Kronoloġija: Storja

Il-ministru għall-affarijiet barranin Franċiż Robert Schuman ħabbar il-ħolqien ta' Komunità Ewropea tal-Faħam u l-Azzar taħt il-kontroll ta' awtorità għolja komuni. Il-pedamenti għall-Unjoni Ewropea kienu ġew stabbiliti, abbażi ta' żewġ prinċipji ewlenin: il-paċi u s-solidarjetà.

• Id-Dikjarazzjoni ta' Schuman (artiklu dwar is-suġġett)

It-Trattat ta' Pariġi jistabbilixxi l-Komunità Ewropea tal-Faħam u l-Azzar (KEFA) li toħloq suq komuni għall-faħam u l-azzar. Dan inaqqas l-isfiduċja u t-tensjonijiet bejn pajjiżi ġirien Ewropej wara t-Tieni Gwerra Dinjija. It-Trattat KEFA, li skada fl-2002, huwa l-ewwel trattat fundatur tal-Komunità Ewropea.

Issir fil-Lussemburgu l-ewwel laqgħa tal-Kunsill Speċjali tal-Ministri tal-Komunità Ewropea tal-Faħam u l-Azzar, li eventwalment sar il-Kunsill tal-Unjoni Ewropea.

It-Trattati ta' Ruma jistabbilixxu l-Komunità Ekonomika Ewropea (KEE) u l-Komunità Ewropea tal-Enerġija Atomika (Euratom). Issir l-ewwel laqgħa tal-Kunsill tal-KEE fil-25 ta' Jannar 1958 b'Victor Larock, il-Ministru għall-Affarijiet Barranin tal-Belġju, bħala president.

Fl-1965 Franza tħabbar li mhix ser tattendi l-laqgħat tal-Kunsill minħabba nuqqas ta' qbil man-negozjati dwar il-finanzjament tal-Politika Agrikola Komuni. Il-kriżi tiġi riżolta aktar tard bis-saħħa tal-kompromess tal-Lussemburgu tal-1966, li jimplimenta l-votazzjoni b'unanimità meta jkunu involuti interessi ta' importanza kbira.

Dawn iż-żewġ trattati (1967 u 1971) jintroduċu Kunsill uniku, Kummissjoni unika u baġit uniku għat-tliet Komunitajiet (KEFA, Euratom u KEE). Il-Coreper huwa formalizzat bħala korp preparatorju tal-Kunsill.

• Coreper I
• Coreper II

Id-Danimarka, l-Irlanda u r-Renju Unit jissieħbu fil-Komunitajiet Ewropej, b'hekk l-għadd ta' stati membri jitla' għal disgħa.

Wara s-summit ta' Copenhagen f'Diċembru 1973, li ppreveda li jsiru summits kull meta jkun meħtieġ, is-summit ta' Pariġi ta' Diċembru 1974, ospitat mill-President Valéry Giscard d'Estaing, joħloq il-Kunsill Ewropew. Dan inħoloq bl-intenzjoni li jiġi stabbilit forum informali għal diskussjoni bejn il-kapijiet ta' stat jew ta' gvern.

• European Council: 50 years of working together (English version)

Il-Kunsill Ewropew il-ġdid jiltaqa' l-ewwel darba f'Marzu 1975 f'Dublin.

• Kunsill Ewropew - Dublin, l-10 u l-11 ta' Marzu 1975

L-għadd ta' membri tal-UE jilħaq ċifri doppji meta tissieħeb il-Greċja.

Jiġi ffirmat il-Ftehim ta' Schengen dwar it-tneħħija tal-kontrolli fil-fruntieri mill-Belġju, il-Ġermanja, Franza, il-Lussemburgu u n-Netherlands f'Schengen (il-Lussemburgu).

Il-Ftehim ta' Schengen b'mod gradwali ser jippermetti li n-nies jivvjaġġaw mingħajr ma jiġu ċċekkjati l-passaporti tagħhom fil-fruntieri interni. L-implimentazzjoni tal-Ftehim ta' Schengen tibda aktar tard, fl-1995.

Il-Kunsill Ewropew formalment jadotta l-bandiera bħala l-logo uffiċjali tal-Komunitajiet Ewropej.

