Kunsill Trasport, Telekomunikazzjoni u Enerġija
Il-Kunsill Trasport, Telekomunikazzjoni u Enerġija (TTE) jikkoordina l-politiki tal-UE relatati mal-mobbiltà, it-trasport, id-diġitalizzazzjoni, in-networks tat-telekomunikazzjoni u l-enerġija.
Il-Kunsill Trasport, Telekomunikazzjoni u Enerġija jaħdem biex jistabbilixxi swieq u infrastruttura moderni, kompetittivi u effiċjenti f'dawn is-setturi.
Għandu wkoll l-għan li jappoġġa l-iżvilupp ta' networks trans-Ewropej tat-trasport, tal-komunikazzjoni u tal-enerġija.
Oqsma tax-xogħol tal-Kunsill Trasport, Telekomunikazzjoni u Enerġija
L-għan tal-Kunsill huwa li jindirizza r-riskji potenzjali tal-IA filwaqt li jippromwovi l-użu tagħha.
Biex jibni xenarju diġitali reżiljenti, il-Kunsill qed jaħdem biex isaħħaħ il-kapaċità tal-Ewropa li tipprevjeni u tiġġieled iċ-ċiberattakki u tirkupra minnhom.
Il-Kunsill irid itejjeb l-infrastruttura diġitali u r-reżiljenza tal-UE u jiżgura li l-Ewropa taħtaf bis-sħiħ l-opportunitajiet offruti mid-deċennju diġitali.
Il-Kunsill jaħdem biex jagħti spinta lis-sigurtà tal-enerġija u jiżgura l-funzjonament tajjeb u aktar integrazzjoni tas-swieq tal-enerġija tal-UE billi jippromwovi l-interkonnessjonijiet.
Il-Kunsill jistinka għal sistema tat-trasport konnessa aħjar, sikura, kompetittiva u aktar sostenibbli kemm għall-passiġġieri kif ukoll għall-merkanzija.
Il-Kunsill jaħdem ukoll fuq il-ħarsien tad-drittijiet tal-passiġġieri fil-mezzi kollha tat-trasport.
Kif jaħdem il-Kunsill Trasport, Telekomunikazzjoni u Enerġija
Skont l-aġenda, il-Kunsill Trasport, Telekomunikazzjoni u Enerġija (TTE) jiltaqa' f'kompożizzjonijiet differenti.
Trasport
Il-Kunsill TTE (Trasport) ilaqqa' flimkien il-ministri għat-trasport. Huma jikkonċentraw fuq il-politika tat-trasport, tal-loġistika, tal-infrastruttura u tal-mobbiltà, inkluż id-drittijiet tal-passiġġieri u l-promozzjoni ta' sistemi tat-trasport sostenibbli. Jiltaqgħu mill-inqas darbtejn fis-sena.
Enerġija
Fil-Kunsill TTE (Enerġija), il-ministri jiltaqgħu biex jiddiskutu l-politika tal-UE dwar l-enerġija. Huma jikkonċentraw fuq l-indipendenza enerġetika tal-UE, inkluż il-promozzjoni tal-effiċjenza fl-enerġija, it-tranżizzjoni għal enerġija nadifa u l-interkonnettività bejn is-swieq tal-enerġija tal-UE. Huma jiltaqgħu tlieta jew erba' darbiet fis-sena.
Telekomunikazzjoni
Il-Kunsill TTE (Telekomunikazzjoni) jiġbor il-ministri responsabbli għall-komunikazzjoni, it-teknoloġija tal-informazzjoni u d-diġitalizzazzjoni. Huma jikkonċentraw fuq it-titjib tan-networks tat-telekomunikazzjoni u l-interoperabbiltà tagħhom, kif ukoll il-kompetizzjoni u ċ-ċibersigurtà fis-settur. Huma jiltaqgħu mill-inqas darbtejn fis-sena.
Il-Kummissarji Ewropej rilevanti jipparteċipaw ukoll fil-laqgħat.
Il-ħidma tal-Kunsill Trasport, Telekomunikazzjoni u Enerġija titħejja minn gruppi ta' ħidma speċjalizzati u minn Coreper I.
Programm ta' ħidma matul il-presidenza Irlandiża
Permezz tal-ħidma tal-Kunsill Trasport, Telekomunikazzjoni u Enerġija (TTE), il-presidenza Irlandiża ser tappoġġa l-isforzi biex tinbena Ewropa aktar konnessa, reżiljenti u kompetittiva f'konformità mal-Pjan Direzzjonali "Ewropa Waħda, Suq Wieħed".
Il-presidenza ser tappoġġa l-iżvilupp tan-network tat-trasport tal-Ewropa bħala mod ewlieni kif tiffaċilita l-kompetittività, u ser taħdem lejn id-dekarbonizzazzjoni, tranżizzjoni ġusta fis-settur tat-trasport u network tat-trasport sikur, sigur u reżiljenti.
Ser tavvanza wkoll il-ħidma fuq il-konnettività diġitali u n-networks diġitali, u ser taħdem biex issaħħaħ iċ-ċibersigurtà u ċ-ċiberreżiljenza, kif ukoll l-investiment fil-konnettività tat-telekomunikazzjoni taħt il-baħar u s-sigurtà u r-reżiljenza tal-kejbils sottomarini. Il-presidenza ser tfittex li ssaħħaħ ir-rwol tat-tmexxija tal-UE fil-cloud computing u l-intelliġenza artifiċjali, u tmexxi 'l quddiem il-ħidma dwar is-simplifikazzjoni diġitali.
Fl-enerġija, il-presidenza ser tixpruna l-aġenda tal-enerġija tal-Unjoni biex tibni sigurtà tal-enerġija reali, tappoġġa l-użu ta' enerġija rinnovabbli indiġena u enerġija nadifa, u tibni grilji robusti. Il-presidenza Irlandiża ser tindirizza wkoll l-affordabbiltà u s-sigurtà tal-enerġija u ser tappoġġa l-iżvilupp ta' sistema tal-enerġija aktar elettrifikata, aktar reżiljenti u aktar effiċjenti li tista' tnaqqas il-prezzijiet għan-nies madwar l-Ewropa.
Aħbarijiet relatati
Kuntatti għall-istampa
-
Niels Timmermans Press officer
Telecommunications and Transport
- +32 470 18 22 47
- +32 2 281 32 65
- @timmermansniels
-
Peristera Dimopoulou Press officer
Energy, Environment and climate change
- +32 471 33 53 26
- +32 2 281 61 56
- @eri_dimopoulou
Jekk m'intix ġurnalist(a), jekk jogħġbok ibgħat it-talba tiegħek lis-servizz għall-informazzjoni tal-pubbliku.
Il-konfigurazzjonijiet kollha tal-Kunsill
-
Kunsill Affarijiet Barranin
-
Kunsill Affarijiet Ekonomiċi u Finanzjarji
-
Kunsill Affarijiet Ġenerali
-
Kunsill Agrikoltura u Sajd
-
Kunsill Ambjent
-
Kunsill Edukazzjoni, Żgħażagħ, Kultura u Sport
-
Kunsill Ġustizzja u Affarijiet Interni
-
Kunsill Impjiegi, Politika Soċjali, Saħħa u Affarijiet tal-Konsumatur
-
Kunsill Kompetittività
-
Kunsill Trasport, Telekomunikazzjoni u Enerġija
L-aħħar reviżjoni: 2 ta' Lulju 2026