"Bainimid úsáid as fianáin lena chinntiú go bhfeabhsaítear d’eispéireas brabhsála. Tá gá le fianáin riachtanacha chun tacú le gnéithe bunriachtanacha de shuíomh gréasáin na Comhairle. Cuidíonn na fianáin roghnacha linn tuarascálacha staidrimh anaithnide, comhiomlánaithe a tháirgeadh chun freastal níos fearr ar do chuid riachtanas.
Le cead uaitse, úsáidfimid fianáin le sonraí comhlánaithe anaithnide a tháirgeadh maidir le brabhsáil agus iompraíocht na gcuairteoirí ar ár suíomh gréasáin. Úsáidfimid na sonraí sin chun feabhas a chur ar an eispéireas agat ar ár suíomh.
Chuir an Uachtaránacht a tosaíochtaí i láthair i réimse na Comhairle Gnóthaí Ginearálta agus bhí seisiún tuairimíochta ag na hairí maidir le staid an smachta reachta san Ungáir, sa Phortaingéil, sa Rómáin agus sa tSlóivéin.
Uachtaránacht na Polainne i mbun na hUachtaránachta ag tréimhse chorrach. Tá baol ann; fágann sin go bhfuil ár gcúramaí dáiríre. Oibreoimid go dian dícheallach le hairí eile de chuid an Aontais sa Chomhairle seo maidir le méadú, maidir leis an gcaidreamh idir an tAontas agus an Ríocht Aontaithe agus cuirfimid tús leis na cainteanna maidir le buiséad ilbhliantúil an Aontais. Tá méadú an Aontais ríthábhachtach agus is mian linne dlús a chur leis an bpróiseas sin, i dtreo an oirthir — an Úcráin, an Mholdóiv agus na Balcáin Thiar.
Adam Szłapka, Aire na Polainne um Ghnóthaí an Aontais Eorpaigh
Tosaíochtaí na hUachtaránachta
Chuir Uachtaránacht na Polainne tosaíochtaí a hUachtaránachta i láthair. Is í an tslándáil an phríomhthosaíocht sna 7 ngné a bhaineann léi: seachtrach, inmheánach, faisnéis, eacnamaíocht, fuinneamh, bia agus sláinte. Ós amhlaidh atá, tá na tosaíochtaí foriomlána a leanas leagtha amach ag Uachtaránacht na Polainne dá seimeastar:
an chosaint agus an tslándáil
daoine agus teorainneacha a chosaint
cur i gcoinne na trasnaíochta eachtraí agus na bréagaisnéise
slándáil agus saoirse gnó a chinntiú
an t-aistriú fuinnimh
talmhaíocht iomaíoch agus athléimneach
an tslándáil sláinte
Maidir le foirmíocht na Comhairle Gnóthaí Ginearálta, díreoidh an obair ar an smacht reachta a chosaint, méadú an Aontais agus athchóirithe inmheánacha, cur i gcoinne ionramhála agus cur isteach ar fhaisnéis eachtrach, an athléimneacht dhaonlathach san Aontas agus ina chomharsanacht a neartú, comhar a fhorbairt leis an Ríocht Aontaithe, agus an bealach a réiteach don chaibidlíocht maidir leis an gCreat Airgeadais Ilbhliantúil (CAI) nua.
An t-idirphlé bliantúil maidir leis an smacht reachta
Mar chuid den idirphlé bliantúil maidir leis an smacht reachta, bhí seisiún cuimsitheach tuairimíochta ag na hairí maidir le staid an smachta reachta san Ungáir, sa Phortaingéil, sa Rómáin agus sa tSlóivéin.
Ba é seo an t-aonú babhta déag de phléití tírshonracha tar éis na bpléití a tionóladh i mí na Samhna 2020, i mí Aibreáin agus i mí na Samhna 2021, i mí Aibreáin agus i mí na Nollag 2022, i mí an Mhárta agus i mí Dheireadh Fómhair 2023, agus i mí Eanáir, i mí na Bealtaine agus i mí na Samhna 2024.
Le linn na díospóireachta agus do gach Ballstát, chuir an Coimisiún príomhthorthaí na caibidle tírshonraí faoi seach i láthair ina thuarascáil maidir leis an smacht reachta do 2024. Ina dhiaidh sin ansin, chuir an Ballstát lena mbaineann i láthair na príomhfhorbairtí náisiúnta mar aon le gnéithe ar leith dá gcreat náisiúnta maidir leis an smacht reachta. Ag eascairt as sin ansin, bhí barúlacha agus ceisteanna ann ina raibh deis ag na toscaireachtaí eile a dtaithí agus a ndea-chleachtais féin a roinnt i ndáil leis na forbairtí a luadh.
Meastar go mbeidh plé tírshonrach eile ar siúl ag an gComhairle Gnóthaí Ginearálta an 27 Bealtaine 2025 ina ndíreofar ar an tSlóvaic, ar an bhFionlainn, ar an tSualainn agus ar an mBeilg.
D’ardaigh toscaireacht na Fraince saincheist shláine phróisis toghcháin na hEorpa go háirithe i gcomhthéacs bagairt mhéadaitheach an chur isteach eachtraigh.
Chuir toscaireacht na Seice páipéar leathoifigiúil i láthair inar leagadh béim ar a thábhachtaí atá sé comhtháthú na hÚcráine agus na Moldóive a chur chun cinn a thuilleadh, de réir a chéile, i margadh aonair an Aontais.
Comhaid na gcruinnithe
Doiciméid ullmhúcháin
Níl an acmhainn seo ar fáil faoi láthair ach amháin sa teanga (sna teangacha) seo a leanas:
Is iad údaráis rialtais na tíre óstaí a láimhseálfaidh creidiúnú na meán le haghaidh cruinnithe mullaigh idirnáisiúnta a reáchtáiltear lasmuigh den Aontas Eorpach.
