Amlíne: An Stair

D’fhógair Aire Gnóthaí Eachtracha na Fraince, Robert Schuman, go gcruthófaí Comhphobal Eorpach do Ghual agus Cruach a bheadh faoi smacht ag Ard-Údarás comhchoiteann. Réitíodh an bealach don Aontas Eorpach, agus dhá chroíphrionsabal mar bhonn leis: an tsíocháin agus an dlúthpháirtíocht.

• Dearbhú Schuman (scéal gné)

Bunaíodh an Comhphobal Eorpach do Ghual agus Cruach (CEGC) le Conradh Pháras, lenar cruthaíodh an cómhargadh do ghual agus cruach. Le bunú an chomhphobail, cruthaíodh muinín arís agus seachnaíodh teannas idir tíortha comharsanachta san Eoraip tar éis an Dara Cogadh Domhanda. Ba é Conradh CEGC, a chuaigh in éag in 2002, an chéad chonradh bunaidh de chuid an Chomhphobail Eorpaigh.

Tionóladh an chéad chruinniú de Chomhairle Speisialta na nAirí de chuid an Chomhphobail Eorpaigh do Ghual agus Cruach i Lucsamburg, agus ba as sin a tháinig Comhairle an Aontais Eorpaigh.

Le Conarthaí na Róimhe, bunaíodh Comhphobal Eacnamaíochta na hEorpa (CEE) agus an Comhphobal Eorpach d'Fhuinneamh Adamhach (Euratom). Tionóladh an chéad chruinniú de Chomhairle CEE an 25 Eanáir 1958 faoi chathaoirleacht Victor Larock, Aire Gnóthaí Eachtracha na Beilge.

In 1965, d'fhógair an Fhrainc nach bhfreastalódh sí ar chruinnithe na Comhairle toisc nár aontaigh sí leis an gcaibidlíocht maidir le maoiniú an Chomhbheartais Talmhaíochta. Réitíodh an ghéarchéim ina dhiaidh sin a bhuíochas do chomhréiteach Lucsamburg 1966 faoinar cinneadh go gcuirfí vótáil aontoilíochta chun feidhme feasta agus leasanna móra i gceist.

Leis an dá chonradh seo (1967 agus 1971), tugadh isteach Comhairle aonair, Coimisiún aonair agus buiséad aonair do na trí Chomhphobal (CEGC, Euratom agus CEE). Cuireadh Coreper ar bhonn foirmiúil mar chomhlacht ullmhúcháin den Chomhairle.

• Coreper I
• Coreper II

Tháinig an Danmhairg, Éire agus an Ríocht Aontaithe isteach sna Comhphobail Eorpacha, agus leis sin bhí naoi mBallstát i gceist.

Tar éis chruinniú mullaigh Chóbanhávan i mí na Nollag 1973, ina ndearnadh foráil do chruinnithe mullaigh a reáchtáil nuair ba ghá, cruthaíodh an Chomhairle Eorpach ag cruinniú mullaigh Pháras i mí na Nollag 1974. Ba é an tUachtarán Valéry Giscard d’Estaing a bhí ina óstach ar an gcruinniú sin. D'fhonn fóram neamhfhoirmiúil a bhunú le haghaidh plé idir Cinn Stáit nó Rialtais a cruthaíodh í.

• European Council: 50 years of working together (English version)

Tháinig an Chomhairle Eorpach le chéile den chéad uair i mí an Mhárta 1975 i mBaile Átha Cliath.

• An Chomhairle Eorpach - Baile Átha Cliath, an 10-11 Márta 1975

Bhain ballraíocht AE figiúir dhúbailte amach nuair a tháinig an Ghréig isteach sa chomhphobal.

I Schengen (Lucsamburg), shínigh an Bheilg, an Ghearmáin, an Fhrainc, Lucsamburg agus an Ísiltír Comhaontú Schengen maidir le rialuithe teorann a dhíothú.

Le Comhaontú Schengen, bheadh daoine in ann taisteal, de réir a chéile, gan a bpas a sheiceáil ag teorainneacha inmheánacha. Is ina dhiaidh sin, in 1995, a tosaíodh ar Chomhaontú Schengen a chur chun feidhme.

Glacann an Chomhairle Eorpach an bhratach go foirmiúil mar lógó oifigiúil na gComhphobal Eorpach.

