An Chomhairle Iompair, Teileachumarsáide agus Fuinnimh, 18/12/2017, 18 Nollaig 2017

Na príomhthorthaí

Chomhaontaigh an Chomhairle a seasaimh chaibidlíochta maidir le ceithre thogra reachtacha den phacáiste fuinnimh ghlain. Céim thábhachtach atá ann straitéis an aontais fuinnimh a chur chun feidhme agus spriocanna fuinnimh agus aeráide 2030 an Aontais Eorpaigh a bhaint amach.

Rialachas an Aontais Fuinnimh

Sa rialachán seo leagtar amach rialacha rialaithe an Aontais Fuinnimh agus déanfar maoirseacht leis ar chur chun feidhme chuspóirí beartais aeráide agus fuinnimh 2030 an Aontais.

Airítear trí thagarmharc (in 2023, 2025 agus in 2027) le haghaidh chonair tháscach na bhfoinsí in-athnuaite do Bhallstáit chun a áirithiú go mbainfidh an tAontas a sprioc foinsí in-athnuaite 27% amach faoi 2030.

• Rialachas an Aontais Fuinnimh - comhaontaíonn an Chomhairle cur chuige ginearálta (preaseisiúint, 18/12/2017)

Foinsí in-athnuaite fuinnimh

Leis an treoir seo cuirtear fuinneamh in-athnuaite chun cinn ar fud an Aontais agus tugtar an chumhacht do thomhaltóirí an deis a thapú chun bheith ina dtáirgeoirí iad féin.

Tá an tAontas tiomanta sprioc 27% ar a laghad d'fhuinneamh in-athnuaite as a thomhaltas foriomlán fuinnimh a bhaint amach faoi 2030. In earnáil an iompair, 14% an sprioc d'fhoinsí in-athnuaite a socraíodh do gach Ballstát.

• Úsáid fuinnimh in-athnuaite a chur chun cinn - a seasamh glactha ag an gComhairle (preaseisiúint, 18/12/2017)

Margadh inmheánach leictreachais

Tá an rialachán seo mar bhunchloch don athdhearadh ar mhargadh leictreachais an Aontais agus bunaítear leis na rialacha chun margadh nua-aimseartha, dea-fheidhmiúil, iomaíoch, gan saobhadh a áirithiú leis an aidhm aige feabhas a chur ar an tsolúbthacht, an dícharbónú agus an nuálaíocht.

• Margadh leictreachais nua-aimseartha a chruthú - comhaontaíonn an Chomhairle a seasamh (preaseisiúint, 19/12/2017)

Rialacha comhchoiteanna le haghaidh an mhargaidh inmheánaigh leictreachais

Leagtar amach sa Treoir seo rialacha comhchoiteanna chun a áirithiú go mbeidh margadh leictreachais an Aontais dírithe ar an tomhaltóir, solúbtha agus neamh-idirdhealaitheach. Beidh cearta breise ag tomhaltóirí ionas gur féidir leo a bheith níos gníomhaí agus níos páirtí sa mhargadh.

Sa todhchaí, beidh soláthraithe leictreachais ábalta praghsanna a shocrú go neamhshrianta. Cuirfidh sé teorainn le saobhadh, cuirfidh sé borradh faoin iomaíocht, agus beidh praghsanna níos ísle do thomhaltóirí mar thoradh air.

• Margadh inmheánach leictreachais atá níos iomaíche agus níos dírithe ar thomhaltóirí — an Chomhairle tagtha ar chur chuige ginearálta (preaseisiúint 18/12/2017)

• An t-aontas fuinnimh (faisnéis chúlra)
• An pacáiste fuinnimh ghlain (An Coimisiún Eorpach)
• Comhaontú Pháras maidir leis an athrú aeráide (faisnéis chúlra)

Leis na seasaimh sin, beidh an Chomhairle in ann tús a chur leis an gcaibidlíocht le Parlaimint na hEorpa an bhliain seo chugainn faoi nós imeachta reachtach na comhchinnteoireachta.