Ikel u biedja
Kif l-UE tiżgura ikel sikur u ta' kwalità għolja u tippromwovi agrikoltura sostenibbli.
L-UE tappoġġa lill-bdiewa sabiex ikunu jistgħu jipprovdu ikel tajjeb għas-saħħa u affordabbli għall-450 miljun persuna li jgħixu fl-UE u oħrajn madwar id-dinja.
Il-politika agrikola tal-UE tħeġġeġ prattiki tal-biedja sostenibbli u tiżgura li l-prodotti agrikoli jkunu tal-ogħla kwalità.
Sigurtà tal-ikel
L-għan ewlieni tal-politika agrikola komuni (PAK) tal-UE huwa li tiżgura d-disponibbiltà u l-affordabbiltà tal-ikel. Bħala l-politika tal-UE li l-aktar ilha teżisti, hija tammonta għal terz tal-baġit tal-UE.
Wara li evolviet matul dawn l-aħħar għexieren ta' snin biex twieġeb għall-ħtiġijiet il-ġodda tas-suq u tal-konsumaturi, il-PAK illum tappoġġa suq uniku miftuħ għall-prodotti agrikoli.
Appoġġ għall-bdiewa
Is-settur tal-biedja qed iħabbat wiċċu ma' xi sfidi uniċi. Permezz ta' ħlas dirett bil-PAK, l-UE tgħin lill-bdiewa sabiex ikunu jistgħu jserrħu fuq dħul aktar stabbli.
Bis-saħħa tal-fondi tal-UE, stajna niżviluppaw ir-razzett tagħna. Il-fondi kienu wkoll inkoraġġiment għalina biex nibqgħu fil-kampanja.
Milena Chodnicka, sid ta' razzett, il-Polonja
Sistemi tal-ikel aktar sostenibbli
Is-settur tal-biedja għandu impatt konsiderevoli fuq l-ambjent. Madankollu jiddependi ħafna fuqu.
L-UE tippromwovi prattiki sostenibbli u ekoloġiċi fl-agrikoltura, anke fil-PAK, biex jitnaqqsu l-emissjonijiet tal-gassijiet serra tas-settur u jiġi protett aħjar l-ambjent.
Hija tħeġġeġ ukoll konsum tal-ikel aktar sostenibbli.
Politiki agroalimentari oħra tal-UE
L-ikel fl-UE huwa sikur għall-konsum bis-saħħa tal-istandards għoljin u effettivi ta' kontroll u monitoraġġ. Ir-regoli tal-UE jipproteġu wkoll is-saħħa tal-pjanti u tal-annimali.
L-UE tħares il-wirt agrikolu tal-Ewropa. L-iskemi tal-kwalità, bħall-indikazzjonijiet ġeografiċi, jipproteġu l-prodotti tradizzjonali u ta' kwalità għolja.
Il-finanzjament għall-iżvilupp rurali jappoġġa l-komunitajiet f'żoni żvantaġġati, u jgħin jiżgura li dawn iż-żoni jibqgħu popolati u dinamiċi.
L-UE u l-istati membri tagħha huma l-akbar fornitur fid-dinja ta' għajnuna għall-iżvilupp, inkluż għall-ġlieda kontra l-ġuħ. Huma jappoġġaw l-esportazzjonijiet agroalimentari tal-Ukrajna li huma mxekkla mill-gwerra tar-Russja.
L-aħħar aħbarijiet
Il-Kunsill jagħti l-approvazzjoni finali biex tissaħħaħ il-pożizzjoni tal-bdiewa fil-katina tal-provvista tal-ikel Kummerċ bejn l-UE u l-Istati Uniti: il-Kunsill jagħti l-approvazzjoni finali għall-impenji tariffarji skont id-Dikjarazzjoni Konġunta Council agrees position to help farmers cope with rising fertiliser prices
L-aħħar spjegazzjonijiet
Simplifikazzjoni tar-regoli tal-UE
Lesti għall-Mira ta' 55%
Ir-reżiljenza tal-foresti u l-protezzjoni tal-foresti
L-aħħar reviżjoni: 15 ta' April 2026