Kunsill Kompetittività, 29-30/11/2018, 29 u 30 ta' Novembru 2018

Riżultati ewlenin

Suq intern u industrija, 29 ta' Novembru

Il-Kunsill laħaq qbil dwar il-pożizzjoni tiegħu (approċċ ġenerali) għar-regolament dwar ir-relazzjonijiet bejn il-pjattaformi u n-negozji u r-regolament dwar is-sikurezza ġenerali tal-vetturi. Laħaq qbil ukoll dwar approċċ ġenerali parzjali għar-regolament dwar il-programm tas-suq uniku. Dan il-qbil u dak ta' qablu jwittu t-triq biex jibdew negozjati mal-parlament Ewropew. Il-ministri adottaw ukoll konklużjonijiet dwar l-istrateġija futura tal-UE għall-politika industrijali.

Taħt il-punt tradizzjonali tal-"eżami tal-kompetittività", il-Kunsill iddiskuta l-governanza futura tas-suq uniku. F'dan id-dibattitu l-Kummissjoni ppreżentat il-Komunikazzjoni tagħha dwar il-ġejjieni tas-suq uniku li hija adottat fit-22 ta' Novembru 2018.

Illum qbilna dwar firxa wiesgħa ta' inizjattivi leġislattivi. Dawn ser jipprovdu benefiċċji sostanzjali, minn toroq aktar sikuri sa ekonomiji aktar b'saħħithom. Kellna wkoll opportunità li niskambjaw fehmiet dwar strateġija futura tal-UE għall-politika industrijali u l-isfidi tas-suq uniku f'dinja li qed tinbidel malajr. Margarete Schramböck, Ministru Federali għall-Affarijiet Diġitali u Ekonomiċi tal-Awstrija

• Il-politika industrijali tal-UE (informazzjoni ġenerali)
• Is-suq uniku għall-prodotti u s-servizzi (informazzjoni ġenerali)

Spazju, 30 ta' Novembru

Il-Kunsill ħa nota ta' rapport ta' progress mill-presidenza dwar proposta għal regolament dwar il-programmi spazjali tal-UE u kellu skambju ta' fehmiet dwar il-kwistjonijiet pendenti prinċipali bil-għan li jipprovdi gwida għall-ħidma futura.

Il-politika spazjali tal-UE hija essenzjali għall-ekonomiji tagħna, is-sigurtà u r-riċerka. Id-diskussjonijiet tal-lum urew kemm għamilna progress minn Ġunju 'l hawn fil-ħidma lejn l-adozzjoni ta' programm spazjali ġdid u ambizzjuż tal-UE. Norbert Hofer, Ministru għat-Trasport, Innovazzjoni u Teknoloġija (inkluż l-Ispazju) tal-Awstrija

Riċerka u innovazzjoni, 30 ta' Novembru

Il-Kunsill adotta konklużjonijiet dwar il-governanza taż-Żona Ewropea tar-Riċerka.

Laħaq ukoll approċċ ġenerali parzjali dwar il-proposta għal programm qafas għar-riċerka u l-innovazzjoni (Orizzont Ewropa) u ħa nota ta' rapport ta' progress tal-presidenza dwar il-programm speċifiku li jimplimenta Orizzont Ewropa.

Il-qbil parzjali tal-lum dwar Orizzont Ewropa, miksub f'inqas minn sitt xhur wara li rċevejna l-proposta tal-Kummissjoni, juri r-rieda komuni tagħna li niksbu progress rapidu f'dan l-att leġislattiv importanti. Iwitti t-triq għal adozzjoni rapida tal-pakkett hekk kif ikunu ntemmu t-taħditiet dwar il-qafas finanzjarju pluriennali. Heinz Faßmann, Ministru Federali għall-Edukazzjoni, ix-Xjenza u r-Riċerka tal-Awstrija

• Programmi spazjali tal-UE (informazzjoni ġenerali)
• Orizzont Ewropa (Kummissjoni Ewropea)