Tháinig an Chomhairle Eorpach ar chomhaontú polaitiúil, lenar réitíodh an bóthar chun go nglacfaí leis an Ionstraim Eorpach Aonair.

• An Chomhairle Eorpach - Lucsamburg, an 2-3 Nollaig 1985

Tháinig an Spáinn agus an Phortaingéil isteach san Aontas, agus leis sin, tháinig méadú ar bhallraíocht na gComhphobal Eorpach go dtí 12.

Leis an Ionstraim Eorpach Aonair (IEA), bunaíodh an margadh inmheánach, lena ndearnadh foráil do shaorghluaiseacht earraí, daoine, seirbhísí agus caipitil. Leis sin, seoladh comhar i ndáil le beartas eachtrach agus leathnaíodh úsáid na vótála trí thromlach cáilithe le haghaidh cinnteoireachta laistigh den Chomhairle.

• An próiseas cinnteoireachta sa Chomhairle

Leis an Ionstraim Eorpach Aonair, tugadh bunús dlí freisin don Chomhairle Eorpach, rud a chuir cruinnithe de Cheannairí Stáit nó Rialtais ar bhonn foirmiúil.

Leis an gComhairle Eorpach i nDún Éideann i 1992, cuireadh tús le "díospóireachtaí poiblí" agus leathnaíodh an nós seo le himeacht ama, go háirithe le Conradh Liospóin.

Sa lá atá inniu ann, is féidir díospóireachtaí poiblí agus cur agus cúiteamh poiblí na Comhairle a leanúint ar an láithreán gréasáin.

• Féach ar dhíospóireachtaí agus ar chur agus cúiteamh beo

Ar theacht i bhfeidhm Chonradh Maastricht, cruthaíodh an tAontas Eorpach, arbh Aontas é a bhí bunaithe ar cholún méadaithe den 'Chomhphobal'. Cruthaíodh Aontas Eacnamaíoch agus Airgeadaíochta leis an gConradh agus bunaíodh dhá cholún nua: an Comhbheartas Eachtrach agus Slándála (CBES) agus comhar i réimse an cheartais agus gnóthaí baile (CGB).

Tugadh stádas foirmiúil don Chomhairle Eorpach i gConradh Maastricht. Tugadh dlús agus treoirlínte ginearálta polaitiúla d'fhorbairt an Aontais Eorpaigh leis sin.

Chuathas i dtreo an euro a bhunú le Conradh Maastricht freisin agus seoladh an Comhbheartas Eachtrach agus Slándála (CBES).

• An bealach ar athraigh Maastricht an Eoraip (scéal amhairc)

Tháinig an Ostair, an Fhionlainn agus an tSualainn isteach san Aontas. Chlúdaigh na 15 chomhalta Iarthar na hEorpa ar fad, beagnach, faoin am sin.

Ó 1996 i leith, thiocfadh an Chomhairle Eorpach le chéile ceithre huaire sa bhliain ar a laghad. Roimhe sin, ní bhíodh gá ach le dhá chruinniú in aghaidh na bliana.

D'fhormhuinigh an Chomhairle Eorpach cruthú an Ghrúpa Euro, comhlacht neamhfhoirmiúil a thugann airí airgeadais tíortha a bhfuil an euro mar airgeadra acu le chéile. Tionóladh an chéad chruinniú de chuid an Ghrúpa Euro an 4 Meitheamh 1998 ag Chateau de Senningen i Lucsamburg.

• An Grúpa Euro

Tugadh isteach in 11 Bhallstát é: An Ostair, an Bheilg, an Fhionlainn, an Fhrainc, an Ghearmáin, Éire, an Iodáil, Lucsamburg, an Ísiltír, an Phortaingéil agus an Spáinn.

Le Conradh Amstardam, bunaíodh limistéar saoirse, slándála agus ceartais agus rinneadh Comhaontú Schengen a chomhtháthú le dlí an Aontais. Leasaíodh leis an gconradh sin ról Ardrúnaí na Comhairle agus rinneadh Ardionadaí don Chomhbheartas Eachtrach agus Slándála de, freisin.

Ba í an Ghréig an 12ú Ballstát de chuid an Aontais Eorpaigh a tháinig isteach sa limistéar euro.