Il-Kunsill Ewropew jilħaq qbil politiku li jwitti t-triq għall-adozzjoni tal-Att Uniku Ewropew.

• Kunsill Ewropew - il-Lussemburgu, it-2 u t-3 ta' Diċembru 1985

Spanja u l-Portugall jissieħbu fl-UE, u jtellgħu l-għadd ta' membri tal-Komunitajiet Ewropej għal 12.

L-Att Uniku Ewropew (Single European Act - SEA) jistabbilixxi s-suq intern, li jipprevedi l-moviment liberu ta' merkanzija, persuni, servizzi u kapital. Huwa jniedi l-kooperazzjoni dwar il-politika barranija u jestendi l-użu tal-votazzjoni b'maġġoranza kwalifikata għat-teħid ta' deċiżjonijiet fil-Kunsill.

• Il-proċess tat-teħid ta' deċiżjonijiet fil-Kunsill

L-Att Uniku Ewropew jagħti wkoll bażi ġuridika lill-Kunsill Ewropew, b'hekk jifformalizza l-laqgħat tal-kapijiet ta' stat jew ta' gvern.

Il-Kunsill Ewropew ta' Edinburgu tal-1992 iniedi d-dibattiti pubbliċi, prattika li ġiet estiża b'mod sostanzjali matul is-snin, l-aktar reċentement bit-Trattat ta' Lisbona.

Illum id-dibattiti u d-deliberazzjonijiet pubbliċi tal-Kunsill jistgħu jiġu segwiti fuq is-sit web.

• Trasmissjoni diretta tad-dibattiti u d-deliberazzjonijiet

Jidħol fis-seħħ it-Trattat ta' Maastricht, li joħloq l-Unjoni Ewropea bbażata fuq pilastru ''Komunitarju'' estiż. Dan joħloq l-unjoni ekonomika u monetarja u jistabbilixxi żewġ pilastri ġodda: il-politika estera u ta' sigurtà komuni (PESK) u l-kooperazzjoni fl-oqsma tal-ġustizzja u l-affarijiet interni (ĠAI).

Il-Kunsill Ewropew jikseb status formali fit-Trattat ta' Maastricht. Huwa definit bħala li jagħti l-impetu u l-linji gwida politiċi ġenerali għall-iżvilupp tal-UE.

It-Trattat ta' Maastricht jibda wkoll il-mixja lejn l-euro u jniedi l-Politika Estera u ta' Sigurtà Komuni (PESK).

• Kif Maastricht biddlet l-Ewropa (storja viżiva)

L-Awstrija, il-Finlandja u l-Iżvezja jissieħbu fl-UE. Il-15-il membru issa jkopru kważi l-Ewropa tal-Punent kollha.

Mill-1996, il-Kunsill Ewropew jiltaqa' mill-inqas erba' darbiet fis-sena. Qabel, kienu meħtieġa biss żewġ laqgħat fis-sena.

Il-Kunsill Ewropew japprova l-ħolqien tal-Grupp tal-Euro, korp informali li jlaqqa' l-ministri għall-finanzi tal-pajjiżi li l-munita tagħhom hija l-euro. L-ewwel laqgħa tal-Grupp tal-Euro ssir fl-4 ta' Ġunju 1998 fix-Chateau de Senningen fil-Lussemburgu.

• Grupp tal-Euro

Tiġi introdotta fi 11-il stat membru: l-Awstrija, il-Belġju, il-Finlandja, Franza, il-Ġermanja, l-Irlanda, l-Italja, il-Lussemburgu, in-Netherlands, il-Portugall u Spanja.

It-Trattat ta' Amsterdam jistabbilixxi spazju ta' libertà, sigurtà u ġustizzja, u jintegra l-Ftehim ta' Schengen fil-liġi tal-UE. It-Trattat jimmodifika r-rwol tas-Segretarju Ġenerali tal-Kunsill, li jsir ukoll ir-Rappreżentant Għoli għall-Politika Barranija u ta' Sigurtà Komuni.

Il-Greċja ssir it-12-il Stat Membru tal-UE li jissieħeb fiż-żona tal-euro.

Fl-1 ta' Jannar 2002 l-euro jibda jiċċirkola bħala karti tal-flus u muniti, u jieħu post il-muniti nazzjonali.

