"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Konsegwenzi ekonomiċi u finanzjarji tal-aggressjoni tar-Russja kontra l-Ukrajna
Il-Kunsill kellu skambju ta' fehmiet dwar il-konsegwenzi ekonomiċi u finanzjarji tal-aggressjoni tar-Russja kontra l-Ukrajna. Il-ministri ffokaw fuq l-implimentazzjoni u l-impatt tas-sanzjonijiet adottati wara l-aggressjoni tar-Russja kontra l-Ukrajna.
L-appoġġ kontinwu għall-Ukrajna jibqa' l-ogħla prijorità matul il-Presidenza tagħna. Id-diskussjoni tal-lum kienet importanti biex inkomplu nimmonitorjaw is-sitwazzjoni u nibnu fuq l-azzjonijiet komuni tagħna biex niġġieldu l-aggressjoni tar-Russja kontra l-Ukrajna. Il-ministri ġew aġġornati wkoll dwar il-ħidma fuq il-possibbiltajiet li jintużaw assi Russi ffriżati biex jgħinu fil-bini mill-ġdid tal-Ukrajna. Il-Presidenza Żvediża ser tmexxi din il-ħidma 'l quddiem fil-Kunsill bħala kwistjoni ta' prijorità.
Elisabeth Svantesson, Ministru għall-Finanzi tal-Iżvezja
Il-ministri qasmu l-fehmiet tagħhom dwar ir-rieżami tal-governanza ekonomika, b'segwitu għall-komunikazzjoni tal-Kummissjoni dwar l-orjentazzjonijiet għal riforma tal-qafas ta' governanza tal-UE. Il-Kummissjoni ppreżentat il-komunikazzjoni tagħha għall-ewwel darba lill-ministri tal-ekonomija u l-finanzi fil-Kunsill Ecofin tas-6 ta' Diċembru 2022. Il-Kunsill Ecofin ta' Marzu ser jipprovdi opportunità oħra biex isir progress.
Fl-interventi tagħhom, il-ministri pprovdew gwida politika fir-rigward tas-suġġetti ġenerali mressqa mill-Presidenza Żvediża: kif jiġi żgurat aġġustament fiskali speċifiku għal pajjiż filwaqt li tinżamm is-sorveljanza multilaterali ankrata f'regoli fiskali u punti ta' riferiment komuni tal-UE; fehmiet dwar enfasi akbar possibbli fuq l-ippjanar fuq perjodu medju ta' żmien; ir-rwol potenzjali ta' analiżi bbażata fuq ir-riskju tal-iżviluppi tad-dejn pubbliku fl-identifikazzjoni tal-isfidi speċifiċi għal pajjiż.
Il-Presidenza kkonkludiet li kienet meħtieġa aktar ħidma sabiex jintlaħaq qbil dwar it-triq 'il quddiem.
Kellna diskussjoni twila dwar ir-rieżami tal-governanza ekonomika. Dan huwa suġġett importanti, speċjalment f'dawn iż-żminijiet ekonomiċi inċerti. Neħtieġu regoli komuni dwar il-politika ekonomika u fiskali biex jiggwidawna, issa aktar minn qatt qabel. Kulħadd jaf li l-istati membri għandhom fehmiet differenti hawnhekk, iżda aħna ma noqogħdux lura milli jkollna diskussjonijiet diffiċli. Tħadditna dwar diversi aspetti tas-sura li dan il-qafas jista' jkollu fil-futur, abbażi tal-komunikazzjoni tal-Kummissjoni mis-sena l-oħra. Ħafna kienu tal-fehma li għandna nikkombinaw l-aġġustament fiskali ma' riformi u investimenti biex nindirizzaw l-isfidi fil-finanzi pubbliċi. Rajna wkoll il-benefiċċji li tittieħed perspettiva fuq terminu medju biex dawn l-isfidi jiġu indirizzati b'mod ċar u fit-tul. U ħsibna li kien importanti li jkollna sjieda nazzjonali aktar b'saħħitha filwaqt li nżommu sett b'saħħtu ta' regoli u oqfsa komuni. Għall-ġejjieni ser ikun kruċjali li jinstab il-bilanċ it-tajjeb bejn dawn it-tnejn.
Elisabeth Svantesson, Ministru għall-Finanzi tal-Iżvezja
Il-Kunsill adotta deċiżjoni ta' implimentazzjoni emendatorja taħt il-Faċilità għall-Irkupru u r-Reżiljenza fir-rigward ta' bidliet tekniċi fil-pjan għall-irkupru u r-reżiljenza tal-Ġermanja.
Il-ministri approvaw it-termini ta' referenza tal-UE fid-dawl tal-laqgħa tal-G20 tal-ministri għall-finanzi u l-gvernaturi tal-banek ċentrali fl-24 u l-25 ta' Frar 2023 f'Bengaluru, l-Indja.
Tassazzjoni: lista tal-UE ta' ġuriżdizzjonijiet li ma jikkooperawx
Il-Kunsill irreveda dwar il-lista tal-UE ta' ġuriżdizzjonijiet li ma jikkooperawx għal finijiet ta' taxxa. Issa hemm 16-il ġuriżdizzjoni fil-lista tal-UE: is-Samoa Amerikana, Anguilla, il-Bahamas, il-Gżejjer Verġni Brittaniċi, il-Costa Rica, Fiġi, Guam, il-Gżejjer Marshall, Palau, il-Panama, ir-Russja, Samoa, Trinidad u Tobago, il-Gżejjer Turks u Caicos, il-Gżejjer Verġni tal-Istati Uniti u Vanuatu.
Illum, iddeċidejna li nżidu erba' ġuriżdizzjonijiet mal-lista tal-UE ta' ġuriżdizzjonijiet li ma jikkooperawx għal finijiet ta' taxxa: il-Gżejjer Verġni Brittaniċi, il-Costa Rica, il-Gżejjer Marshall u r-Russja. Nitolbu lill-pajjiżi kollha elenkati biex itejbu l-qafas legali tagħhom u biex jaħdmu lejn il-konformità mal-istandards internazzjonali fit-tassazzjoni. Fl-istess ħin nifraħ bil-qalb lill-Maċedonja ta' Fuq, il-Barbados, il-Ġamajka u l-Urugwaj peress li ssodisfaw b'suċċess l-impenji tagħhom u setgħu jitneħħew mid-dokument dwar is-sitwazzjoni attwali.
Elisabeth Svantesson, Ministru għall-Finanzi tal-Iżvezja
Mingħajr diskussjoni, il-Kunsill iddeċieda li jġedded il-miżuri restrittivi tal-UE fid-dawl tas-sitwazzjoni fiż-Żimbabwe sal-20 ta' Frar 2024, u li jżomm il-miżuri taħt rieżami kostanti fid-dawl tal-iżviluppi politiċi u ta' sigurtà fil-pajjiż.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
L-appoġġ kontinwu għall-Ukrajna jibqa' l-ogħla prijorità matul il-Presidenza tagħna. Id-diskussjoni tal-lum kienet importanti biex inkomplu nimmonitorjaw is-sitwazzjoni u nibnu fuq l-azzjonijiet komuni tagħna biex niġġieldu l-aggressjoni tar-Russja kontra l-Ukrajna. Il-ministri ġew aġġornati wkoll dwar il-ħidma fuq il-possibbiltajiet li jintużaw assi Russi ffriżati biex jgħinu fil-bini mill-ġdid tal-Ukrajna. Il-Presidenza Żvediża ser tmexxi din il-ħidma 'l quddiem fil-Kunsill bħala kwistjoni ta' prijorità.
