerċ taċ-Ċekja

• Proposta għal regolament li jsaħħaħ is-solidarjetà permezz ta' koordinazzjoni aħjar tal-gass
• Il-prezzijiet tal-enerġija u s-sigurtà tal-provvista (informazzjoni ġenerali)

Il-ministri beħsiebhom jadottaw formalment regolament tal-Kunsill dwar it-tisħiħ tas-solidarjetà permezz ta' koordinazzjoni aħjar tax-xiri tal-gass, skambji tal-gass bejn il-fruntieri u parametri referenzjarji affidabbli tal-prezzijiet u regolament tal-Kunsill li jistabbilixxi qafas temporanju biex jiġi aċċellerat l-użu tal-enerġija rinnovabbli, anke fil-Kunsill tal-Enerġija li jmiss fid-19 ta' Diċembru. Il-kontenut ta' dawn ir-regolamenti ġie maqbul fil-Kunsill tal-Enerġija fl-24 ta' Novembru 2022.

• Il-Kunsill jaqbel dwar is-sustanza ta' miżuri ġodda dwar ix-xiri konġunt tal-gass u mekkaniżmu ta' solidarjetà (stqarrija għall-istampa, 24 ta' Novembru 2022)
• L-UE ser tħaffef il-proċess tal-għoti ta' permessi għall-proġetti tal-enerġija rinnovabbli (stqarrija għall-istampa, 24 ta' Novembru 2022)