Spjegazzjoni tal-pjan REPowerEU
L-UE qed timplimenta pjan ambizzjuż biex tnaqqas id-dipendenza tagħha fuq il-fjuwils fossili Russi u taċċellera t-tranżizzjoni ekoloġika, billi tiffranka l-enerġija, tinvesti fl-enerġija rinnovabbli u tiddiversifika l-provvisti tal-enerġija.
Il-Kummissjoni Ewropea ressqet il-pjan REPowerEU f'Mejju 2022. Il-pakkett jibni fuq l-implimentazzjoni tal-proposti ta' "Lesti għall-mira ta' 55%", li jappoġġaw l-għan ambizzjuż tal-UE li jinkisbu mill-inqas -55% tal-emissjonijiet netti ta' gassijiet serra sal-2030 u n-newtralità klimatika sal-2050 f'konformità mal-Patt Ekoloġiku Ewropew.
Il-Faċilità għall-Irkupru u r-Reżiljenza (RRF), stabbilita wara l-kriżi tal-COVID-19 bħala strument temporanju biex jittaffa l-impatt ekonomiku u soċjali tal-pandemija, hija l-għodda ewlenija ta' finanzjament għall-pjan.
F'Diċembru 2022, in-negozjaturi tal-Kunsill u tal-Parlament laħqu ftehim proviżorju dwar reviżjoni tar-regolament RRF. L-emendi jippermettu lill-istati membri jżidu kapitoli speċifiċi għal REPowerEU mal-pjanijiet tagħhom għall-irkupru u r-reżiljenza biex jiffinanzjaw miżuri ta' investiment u ta' riforma f'konformità mal-objettivi tal-pjan REPowerEU. Fi Frar 2023, il-Kunsill adotta formalment r-regoli l-ġodda.
X'inhu REPowerEU?
REPowerEU huwa l-pjan tal-UE:
- għall-iffrankar enerġetiku u biex titjieb l-effiċjenza enerġetika
- għad-diversifikazzjoni tal-provvisti tal-enerġija
- għall-aċċellerazzjoni tat-tranżizzjoni lejn enerġija nadifa
Kif jiġi ffinanzjat REPowerEU?
sa €225 biljun f'self mhux użat mill-Faċilità għall-Irkupru u r-Reżiljenza (RRF)
+ €20 biljun f'għotjiet ġodda
60%: fond għall-innovazzjoni
40%: bejgħ ta' kwoti tas-sistema għall-iskambju ta' kwoti tal-emissjonijiet (ETS)
sa €17.9 biljun
possibbiltajiet ta' trasferiment ta' 5% mill-fondi tal-politika ta' koeżjoni
sa €5.4 biljun
trasferimenti volontarji mir-riżerva ta' aġġustament għall-Brexit għall-RRF
Kif ser jiġi implimentat REPowerEU mill-istati membri?
Preżentazzjoni
preferibbilment sat-30 ta' April 2023 (skadenza legali għat-talbiet għal self: 31 ta' Awwissu 2023)
L-istati membri jippreżentaw pjanijiet modifikati għall-irkupru u r-reżiljenza (RRPs) u jżidu "kapitoli speċifiċi għal REPowerEU"
Il-kapitoli jinkludu:
- riformi u investimenti ġodda li jibdew mill-1 ta' Frar 2022
- espansjoni tar-riformi u l-investimenti diġà inklużi fl-RRPs adottati tagħhom
L-istati membri għandhom jagħtu prijorità lil miżuri li diġà qed jiġu implimentati u li jistgħu jitwettqu sal-2026.
Dawn jistgħu jitolbu prefinanzjament sa 20% tal-finanzjament addizzjonali.
Valutazzjoni
fi żmien xahrejn
Il-Kummissjoni Ewropea tivvaluta l-pjanijiet.
Approvazzjoni
fi żmien erba' ġimgħat
Il-Kunsill japprova valutazzjonijiet pożittivi permezz ta' deċiżjonijiet ta' implimentazzjoni.
Iffirmar
Il-Kummissjoni u l-istati membri jiffirmaw ftehimiet ġodda jew emendati ta' finanzjament u/jew self
Liema miżuri huma appoġġati?
- spinta lill-effiċjenza enerġetika u tnaqqis fid-domanda
- titjib tal-infrastruttura tal-enerġija u tal-ħżin tal-elettriku
- indirizzar tal-ostakli fit-trażmissjoni u d-distribuzzjoni tal-enerġija
- dekarbonizzazzjoni tal-industrija
- aċċellerazzjoni tal-użu ta' sorsi rinnovabbli u żieda fl-użu tal-idroġenu mhux fossili
- appoġġ għat-trasport mingħajr emissjonijiet
- kwalifiki ġodda għall-ħaddiema biex jiksbu ħiliet ekoloġiċi
- il-ġlieda kontra l-faqar enerġetiku
L-aħħar reviżjoni: 2 ta' Mejju 2023