"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
Kunsill Affarijiet Ekonomiċi u Finanzjarji, 14 ta' Marzu 2023
Riżultati prinċipali
Faċilità għall-Irkupru u r-Reżiljenza
Il-Kunsill iddiskuta kif il-Faċilità għall-Irkupru u r-Reżiljenza u l-kapitoli REPowerEU jistgħu jikkontribwixxu b'mod effettiv għat-tranżizzjoni ekoloġika u jiżguraw l-indipendenza tal-Ewropa mis-sorsi tal-enerġija Russi fil-kuntest ta' inflazzjoni għolja u tfixkil fil-katina ta' provvista.
Barra minn hekk, il-Kunsill adotta deċiżjoni ta' implimentazzjoni li tapprova l-pjan rivedut għall-irkupru u r-reżiljenza tal-Finlandja.
Il-Kunsill qabel fuq konklużjonijiet dwar l-orjentazzjonijiet għal riforma tal-qafas tal-governanza ekonomika tal-UE. Il-konklużjonijiet fihom oqsma ta' konverġenza ta' fehmiet fost l-istati membri u oqsma għal aktar ħidma fuq qafas riformat. Dawn jikkostitwixxu gwida politika għall-Kummissjoni Ewropea għat-tħejjija ta' proposti leġiżlattivi rilevanti.
Ir-regoli fiskali huma importanti u għandhom jibqgħu strument essenzjali fis-sett ta' għodod tal-politika ekonomika tagħna. Issa għandhom jiġu adattati għal dinja li qed tinbidel. Ninsab kuntenta ħafna li llum ilħaqna pass importanti. Wara diskussjonijiet intensi, qbilna dwar il-konklużjonijiet tal-Kunsill li jenfasizzaw l-oqsma ta' konverġenza ta' fehmiet bejnietna. Huma jipprovdu kontribut importanti għall-Kummissjoni, qabel il-proposti leġiżlattivi li jmiss. Illum juri li għal darb'oħra l-istati membri jistgħu jaqblu dwar kwistjonijiet importanti fil-politika ekonomika.
Elisabeth Svantesson, Ministru għall-Finanzi tal-Iżvezja
Orjentazzjonijiet tal-Kunsill għal riforma tal-qafas ta' governanza ekonomika tal-UE (Infografika)
Gwida għall-politika fiskali
Il-Kummissjoni ppreżentat il-gwida tagħha tal-politika fiskali għall-2024 lill-ministri bil-ħsieb li tinforma t-tħejjija mill-istati membri dwar il-Programmi ta' Stabbiltà u Konverġenza. Il-ministri taw ir-reazzjonijiet inizjali tagħhom għal din il-komunikazzjoni mill-Kummissjoni li ġiet ippubblikata fit-8 ta' Marzu.
Konsegwenzi ekonomiċi u finanzjarji tal-aggressjoni tar-Russja kontra l-Ukrajna
Il-Kunsill qasam il-fehmiet tiegħu dwar il-konsegwenzi ekonomiċi u finanzjarji tal-aggressjoni tar-Russja kontra l-Ukrajna. Huwa ffoka b'mod partikolari fuq aspetti tas-suq finanzjarju relatati mal-enerġija.
Il-presidenza u l-Kummissjoni infurmaw lill-Kunsill dwar l-eżiti ewlenin tal-laqgħa tal-G20 tal-ministri għall-finanzi u l-gvernaturi tal-banek ċentrali li saret fl-24 u l-25 ta' Frar 2023. Il-Kunsill ta gwida għal aktar ħidma rigward it-tħejjijiet għal-laqgħa li jmiss tal-G20 tal-ministri għall-finanzi u l-gvernaturi tal-banek ċentrali kif ukoll il-laqgħat tar-rebbiegħa tal-FMI tal-10-16 ta' April 2023.
Il-Kunsill approva l-linji gwida tiegħu għall-baġit għall-2024. Il-linji gwida approvati ser jipprovdu gwida politika lill-Kummissjoni fit-tħejjija tal-baġit għas-sena d-dieħla.
Il-Kunsill adotta wkoll rakkomandazzjoni dwar l-għoti ta' kwittanza li għandha tingħata lill-Kummissjoni għall-implimentazzjoni tal-baġit tal-UE għall-2021.
Djalogu makroekonomiku fil-livell politiku (MEDPOL)
Fit-13 ta' Marzu, fil-marġini tal-ECOFIN, il-presidenza kellha l-laqgħa ta' djalogu makroekonomiku ta' kull sitt xhur fil-livell politiku mar-rappreżentanti tas-sħab soċjali.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Ir-regoli fiskali huma importanti u għandhom jibqgħu strument essenzjali fis-sett ta' għodod tal-politika ekonomika tagħna. Issa għandhom jiġu adattati għal dinja li qed tinbidel. Ninsab kuntenta ħafna li llum ilħaqna pass importanti. Wara diskussjonijiet intensi, qbilna dwar il-konklużjonijiet tal-Kunsill li jenfasizzaw l-oqsma ta' konverġenza ta' fehmiet bejnietna. Huma jipprovdu kontribut importanti għall-Kummissjoni, qabel il-proposti leġiżlattivi li jmiss. Illum juri li għal darb'oħra l-istati membri jistgħu jaqblu dwar kwistjonijiet importanti fil-politika ekonomika.