Ar an 1 Eanáir 2002, cuireadh an euro i gcúrsaíocht mar nótaí bainc agus boinn, in ionad na n-airgeadraí náisiúnta.

In oirchill an Aontais mhéadaithe, a raibh 27 mBallstát le bheith feasta ann, rinneadh athchóiriú faoi Chonradh Nice ar institiúidí an Aontais. Rinneadh athchóiriú ar an gComhairle chun vótáil trí thromlach cáilithe a leathnú, agus chun prionsabal an chomhair fheabhsaithe idir na Ballstáit a thabhairt isteach.

Ó mhí Dheireadh Fómhair 2003 i leith, is sa Bhruiséil a thionóltar cruinnithe foirmiúla uile na Comhairle Eorpaí.

Sonraíodh sa 22ú Dearbhú de Chonradh Nice gur sa Bhruiséil a thionólfaí feasta gach cruinniú den Chomhairle Eorpach a luaithe a bheadh 18 mBallstát san Aontas Eorpach.

Tháinig deich dtír nua isteach san Aontas ag an am céanna: Poblacht na Seice, an Eastóin, an Chipir, an Laitvia, an Liotuáin, an Ungáir, Málta, an Pholainn, an tSlóvaic agus an tSlóivéin. Ba é sin an méadú aonair ba mhó ar an Aontas ó thaobh daoine agus líon na dtíortha de.

25 Bhallstát a bhí san Aontas Eorpach faoin am seo.

Chinn an Grúpa Euro Uachtarán buan a bheith aige, a cheapfaí ar feadh tréimhse 2 bhliain.

Ag cruinniú neamhfhoirmiúil den Chomhairle Gnóthaí Eacnamaíocha agus Airgeadais (ECOFIN) in Scheveningen, toghadh Jean-Claude Juncker ina chéad Uachtarán buan ar an nGrúpa Euro. Ón 1 Eanáir 2005 go dtí an 31 Nollaig 2006 a mhair a théarma.

Toghadh ina Uachtarán é ar an nGrúpa Euro don dara téarma.

Tháinig an Bhulgáir agus an Rómáin isteach san Aontas, agus leis sin, bhí 27 mBallstát ann.

Ba í an tSlóivéin an 13ú Ballstát de chuid an Aontais Eorpaigh a ghlac an euro mar airgeadra.

15 bhall a bhí sa limistéar euro ansin.

Mhol Nicolas Sarkozy, Uachtarán na Fraince, cruinniú a bheith ag ceannairí stáit nó rialtais an limistéir euro go rialta. Ar an 12 Deireadh Fómhair 2008 a cuireadh an chéad chruinniú ar siúl. Bhí cruinnithe mullaigh ann ina dhiaidh sin i mí na Bealtaine 2010, i mí an Mhárta 2011, i mí Iúil 2011 agus i mí Dheireadh Fómhair 2011 sa Bhruiséil.

Leis na Cruinnithe Mullaigh Euro, cuidíodh le beartas eacnamaíoch an limistéir euro a chomhordú agus d'fhreastail Uachtarán an Chruinnithe Mullaigh Euro agus Uachtarán an Choimisiúin Eorpaigh ar na cruinnithe sin freisin.

• An Cruinniú Mullaigh Euro

Ba í an tSlóvaic an 16ú ball den limistéar euro.

Ag cruinniú neamhfhoirmiúil a bhí acu sa Bhruiséil an 19 Samhain 2009, chomhaontaigh Ceannairí Stáit nó Rialtais an Aontais Eorpaigh d'aon toil Herman Van Rompuy a cheapadh ina chéad Uachtarán buan ar an gComhairle Eorpach.

• Ráiteas ó Herman Van Rompuy

Tháinig Conradh Liospóin i bhfeidhm, conradh a rinne athchóiriú ar struchtúr an Aontais Eorpaigh agus ar an mbealach ar fheidhmigh sé.

Cuireadh síneadh leis an úsáid a baineadh as vótáil trí thromlach cáilithe sa Chomhairle.

B'institiúid lánfheidhme í anois an Chomhairle Eorpach agus a hUachtarán féin uirthi. Roimhe sin, comhlacht neamhfhoirmiúil a bhí sa Chomhairle Eorpach agus ba phost neamh-oifigiúil a bhíodh ag ceannaire na Comhairle Eorpaí. Bhí an ról sin ag Ceannaire Stáit nó Rialtais an Bhallstáit a raibh Uachtaránacht rothlach Chomhairle an Aontais Eorpaigh aige ag an am.

