Kunsill Trasport, Telekomunikazzjoni u Enerġija

Kunsill Trasport, Telekomunikazzjoni u Enerġija, 18/12/2017, 18 ta' Diċembru 2017

Il-pakkett dwar l-enerġija nadifa huwa komponent ewlieni tal-Unjoni tal-Enerġija.

Enerġija nadifa għall-Ewropej: Importanti ħafna biex tmexxi 'l quddiem l-Unjoni tal-Enerġija (Infografika)

Riżultati ewlenin

Il-Kunsill qabel dwar il-pożizzjonijiet ta' negozjar tiegħu dwar erba' proposti leġislattivi tal-Pakkett dwar l-enerġija nadifa. Dan huwa pass importanti lejn l-implimentazzjoni tal-istrateġija tal-Unjoni tal-Enerġija u li jintlaħqu l-miri tal-enerġija u l-klima għall-2030 tal-Unjoni Ewropea.

Governanza tal-Unjoni tal-Enerġija

Dan ir-regolament jistabbilixxi ir-regoli ta' governanza tal-Unjoni tal-Enerġija u ser jissorvelja l-implimentazzjoni tal-għanijiet tal-enerġija u tal-klima għall-2030 tal-UE.

Dan jinkludi tliet punti ta' riferiment (fl-2023, l-2025 u l-2027) għat-trajettorja indikattiva tal-enerġija rinnovabbli għall-istati membri biex ikun żgurat li l-UE tilħaq il-mira tagħha għall-enerġija rinnovabbli ta' 27% sal-2030.

Governanza tal-Unjoni tal-Enerġija – il-Kunsill jilħaq qbil dwar l-approċċ ġenerali (stqarrija għall-istampa, 18/12/2017)

Enerġija rinnovabbli

Din id-direttiva tippromwovi l-enerġija rinnovabbli fl-UE kollha u b'mod partikolari, issaħħaħ il-pożizzjoni tal-konsumaturi biex jieħdu l-inizjattiva u jsiru produtturi huma stess.

L-Unjoni hija impenjata li tilħaq il-mira li, sal-2030, mill-anqas 27% tal-konsum globali tagħha tal-enerġija jkun ta' enerġija rinnovabbli. Fis-settur tat-trasport, il-mira għall-enerġija rinnovabbli għall-2030 hija ffissata għal 14% għal kull stat membru.

Il-promozzjoni tal-użu tal-enerġija rinnovabbli – il-Kunsill jadotta l-pożizzjoni tiegħu (stqarrija għall-istampa, 18/12/2017)

Is-suq intern tal-elettriku

Dan ir-regolament huwa l-pedament tat-tfassil mill-ġdid tas-suq tal-elettriku tal-UE u jistabbilixxi r-regoli biex jiġi żgurat suq modern, li jaħdem sew, kompetittiv u mingħajr distorsjoni bl-għan li titjieb il-flessibbiltà, id-dekarbonizzazzjoni u l-innovazzjoni.

Il-ħolqien ta' suq modern tal-elettriku – il-Kunsill jilħaq qbil dwar il-pożizzjoni tiegħu (stqarrija għall-istampa, 19/12/2017)

Regoli komuni għas-suq intern tal-elettriku

Din id-direttiva tistabbilixxi regoli komuni li jiżguraw li s-suq tal-elettriku tal-UE jkun iċċentrat fuq il-konsumatur, flessibbli u mhux diskriminatorju. Il-konsumaturi ser ikollhom aktar drittijiet li jippermettulhom isiru aktar attivi u involuti fis-suq.

Fil-futur, il-fornituri tal-elettriku ser ikunu jistgħu jistabbilixxu l-prezzijiet liberament. Dan ser jillimita d-distorsjonijiet, jagħti spinta lill-kompetizzjoni u jwassal għal prezzijiet bl-imnut aktar baxxi.

Suq intern tal-elettriku aktar kompetittiv u orjentat lejn il-konsumatur – il-Kunsill jasal għal approċċ ġenerali (stqarrija għall-istampa, 18/12/2017)

Dawn il-pożizzjonijiet jippermettu lill-Kunsill biex jibda n-negozjati mal-Parlament Ewropew is-sena dieħla fil-qafas tal-proċedura leġislattiva ta' kodeċiżjoni.

Dokumenti tal-laqgħat

Dokumenti ta' tħejjija

Dokumenti ta' eżitu

Stqarrijiet għall-istampa

Tagħrif għall-istampa

Kuntatti għall-istampa

Jekk m'intix ġurnalist(a), jekk jogħġbok ibgħat it-talba tiegħek lis-servizz għall-informazzjoni tal-pubbliku.

Akkreditazzjoni u avvenimenti għall-istampa

Għal informazzjoni ġenerali dwar l-akkreditazzjoni, jekk jogħġbok żur din il-paġna.

L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.