Beartas imirce agus tearmainn an Aontais
Tá dlús á chur ag an Aontas agus a Bhallstáit lena gcuid iarrachtaí chun beartas éifeachtach daonnúil sábháilte a bhunú maidir leis an imirce.
Ról an Aontais san imirce
Tá dlús á chur ag an Aontas agus a Bhallstáit lena gcuid iarrachtaí chun beartas éifeachtach daonnúil sábháilte a bhunú maidir leis an imirce. Tá ról tábhachtach ag an gComhairle Eorpach san iarracht seo mar gurb í a leagann síos na tosaíochtaí straitéiseacha.
Bunaithe ar na tosaíochtaí sin, leagann an Chomhairle síos línte gníomhaíochta agus tugann sí sainorduithe don chaibidlíocht le tíortha nach den Aontas Eorpach iad. Glacann sí reachtaíocht agus sainíonn sí cláir shonracha freisin. Le blianta beaga anuas, tá an Chomhairle agus an Chomhairle Eorpach ag obair chun freagairt láidir ar an mbrú imirceach a fhorbairt.
Rialacha imirce agus tearmainn
Ba cheart caitheamh go haonfhoirmeach le hiarrthóirí tearmainn ar fud na hEorpa, agus tá an tAontas ag obair chuige sin. Leis na rialacha nua, nó an comhshocrú maidir le himirce agus tearmann, beidh an córas Eorpach tearmainn níos éifeachtaí agus méadófar an dlúthpháirtíocht idir na Ballstáit trína chur ar a gcumas an t-ualach a laghdú ar na Ballstáit sin ina dtagann formhór na n-imirceach.
Cad a tharlaíonn d’imircigh agus dídeanaithe nuair a thagann siad?
Tá rialacha éagsúla glactha ag an Aontas chun sreabha imirce dlíthiúla a bhainistiú, iarrataí ar thearmann a phróiseáil agus imircigh neamhrialta a fhilleadh.
Fíricí agus figiúirí maidir le himircigh neamhrialta
Líon bliantúil na n-imirceach neamhrialta (2015-2026)
Sonraí go dtí mí Aibreáin 2026. Tagraíonn bealach an Iarthair do bhealaí na Meánmhara Thiar agus na hAfraice Thiar.
Le hais mar a bhí ag buaic na géarchéime imirce in 2015, tá titim shuntasach tagtha ar líon na n-imirceach neamhrialta a tháinig isteach san Aontas.
In 2026, cláraíodh 24 839 imirceach neamhrialta go dtí seo. Miondealú de réir an bhealaigh imirce:
- an Bealach láir: 8 489 imirceach
- Bealach an oirthir: 8 427 imirceach
- Bealaí an iarthair: 7 923 imirceach
Líon na n-imirceach neamhrialta in aghaidh na míosa (2015-2026)
Sonraí go dtí mí Aibreáin 2026. Tagraíonn bealach an Iarthair do bhealaí na Meánmhara Thiar agus na hAfraice Thiar.
I mí Aibreáin 2026, cláraíodh 5 812 imirceach neamhrialta. Miondealú de réir an bhealaigh imirce:
- an Bealach láir: 2 371 imirceach
- Bealach an oirthir: 1 736 imirceach
- Bealaí an iarthair: 1 705 imirceach
Tabhair faoi deara: Ní áirítear na himircigh a tháinig isteach in Ceuta an 17 agus an 18 Bealtaine 2021 sna figiúirí maidir le bealach an Iarthair.
Bealaí imirce: cad as a dtagann imircigh agus dídeanaithe?
Déanann imircigh agus dídeanaithe iarracht an Eoraip a bhaint amach trí 3 phríomhbhealach imirce den chuid is mó, agus trí bhealach sealadach breise amháin ón Úcráin ó sheol an Rúis a fogha míleata i mí Feabhra 2022:
Sreabha imirce: bealaí an Oirthir, an Láir agus an Iarthair
An t-athbhreithniú deireanach: an 13 Bealtaine 2026