• Ról Uachtarán na Comhairle Eorpaí
• Conradh Liospóin: Ag múnlú an Aontais Eorpaigh mar is eol dúinn é (scéal amhairc)

Tháinig Prótacal Uimh. 14 a ghabhann le Conradh Liospóin, lenar leagadh amach ról an Ghrúpa Euro, i bhfeidhm an 1 Nollaig 2009. Tháinig airí na mBallstát a raibh an euro mar airgeadra acu le chéile go neamhfhoirmiúil le plé a dhéanamh ar ábhair a bhain leis an airgeadra aonair agus thogh siad uachtarán ar feadh tréimhse dhá bhliain go leith.

Leasaíodh freisin le Conradh Liospóin rialacha Chomhairle an Aontais Eorpaigh ionas nach mbeadh ach comhaltaí den Ghrúpa Euro in ann vóta a chaitheamh nuair a bheadh an Chomhairle Gnóthaí Eacnamaíocha agus Airgeadais (ECOFIN) ag vótáil ar ábhair nár bhain ach leis an limistéar euro.

• Prótacal (Uimh. 14) maidir leis an nGrúpa Euro

Den uair dheireanach, ba é nó ba í Uachtarán nó Príomh-Aire an Bhallstáit ar aige a bhí Uachtaránacht uainíochta na Comhairle a rinne cathaoirleacht ar an gComhairle Eorpach.

Ba é Fredrik Reinfeldt, Príomh-Aire na Sualainne, a bhí mar chathaoirleach ar Chomhairle Eorpach mhí na Nollag 2009.

• Conclúidí ón gComhairle Eorpach - an Bhruiséil, 10-11 Nollaig 2009

Ba í an Eastóin an 17ú dtír a chuaigh isteach sa limistéar euro.

Ag an gcruinniú a bhí ag an gComhairle Eorpach an 1-2 Márta 2012, shínigh 25 cheannaire Eorpacha an Conradh ar Chobhsaíocht, ar Chomhordú agus ar Rialachas (TSCG) san Aontas Eacnamaíoch agus Airgeadaíochta.

Tháinig an Conradh i bhfeidhm an 1 Eanáir 2013 agus cuireadh an Cruinniú Mullaigh Euro ar bhonn foirmiúil. Leagadh amach eagrú an Chruinnithe Mullaigh Euro agus ról a Uachtaráin in Airteagal 12 den Chonradh.

• An Conradh ar Chobhsaíocht, ar Chomhordú agus ar Rialachas (TSCG)

Rinneadh Herman Van Rompuy a atoghadh don dara téarma ina Uachtarán ar an gComhairle Eorpach, ón 1 Meitheamh 2012 go dtí an 30 Samhain 2014.

Bronnadh Duais Nobel na Síochána 2012 ar an Aontas Eorpach as ucht an tsíocháin, an t-athmhuintearas, an daonlathas agus cearta an duine san Eoraip a chur chun cinn.

Agus Duais Nobel na Síochána á bronnadh ar an Aontas, dúirt Coiste Nobel na hIorua go raibh an cinneadh sin bunaithe ar an ról cobhsaitheach a bhí ag an Aontas maidir leis an tsíocháin a chur i réim ar an mór-roinn, áit a mbíodh sé ina chogadh dearg tráth.

Toghadh Jeroen Dijsselbloem, Aire Airgeadais na hÍsiltíre, ina Uachtarán ar an nGrúpa Euro. Is é an dara hUachtarán buan é ar an nGrúpa Euro ó bunaíodh an Grúpa sin.

• President of the Eurogroup
• Jeroen Dijsselbloem

Ar an 14 Márta 2013, tionóladh an chéad Chruinniú Mullaigh Euro ó tháinig an Conradh ar Chobhsaíocht, ar Chomhordú agus ar Rialachas san Aontas Eacnamaíoch agus Airgeadaíochta (TSCG) i bhfeidhm. Glacadh rialacha maidir leis na Cruinnithe Mullaigh Euro a eagrú ag an gcruinniú sin.

• Rialacha maidir le himeachtaí na gCruinnithe Mullaigh Euro a eagrú

Ba í an Chróit an dara tír as an iar-Iúgslaiv a tháinig isteach san Aontas, i ndiaidh na Slóivéine.