It-Trattat ta' Nizza jintroduċi r-riforma tal-istituzzjonijiet tal-UE, bi tħejjija għall-UE mkabbra futura ta' 27 Stat Membru. Il-Kunsill jiġi rriformat biex jiġi estiż l-użu tal-votazzjoni b'maġġoranza kwalifikata, u biex jiġi introdott il-prinċipju ta' kooperazzjoni msaħħa bejn l-istati membri.

Minn Ottubru 2003, il-laqgħat formali kollha tal-Kunsill Ewropew jibdew isiru Brussell.

It-22 dikjarazzjoni tat-Trattat ta' Nizza tistipula li l-laqgħat kollha tal-Kunsill Ewropew isiru fi Brussell ladarba l-UE jkollha 18-il stat membru.

Għaxar pajjiżi ġodda jissieħbu fl-UE f'daqqa: ir-Repubblika Ċeka, l-Estonja, Ċipru, il-Latvja, il-Litwanja, l-Ungerija, Malta, il-Polonja, is-Slovakkja u s-Slovenja. Dan huwa l-akbar tkabbir f'daqqa tal-UE f'termini ta' popolazzjoni u għadd ta' pajjiżi.

Issa hemm 25 stat membru tal-UE.

Il-Grupp tal-Euro jiddeċiedi li jkollu president permanenti, maħtur għal perjodu ta' sentejn.

Waqt laqgħa informali tal-Kunsill Affarijiet Ekonomiċi u Finanzjarji (ECOFIN) f'Scheveningen, Jean-Claude Juncker ġie elett bħala l-ewwel President permanenti tal-Grupp tal-Euro. Il-mandat tiegħu huwa mill-1 ta' Jannar 2005 sal-31 ta' Diċembru 2006.

Huwa jiġi elett bħala President tal-Grupp tal-Euro għat-tieni mandat.

Il-Bulgarija u r-Rumanija jsiru membri tal-UE, biex b'hekk l-għadd ta' stati membri jitla' għal 27.

Is-Slovenja ssir it-13-il stat membru tal-UE li jadotta l-euro bħala l-munita tiegħu.

Issa hemm 15-il membru taż-żona tal-euro.

Il-President Franċiż, Nicolas Sarkozy, jipproponi laqgħa regolari tal-kapijiet ta' stat jew ta' gvern taż-żona tal-euro. L-ewwel laqgħa ssir fit-12 ta' Ottubru 2008. Isiru summits sussegwenti f'Mejju 2010, Marzu 2011, Lulju 2011, u Ottubru 2011 fi Brussell.

Il-laqgħat tas-Summit taż-Żona tal-Euro jgħinu biex tiġi kkoordinata l-politika ekonomika taż-żona tal-euro u jattendu għalihom ukoll il-President tas-Summit taż-Żona tal-Euro u l-President tal-Kummissjoni Ewropea.

• Summit tal-Euro

Is-Slovakkja ssir is-16-il membru taż-żona tal-euro.

F'laqgħa informali fi Brussell fid-19 ta' Novembru 2009, il-kapijiet ta' stat jew ta' gvern tal-UE jaqblu b'mod unanimu li jaħtru lil Herman Van Rompuy bħala l-ewwel President permanenti tal-Kunsill Ewropew.

• Dikjarazzjoni minn Herman Van Rompuy

Jidħol fis-seħħ it-Trattat ta' Liżbona, li jirriforma l-istruttura tal-UE u l-mod kif tiffunzjona.

Dan jestendi l-użu tal-votazzjoni b'maġġoranza kwalifikata fil-Kunsill.

Il-Kunsill Ewropew isir istituzzjoni fiha nfisha bil-President tagħha stess. Qabel, il-Kunsill Ewropew kien korp informali u l-kariga ta' kap tal-Kunsill Ewropew kienet pożizzjoni mhux uffiċjali. Ir-rwol kien jittieħed mill-kap ta' stat jew ta' gvern tal-istat membru li jkollu l-presidenza b'rotazzjoni tal-Kunsill tal-UE.

