"Bainimid úsáid as fianáin lena chinntiú go bhfeabhsaítear d’eispéireas brabhsála. Tá gá le fianáin riachtanacha chun tacú le gnéithe bunriachtanacha de shuíomh gréasáin na Comhairle. Cuidíonn na fianáin roghnacha linn tuarascálacha staidrimh anaithnide, comhiomlánaithe a tháirgeadh chun freastal níos fearr ar do chuid riachtanas.
Le cead uaitse, úsáidfimid fianáin le sonraí comhlánaithe anaithnide a tháirgeadh maidir le brabhsáil agus iompraíocht na gcuairteoirí ar ár suíomh gréasáin. Úsáidfimid na sonraí sin chun feabhas a chur ar an eispéireas agat ar ár suíomh.
An Chomhairle Gnóthaí Eacnamaíocha agus Airgeadais
An Chomhairle Gnóthaí Eacnamaíocha agus Airgeadais, 12 Iúil 2022
Na príomhthorthaí
Iarmhairtí eacnamaíocha agus airgeadais chogadh na Rúise san Úcráin
Phléigh an Chomhairle iarmhairtí eacnamaíocha agus airgeadais chogadh na Rúise i gcoinne na hÚcráine. Chinn sí € 1 bhilliún de chúnamh macrairgeadais a chur ar fáil don Úcráin, mar ábhar práinne.
Ní rogha é leanúint den chúnamh ábhartha agus airgeadais, ach is é ár ndualgas é. Dá bhrí sin, tá an-áthas orm go bhfuil dlús curtha againn leis an gcinneadh € 1 bhilliún de chúnamh macrairgeadais a chur ar fáil. Leis sin, tabharfar na cistí is gá don Úcráin chun riachtanais phráinneacha a chumhdach agus chun oibriú an bhonneagair chriticiúil a chinntiú.
Zbyněk Stanjura, Aire Airgeadais na Seicia
Chuir an Coimisiún i láthair staid na himeartha i ndáil le cur chun feidhme na Saoráide Téarnaimh agus Athléimneachta agus bhí malartú tuairimí ag na hairí.
Ghlac an Chomhairle na trí ghníomh dhlíthiúla chríochnaitheacha, lena chuirfear ar chumas na Cróite an euro a thabhairt isteach mar airgeadra an 1 Eanáir 2023. I gceann de na gníomhartha dlí, socraítear an ráta comhshó idir an euro agus kuna na Cróite ag 7.53450 kuna in aghaidh 1 euro.
Ba mhaith liom comhghairdeas a dhéanamh le mo mhacasamhail, Zdravko Marić, agus le muintir na Cróite trí chéile as a bheith ar an 20ú tír chun dul isteach sa limistéar. Ní rás atá i gceist le glacadh an euro, ach cinneadh freagrach polaitiúil. Tá na critéir eacnamaíocha uile is gá curtha i gcrích go rathúil ag an gCróit agus beidh an euro in úsáid acu amhail ón 1 Eanáir 2023.
Zbyněk Stanjura, Aire Airgeadais na Seicia
Is í an Chróit an 20ú Ballstát de chuid an Aontais a ghlacfaidh an euro mar airgeadra
Tograí reachtacha reatha i réimse na seirbhísí airgeadais
Chuir an Uachtaránacht i láthair staid na himeartha maidir leis na tograí reachtacha reatha i réimse na seirbhísí airgeadais.
Baineann sé sin, i measc nithe eile, leis an rialachán maidir le haistriú cistí i gcoinne frithsciúradh airgid agus an rialachán maidir le margaí criptea-shócmhainní, ar thángthas ar chomhaontuithe polaitiúla ina leith i bParlaimint na hEorpa roinnt laethanta ó shin.
I gcomhthéacs an tSeimeastair Eorpaigh 2022, d’fhormheas an Chomhairle conclúidí ar ghrinn-athbhreithnithe 2022 faoin nós imeachta um míchothromaíochtaí maicreacnamaíocha.
Cruinniú G20 na n-airí airgeadais agus ghobharnóirí na mbanc ceannais
D’fhormheas an Chomhairle téarmaí tagartha an Aontais do chruinniú G20 na n-airí airgeadais agus ghobharnóirí na mbanc ceannais, a bheidh ar siúl an 15-16 Iúil.
Conclúidí ar Thuarascáil 2021 maidir le hinbhuanaitheacht fhioscach
Ghlac an Chomhairle conclúidí mar fhreagairt ar thuarascáil 2021 ón gCoimisiún maidir le hinbhuanaitheacht fhioscach.
Thíolaic Uachtaránacht na Seice na tosaíochtaí seo aici i réimse na ngnóthaí eacnamaíocha agus airgeadais mar aon lena clár oibre le haghaidh mhí Iúil – mí na Nollag 2022.
Cinneadh ón gComhairle maidir le cistí ón 10ú agus ón 11ú Ciste Eorpach Forbraíochta (CEF) a úsáid chun cabhrú le tíortha san Afraic, i Muir Chairib agus san Aigéan Ciúin (ACC) aghaidh a thabhairt ar an ngéarchéim slándála bia
Ghlac an Chomhairle cinneadh lena dtugtar aghaidh ar an ngéarchéim slándála bia agus an suaitheadh eacnamaíoch atá ann faoi láthair i dtíortha san Afraic, i Muir Chairib agus san Aigéan Ciúin (ACC) tar éis chogadh foghach na Rúise i gcoinne na hÚcráine. A bhuí le cinneadh an lae inniu, leithdháilfidh an Chomhairle €600 000 000 de chistí a saoradh ón 10ú agus ón 11ú CEF chun maoiniú a dhéanamh ar ghníomhaíochtaí a théann chun tairbhe do tháirgeadh bia agus d’athléimneacht na gcóras bia, don chabhair dhaonnúil agus don tacaíocht mhaicreacnamaíoch.
Ghlac an Chomhairle freisin, gan phlé, na míreanna a bhaineann le liostaí na míreanna A reachtacha agus neamhreachtacha.
Is iad údaráis rialtais na tíre óstaí a láimhseálfaidh creidiúnú na meán le haghaidh cruinnithe mullaigh idirnáisiúnta a reáchtáiltear lasmuigh den Aontas Eorpach.
Ní rogha é leanúint den chúnamh ábhartha agus airgeadais, ach is é ár ndualgas é. Dá bhrí sin, tá an-áthas orm go bhfuil dlús curtha againn leis an gcinneadh € 1 bhilliún de chúnamh macrairgeadais a chur ar fáil. Leis sin, tabharfar na cistí is gá don Úcráin chun riachtanais phráinneacha a chumhdach agus chun oibriú an bhonneagair chriticiúil a chinntiú.