28 mBallstát a bhí san Aontas Eorpach faoin am seo.

Ba í an Laitvia an 18ú comhalta den limistéar euro.

Tháinig Donald Tusk isteach in ionad Herman Van Rompuy mar Uachtarán na Comhairle Eorpaí. Ón 1 Nollaig 2014 go dtí an 31 Bealtaine 2017 a théarma.

• Barúlacha a thug an tUachtarán Tusk ag an searmanas aistrithe, an 1 Nollaig 2014
• Beathaisnéis Donald Tusk, Uachtarán na Comhairle Eorpaí

19 gcomhalta a bhí sa limistéar euro faoin am seo: An Ostair, an Bheilg, an Chipir, an Eastóin, Éire, an Fhionlainn, an Fhrainc, an Ghearmáin, an Ghréig, an Iodáil, an Laitvia, an Liotuáin, Lucsamburg, Málta, an Ísiltír, an Phortaingéil, an tSlóvaic, an tSlóivéin agus an Spáinn.

Bhuail ceannairí an Aontais le chéile chun tuairimí a phlé maidir leis an nGréig an 22 Meitheamh 2015. Dúirt Uachtarán an Chruinnithe Mullaigh Euro, Donald Tusk, gur chéim chun cinn iad na moltaí ba dhéanaí a bhí déanta ag rialtas na Gréige, ach go gcaithfeadh na hinstitiúidí iad a mheas a thuilleadh.

• Ráiteas ón Uachtarán Donald Tusk maidir leis an gCruinniú Mullaigh Euro Dé Luain 22 Meitheamh 2015

Bhí siad réidh chun tús a chur le caibidlíocht maidir le clár cúnaimh airgeadais an tSásra Cobhsaíochta Eorpaigh (SCE) don Ghréig, ach níor mhór ar dtús do Pharlaimint na Gréige agus do na Parlaimintí náisiúnta eile an comhaontú a fhormheas. Tar éis na nósanna imeachta náisiúnta, leanfaidh an Grúpa Euro leis an gcaibidlíocht.

• Ráiteas ón gCruinniú Mullaigh Euro, an Bhruiséil, 12 Iúil 2015
• A ndúirt an tUachtarán Donald Tusk tar éis an Chruinnithe Mullaigh Euro maidir leis an nGréig an 12 Iúil 2015

Athcheapadh Jeroen Dijsselbloem ina Uachtarán ar an nGrúpa Euro don dara téarma (dhá bhliain go leith).

• Eurogroup statement on the appointment of the President of the Eurogroup
• President of the Eurogroup

Atoghadh Donald Tusk ina Uachtarán ar an gComhairle Eorpach don dara téarma dhá bhliain go leith, ón 1 Meitheamh 2017 go dtí an 30 Samhain 2019.

• Atoghadh Donald Tusk ina Uachtarán ar Chomhairle an Aontais Eorpaigh (preaseisiúint, 09/03/2017)

Tar éis thoradh an reifrinn sa Ríocht Aontaithe ar an 23 Meitheamh 2016, inar vótáil saoránaigh na Ríochta Aontaithe leis an Aontas Eorpach a fhágáil, thug an Ríocht Aontaithe fógra foirmiúil don Chomhairle Eorpach go raibh sé ar intinn aici an tAontas a fhágáil.

Ghlac an Chomhairle Eorpach ráiteas maidir leis an bhfógra ón Ríocht Aontaithe.

Is oth linn go bhfuil an Ríocht Aontaithe leis an Aontas Eorpach a fhágáil ach táimid faoi réir don phróiseas atá le leanúint anois againn. (...) Sa chaibidlíocht sin, gníomhóidh an tAontas mar aon agus cosnóidh sé leasanna an Aontais. Is é an chloch is mó a bheidh ar ár bpaidrín againn an éiginnteacht a chothaigh cinneadh na Ríochta Aontaithe, do shaoránaigh, do ghnólachtaí agus do na Ballstáit, a laghdú oiread agus is féidir.