• Ir-rwol tal-President tal-Kunsill Ewropew
• It-Trattat ta' Liżbona: It-tiswir tal-UE kif nafuha (storja viżiva)

Il-Protokoll 14 għat-Trattat ta' Lisbona jidħol fis-seħħ fl-1 ta' Diċembru 2009, u jistabbilixxi r-rwol tal-Grupp tal-Euro. Il-ministri tal-istati membri li l-munita tagħhom hija l-euro jiltaqgħu b'mod informali biex jiddiskutu kwistjonijiet relatati mal-munita unika u jeleġġu president għal sentejn u nofs.

It-Trattat ta' Lisbona jemenda wkoll ir-regoli tal-Kunsill tal-UE sabiex meta l-Kunsill Affarijiet Ekonomiċi u Finanzjarji (Ecofin) fl-intier tiegħu jivvota dwar kwistjonijiet li jaffettwaw biss iż-żona tal-euro, il-membri tal-Grupp tal-Euro biss jitħallew jivvotaw.

• Il-Protokoll (nru 14) dwar il-Grupp tal-Euro

Għall-aħħar darba, il-laqgħa tal-Kunsill Ewropew tiġi ppreseduta minn president jew prim ministru tal-istat membru li jkollu l-presidenza b'rotazzjoni tal-Kunsill.

Il-Kunsill Ewropew ta' Diċembru 2009 huwa ppresedut mill-Prim Ministru tal-Iżvezja, Fredrik Reinfeldt.

• Konklużjonijiet tal-Kunsill Ewropew - Brussell, l-10 u l-11 ta' Diċembru 2009

L-Estonja ssir is-17-il pajjiż li jissieħeb fiż-żona tal-euro.

Fil-laqgħa tal-Kunsill Ewropew fl-1 u t-2 ta' Marzu 2012, 25 mexxej Ewropew iffirmaw it-Trattat dwar l-Istabbiltà, il-Koordinazzjoni u l-Governanza fl-Unjoni Ekonomika u Monetarja (TSKG).

It-trattat jidħol fis-seħħ fl-1 ta' Jannar 2013 u jifformalizza s-Summit taż-Żona tal-Euro. L-organizzazzjoni tas-Summit tal-Euro u r-rwol tal-President tiegħu huma stabbiliti fl-artikolu 12 tiegħu.

• It-Trattat dwar l-Istabbiltà, il-Koordinazzjoni u l-Governanza (TSKG)

Herman Van Rompuy huwa elett għat-tieni mandat tiegħu bħala President tal-Kunsill Ewropew, mill-1 ta' Ġunju 2012 sat-30 ta' Novembru 2014.

Fl-2012, l-Unjoni tirċievi l-Premju Nobel għall-Paċi tal-promozzjoni tal-kawżi tal-paċi, ir-rikonċiljazzjoni, id-demokrazija u d-drittijiet tal-bniedem fl-Ewropa.

Waqt l-għoti tal-Premju Nobel għall-Paċi lill-UE, il-Kumitat Norveġiż tal-Premju Nobel jgħid li d-deċiżjoni tiegħu hija bbażata fuq ir-rwol ta' stabilizzazzjoni li kellha l-UE fit-trasformazzjoni tal-parti l-kbira tal-Ewropa minn kontinent fi gwerra għal kontinent ta' paċi.

Jeroen Dijsselbloem, Ministru għall-Finanzi Olandiż, jiġi elett President tal-Grupp tal-Euro. Huwa b'hekk it-tieni President permanenti tal-Grupp tal-Euro fl-istorja tal-Grupp tal-Euro.

• President of the Eurogroup
• Jeroen Dijsselbloem

L-ewwel Summit taż-Żona tal-Euro mid-dħul fis-seħħ tat-Trattat dwar l-Istabbiltà, il-Koordinazzjoni u l-Governanza fl-Unjoni Ekonomika u Monetarja (TSKG) sar fl-14 ta' Marzu 2013. F'din il-laqgħa, ġew adottati r-regoli għall-organizzazzjoni tas-Summits taż-Żona tal-Euro.

• Regoli għall-organizzazzjoni tal-proċedimenti tas-Summits taż-Żona tal-Euro

Il-Kroazja ssir it-tieni pajjiż mill-ex-Jugoslavja li jissieħeb fl-UE, wara s-Slovenja.

L-UE issa għandha 28 Stat Membru.

Il-Latvja ssir it-18-il membru taż-żona tal-euro.

