Kunsill Kompetittività
Il-Kunsill Kompetittività (COMPET) jaħdem biex itejjeb il-kompetittività u jżid it-tkabbir fl-UE.
Il-Kunsill Kompetittività għandu rwol ċentrali fl-iżvilupp u l-adozzjoni tal-leġiżlazzjoni u l-politiki tal-UE li għandhom l-għan li jsaħħu s-suq uniku u jappoġġaw il-kompetittività industrijali.
Jaħdem ukoll biex irawwem ir-riċerka u l-innovazzjoni xjentifika u teknoloġika u jiżviluppa s-settur spazjali u l-programmi ewlenin tal-UE.
Oqsma ta' ħidma tal-Kunsill Kompetittività
Il-Kunsill għandu l-għan li jneħħi l-ostakli li jfixklu l-moviment transfruntier ta' prodotti u ħaddiema u l-forniment ta' servizzi, inkluż permezz ta' armonizzazzjoni teknika.
Il-Kunsill jaħdem biex isaħħaħ l-awtonomija strateġika tal-UE u l-ambjent tan-negozju tagħha, speċjalment għall-SMEs, billi jagħti spinta lill-aċċess għall-finanzjament, inaqqas il-burokrazija, irawwem l-innovazzjoni u jipproteġi l-proprjetà intellettwali.
Il-Kunsill jaħdem biex jipproteġi u jagħti s-setgħa lill-konsumaturi Ewropej meta jixtru oġġetti u servizzi fl-UE.
Il-Kunsill jaħdem biex isaħħaħ ir-riċerka fundamentali, applikata u kollaborattiva, jippromwovi l-innovazzjoni bħala l-mutur għall-kompetittività, u jiżviluppa aktar iż-Żona Ewropea tar-Riċerka.
Il-Kunsill jaħdem biex jiżgura operazzjonijiet spazjali sikuri u sostenibbli u programmi ewlenin li jappoġġaw l-awtonomija strateġika, il-kompetittività, is-sigurtà, u t-tranżizzjonijiet diġitali u ekoloġiċi tal-Ewropa.
Il-Kunsill għandu l-għan li joħloq suq uniku diġitali li jippromwovi kompetizzjoni ġusta bejn il-kumpaniji diġitali, jixpruna l-innovazzjoni u jwassal benefiċċji għall-konsumaturi.
Kif jaħdem il-Kunsill Kompetittività?
Skont is-suġġetti diskussi, il-Kunsill Kompetittività (COMPET) jiltaqa' fi tliet kompożizzjonijiet differenti.
Suq Intern u Industrija
Il-Kunsill COMPET (Suq Intern u Industrija) huwa magħmul mill-ministri responsabbli għall-ekonomija, is-suq intern u l-industrija. Dawn jiffukaw fuq is-suq uniku u l-politiki biex tingħata spinta lill-kompetittività u t-tkabbir fl-UE. Jiltaqgħu mill-inqas erba' darbiet fis-sena.
Spazju
Il-Kunsill COMPET (Spazju) jiffoka fuq il-politika spazjali. Il-ministri jieħdu deċiżjonijiet pereżempju dwar il-programm spazjali tal-UE, li jinkludi s-sistema globali ta' navigazzjoni bis-satellita tal-UE Galileo u l-Programm ta' osservazzjoni tad-dinja Copernicus. Jiltaqgħu mill-inqas darbtejn fis-sena.
Riċerka
Fil-Kunsill COMPET (Riċerka), il-ministri responsabbli għar-riċerka u l-innovazzjoni jiddiskutu u jadottaw deċiżjonijiet dwar l-implimentazzjoni taż-Żona Ewropea tar-Riċerka (ŻER) u l-programm ta' riċerka ffinanzjat mill-UE Orizzont Ewropa. Jiltaqgħu mill-inqas darbtejn fis-sena.
Il-Kummissarji Ewropej rilevanti jipparteċipaw ukoll fil-laqgħat.
Il-Kunsill Kompetittività huwa assistit fil-ħidma tiegħu minn għadd ta' gruppi ta' ħidma speċjalizzati u mill-Coreper I.
Programm ta' ħidma matul il-presidenza Irlandiża
Il-presidenza Irlandiża għandha l-għan li tmexxi 'l quddiem il-pjan direzzjonali Ewropa Waħda, Suq Wieħed biex issaħħaħ il-kompetittività, tappoġġa l-industriji u ssaħħaħ ir-reżiljenza ekonomika tal-UE. Hija tiffoka wkoll fuq l-approfondiment tas-suq uniku u t-titjib tar-regolamentazzjoni.
Il-presidenza qed taħdem biex tippromwovi l-innovazzjoni, tgħin lill-SMEs jespandu, u ssaħħaħ il-kompetittività industrijali sostenibbli u reżiljenti f’konformità mal-għanijiet soċjali u klimatiċi tal-UE.
Ir-riċerka u l-innovazzjoni huma wkoll prijoritajiet ewlenin li jistgħu jitwasslu permezz tal-progress fuq Orizzont Ewropa u l-Att Ewropew għall-Innovazzjoni, u billi tingħata spinta lis-settur spazjali Ewropew, li huwa mutur strateġiku tat-tkabbir.
Aħbarijiet relatati
- EU Inc: il-Kunsill jadotta pożizzjoni dwar liġi korporattiva ġdida tal-UE għall-kumpaniji innovattivi
- Fond tar-riċerka għall-faħam u l-azzar: il-Kunsill jagħti l-approvazzjoni finali tiegħu
- QFP 2028-2034: il-Kunsill jaqbel dwar il-pożizzjoni tiegħu dwar Orizzont Ewropa, il-programm qafas il-ġdid u ambizzjuż għar-riċerka u l-innovazzjoni
Kuntatti għall-istampa
-
Ferran Tarradellas Espuny Press officer
Competitiveness (Internal market, Industry, Research and Space)
- +32 473 95 45 74
- +32 2 281 6291
- @TarradellasEU
Jekk m'intix ġurnalist(a), jekk jogħġbok ibgħat it-talba tiegħek lis-servizz għall-informazzjoni tal-pubbliku.
Il-konfigurazzjonijiet kollha tal-Kunsill
-
Kunsill Affarijiet Barranin
-
Kunsill Affarijiet Ekonomiċi u Finanzjarji
-
Kunsill Affarijiet Ġenerali
-
Kunsill Agrikoltura u Sajd
-
Kunsill Ambjent
-
Kunsill Edukazzjoni, Żgħażagħ, Kultura u Sport
-
Kunsill Ġustizzja u Affarijiet Interni
-
Kunsill Impjiegi, Politika Soċjali, Saħħa u Affarijiet tal-Konsumatur
-
Kunsill Kompetittività
-
Kunsill Trasport, Telekomunikazzjoni u Enerġija
L-aħħar reviżjoni: 2 ta' Lulju 2026