Comhairle na nGnóthaí Eacnamaíocha agus Airgeadais, 11/07/2017, 11 Iúil 2017

Na príomhthorthaí

Baincéireacht - Iasachtaí neamhthuillmheacha

D’fhormheas an Chomhairle plean gníomhaíochta chun dul i ngleic le fadhb na n-iasachtaí neamhthuillmheacha (INTanna) in earnáil na baincéireachta.

Leag sí meascán de ghníomhaíochtaí beartais síos chun cabhrú leis na stoic INTanna a laghdú, atá ar leibhéal ard fós laistigh den Aontas, agus chun a chosc go dtiocfaidís chun cinn amach anseo an athuair.

Is fadhb don tionscal baincéireachta iad iasachtaí neamhthuillmheacha agus, go dtí seo, is ar an leibhéal náisiúnta go príomha a sainaithníodh réitigh ina leith” a dúirt Toomas Tõniste, Aire Airgeadais na hEastóine, atá i mbun uachtaránacht na Comhairle faoi láthair. Is gá dúinn ha hacmhainní sin a scaoileadh saor, teacht aniar níos fearr a chothú sa chóras airgeadais atá againn agus cosc a chur ar shaincheisteanna na n-iasachtaí neamhthuillmheacha a bheith ag teacht chun cinn arís amach anseo.”

Ar bhonn tuarascáil ó na saineolaithe, leag an Chomhairle béim ar an ngá atá le gníomhú maidir leis an méid seo a leanas:

• maoirseoireacht bhaincéireachta
• creataí dócmhainneachta agus aisghabhála fiach a athchóiriú
• forbairt margaí tánaisteacha i gcomhair IPNanna
• an tionscal baincéireachta a athstruchtúrú.

D’aontaigh sí filleadh ar an tsaincheist go rialta.

Aontas na margaí caipitil - Athbhreithniú meántéarma

Ghlac an Chomhairle conclúidí maidir le hathbhreithniú an Choimisiúin ar phlean gníomhaíochta an Aontais Eorpaigh d’aontas na margaí caipitil.

Rinne an Chomhairle athdhearbhú ar a tiomantasdon phlean gníomhaíochta, ar plean é atá dírithe ar aontas iomlán a bhaint amach do na margaí caipitil faoi dheireadh na bliana 2019. Thacaigh sí le roinnt de na tionscadail tosaíochtaatá leagtha amach ag an gCoimisiún.

Leag sí béim ar an dul chun cinn maith atá déanta go dtí seo, i bhfianaise go bhfuil beagnach dhá thrian de na gníomhaíochtaí curtha i gcrích cheana. Mar sin féin, tá roinnt dúshlán anois ann, rud a fhágann nach mór an plean a neartú anois.

“Tá an geilleagar ag dul i bhfeabhas. Tuilleadh infheistíochta is géire a theastaíonn anois. Is é sin an fáth a bhfuil aontas na margaí caipitil ar bharr an chláir oibre ag an Eastóin", a dúirt an tUasal Tõniste. “Más uainn fás eacnamaíoch inbhuanaithe a bheith againn san fhadtéarma, ní mór raon na bhfoinsí maoiniúcháin a leathnú, go háirithe i dtaca le cuideachtaí nuálacha óga .”

Clár na hUachtaránachta

Phléigh an Chomhairle tosaíochtaí uachtaránacht na hEastóine a mhéid a bhaineann le gnóthaí eacnamaíocha agus airgeadais.

Díreofar na gníomhaíochtaí a dhéanfar go dtí deireadh na bliana 2017 ar an méid seo a leanas:

• aontas baincéireachta an Aontais agus aontas margaí caipitil an Aontais
• cánachas, ag díriú ar an ngeilleagar digiteach agus ar nuachóiriú CBL
• buiséad an Aontais
• an rialachas eacnamaíoch
• a bhfuil i ndán don Aontas agus don aontas eacnamaíoch agus airgeadaíochta agus iad a mhaoiniú.

• Clár Uachtaránacht na hEastóine don bhliain 2017