Donald Tusk jissostitwixxi lil Herman Van Rompuy bħala President tal-Kunsill Ewropew. Il-mandat tiegħu huwa mill-1 ta' Diċembru 2014 sal-31 ta' Mejju 2017.

• Kummenti mill-President Tusk waqt iċ-ċerimonja tat-trasferiment tal-kariga, l-1 ta' Diċembru 2014
• Bijografija ta' Donald Tusk, il-President tal-Kunsill Ewropew

Iż-żona tal-euro issa għandha 19-il membru: l-Awstrija, il-Belġju, Ċipru, l-Estonja, il-Finlandja, Franza, il-Ġermanja, il-Greċja, l-Irlanda, l-Italja, il-Latvja, il-Litwanja, il-Lussemburgu, Malta, in-Netherlands, il-Portugall, is-Slovakkja, is-Slovenja u Spanja.

Il-mexxejja tal-UE jiltaqgħu għal skambju ta' fehmiet dwar il-Greċja fit-22 ta' Ġunju 2015. Il-President tas-Summit taż-Żona tal-Euro Donald Tusk jgħid li l-aktar proposti reċenti mill-gvern Grieg huma pass pożittiv 'il quddiem, iżda ser jeħtieġu valutazzjoni ulterjuri mill-istituzzjonijiet tal-UE.

• Dikjarazzjoni mill-President Donald Tusk dwar is-Summit taż-Żona tal-Euro nhar it-Tnejn 22 ta' Ġunju 2015

Huma lesti biex jibdew negozjati dwar programm ta' assistenza finanzjarja għall-Greċja tal-Mekkaniżmu Ewropew ta' Stabbiltà (MES), iżda l-ewwel il-ftehim irid jiġi approvat mill-parlament Grieg u l-parlamenti nazzjonali l-oħra. Wara l-proċeduri nazzjonali, il-Grupp tal-Euro ser ikompli bin-negozjati.

• Dikjarazzjoni tas-Summit taż-Żona tal-Euro, Brussell, it-12 ta' Lulju 2015
• Kummenti mill-President Donald Tusk wara s-Summit taż-Żona tal-Euro tat-12 ta' Lulju 2015 dwar il-Greċja

Jeroen Dijsselbloem maħtur mill-ġdid bħala l-President tal-Grupp tal-Euro għat-tieni mandat ta' sentejn u nofs.

• Eurogroup statement on the appointment of the President of the Eurogroup
• President of the Eurogroup

Donald Tusk ġie elett mill-ġdid bħala President tal-Kunsill Ewropew għat-tieni mandat ta' sentejn u nofs, mill-1 ta' Ġunju 2017 sat-30 ta' Novembru 2019.

• Donald Tusk elett mill-ġdid president tal-Kunsill Ewropew (stqarrija għall-istampa, 09/03/2017)

Wara r-riżultat tar-referendum tar-Renju Unit fit-23 ta' Ġunju 2016, fejn iċ-ċittadini tar-Renju Unit ivvotaw biex jitilqu mill-Unjoni Ewropea, ir-Renju Unit innotifika formalment lill-Kunsill Ewropew bl-intenzjoni tiegħu li jitlaq mill-UE.

Il-Kunsill Ewropew adotta dikjarazzjoni dwar in-notifika tar-Renju Unit.

Jiddispjaċina li r-Renju Unit ser iħalli l-Unjoni Ewropea, iżda aħna lesti għall-proċess li issa ser ikollna nsegwu. (...) F'dawn in-negozjati l-Unjoni ser taġixxi bħala entità waħda u ser tippreserva l-interessi tagħha. L-ewwel prijorità tagħna ser tkun li tiġi minimizzata l-inċertezza kkawżata mid-deċiżjoni tar-Renju Unit għaċ-ċittadini, in-negozji u l-istati membri tagħna.

Kunsill Ewropew, 29 ta' Marzu 2017

• L-ittra ta' notifika tal-Artikolu 50, 29/03/2017
• Relazzjonijiet tal-UE mar-Renju Unit (informazzjoni ġenerali)

Mário Centeno, il-Ministru għall-Finanzi Portugiż, jiġi elett President tal-Grupp tal-Euro. Huwa jsir it-tielet President permanenti tal-Grupp tal-Euro fl-istorja tal-Grupp tal-Euro.