An Chomhairle Eorpach, an 29 Márta 2017

• Litir an fhógra maidir le hAirteagal 50, 29/03/2017
• An caidreamh idir an tAontas agus an Ríocht Aontaithe (eolas cúlra)

Toghadh Jeroen Dijsselbloem, Aire Airgeadais na hÍsiltíre, ina Uachtarán ar an nGrúpa Euro. Is é an dara hUachtarán buan é ar an nGrúpa Euro ó bunaíodh an Grúpa sin.

Charles Michel tagtha i gcomharbacht ar Donald Tusk mar Uachtarán na Comhairle Eorpaí. Ón 1 Nollaig 2019 go dtí an 31 Bealtaine 2022 a théarma.

• Óráid a thug an tUachtarán Charles Michel ag an searmanas aistrithe leis an Uachtarán roimhe seo, Donald Tusk

Ag eascairt as an reifreann náisiúnta a ritheadh an 23 Meitheamh 2016, agus tar éis don dá pháirtí an Comhaontú um Tharraingt Siar a dhaingniú in Eanáir 2020, tá an tAontas Eorpach fágtha ag an Ríocht Aontaithe.

Thogh an Grúpa Euro Paschal Donohoe, Aire Airgeadais agus Caiteachais Phoiblí agus Athchóirithe na hÉireann, ina Uachtarán ar an nGrúpa Euro, i gcomhréir le Prótacal 14 de chonarthaí an Aontais.

Chuaigh an t-uachtarán nua i mbun oifige an 13 Iúil 2020 ar feadh téarma dhá bhliain go leith.

• Paschal Donohoe tofa ina Uachtarán ar an nGrúpa Euro (preaseisiúint, 9 Iúil 2020)

Atoghadh Charles Michel ina Uachtarán ar an gComhairle Eorpach don dara téarma dhá bhliain go leith, ón 1 Meitheamh 2022 go dtí an 30 Samhain 2024.

• Atoghadh Charles Michel ina Uachtarán ar Chomhairle an Aontais Eorpaigh (preaseisiúint, 24 Márta 2022)

D’atogh an Grúpa Euro trí chomhthoil Paschal Donohoe, Aire Airgeadais na hÉireann, mar Uachtarán an Ghrúpa Euro, don dara téarma dhá bhliain go leith a thosaigh ón 13 Eanáir 2023.

• Paschal Donohoe atofa ina Uachtarán ar an nGrúpa Euro (preaseisiúint, 5 Nollaig 2022)

Ba í an Chróit an 20ú comhalta den limistéar euro.

António Costa tagtha i gcomharbacht ar Charles Michel mar Uachtarán ar an gComhairle Eorpach. Ón 1 Nollaig 2024 go dtí an 31 Bealtaine 2027 a théarma.

• Óráid a thug an tUachtarán António Costa ag an searmanas aistrithe leis an Uachtarán roimhe seo, Charles Michel

D’atogh an Grúpa Euro Paschal Donohoe, Aire Airgeadais na hÉireann, mar Uachtarán de chomhthoil. Agus an cúram sin air ón 13 Iúil 2020 i leith, cuirfidh sé tús lena thríú téarma an 13 Iúil 2025. Mairfidh an sainordú sin go ceann dhá bhliain go leith.

• Paschal Donohoe deimhnithe don tríú téarma mar Uachtarán an Ghrúpa Euro (preaseisiúint, an 7 Iúil 2025)

An 18 Samhain 2025, ceapadh Makis Keravnos, Aire Airgeadais Phoblacht na Cipire, ina Uachtarán gníomhach ar an nGrúpa Euro tar éis do Paschal Donohoe, an t-uachtarán a bhí ann roimhe sin, éirí as oifig. I gcomhréir le modhanna oibre an Ghrúpa Euro, feidhmeoidh sé sa ról sin go dtí go roghnófar uachtarán nua.

• Ráiteas ó Uachtarán an Ghrúpa Euro, Paschal Donohoe (preaseisiúint, an 18 Samhain 2025)

Thogh an Grúpa Euro Kyriakos Pierrakakis, Aire Geilleagair agus Airgeadais na Gréige, ina Uachtarán ar an nGrúpa Euro, i gcomhréir le Prótacal 14 de chonarthaí an Aontais.

Rachaidh an tUachtarán nua i mbun oifige an 12 Nollaig 2025 agus beidh téarma 2.5 bliain aige.

• Kyriakos Pierrakakis tofa ina Uachtarán ar an nGrúpa Euro (preaseisiúint, 11 Nollaig 2025)