Charles Michel jissostitwixxi lil Donald Tusk bħala President tal-Kunsill Ewropew. Il-mandat tiegħu huwa mill-1 ta' Diċembru 2019 sal-31 ta' Mejju 2022.

• Diskors mill-President Charles Michel waqt iċ-ċerimonja tat-trasferiment tal-kariga mal-President uxxenti Donald Tusk

Wara referendum nazzjonali fit-23 ta' Ġunju 2016 u r-ratifika tal-ftehim dwar il-ħruġ miż-żewġ partijiet f'Jannar 2020, ir-Renju Unit joħroġ mill-Unjoni Ewropea.

Il-Grupp tal-Euro eleġġa lil Paschal Donohoe, Ministru għall-Finanzi u n-Nefqa Pubblika u r-Riforma tal-Irlanda, bħala President tal-Grupp tal-Euro, f'konformità mal-Protokoll 14 tat-trattati tal-UE.

Il-president il-ġdid jibda l-mandat tiegħu fit-13 ta' Lulju 2020 għal terminu ta' sentejn u nofs.

• Paschal Donohoe elett President tal-Grupp tal-Euro (stqarrija għall-istampa, 9 ta' Lulju 2020)

Charles Michel ġie elett mill-ġdid bħala President tal-Kunsill Ewropew għat-tieni mandat ta' sentejn u nofs, mill-1 ta' Ġunju 2022 sat-30 ta' Novembru 2024.

• Charles Michel elett mill-ġdid president tal-Kunsill Ewropew (stqarrija għall-istampa, 24 ta’ Marzu 2022)

Paschal Donohoe, Ministru għall-Finanzi tal-Irlanda, reġa' ġie elett b'kunsens mill-Grupp tal-Euro bħala President tal-Grupp tal-Euro, għat-tieni mandat ta' sentejn u nofs li beda mit-13 ta' Jannar 2023.

• Paschal Donohoe rielett President tal-Grupp tal-Euro (stqarrija għall-istampa, 5 ta' Diċembru 2022)

Il-Kroazja ssir l-20 membru taż-żona tal-euro.

António Costa jissostitwixxi lil Charles Michel bħala President tal-Kunsill Ewropew. Il-mandat tiegħu huwa mill-1 ta' Diċembru 2024 sal-31 ta' Mejju 2027.

• Diskors mill-President António Costa waqt iċ-ċerimonja tat-trasferiment tal-kariga mal-President uxxenti Charles Michel

Il-Grupp tal-Euro reġa' eleġġa lil Paschal Donohoe, il-Ministru għall-Finanzi tal-Irlanda, bħala l-President tiegħu b'kunsens. Fil-kariga mit-13 ta' Lulju 2020, huwa ser jibda t-tielet mandat tiegħu fit-13 ta' Lulju 2025. Il-mandat ser idum sentejn u nofs.

• Paschal Donohoe kkonfermat għat-tielet mandat bħala President tal-Grupp tal-Euro (stqarrija għall-istampa, 7 ta' Lulju 2025)

Fit-18 ta' Novembru 2025, Makis Keravnos, Ministru għall-Finanzi tar-Repubblika ta' Ċipru, sar aġent President tal-Grupp tal-Euro wara r-riżenja ta' Paschal Donohoe, il-president preċedenti. Skont il-metodi ta' ħidma tal-Grupp tal-Euro, huwa ser jaqdi dan ir-rwol sakemm jintgħażel president ġdid.

• Dikjarazzjoni mill-President tal-Grupp tal-Euro, Paschal Donohoe (stqarrija għall-istampa, 18 ta' Novembru 2025)

Il-Grupp tal-Euro eleġġa lil Kyriakos Pierrakakis, il-Ministru għall-Ekonomija u l-Finanzi tal-Greċja, bħala President tal-Grupp tal-Euro, f'konformità mal-Protokoll 14 tat-trattati tal-UE.

Il-president il-ġdid ser jibda l-mandat tiegħu fit-12 ta' Diċembru 2025 u jservi mandat ta' sentejn u nofs.

• Kyriakos Pierrakakis elett President tal-Grupp tal-Euro (stqarrija għall-istampa, 11 ta' Diċembru 2025)