"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
Kunsill Affarijiet Ekonomiċi u Finanzjarji, 16 ta' Jannar 2024
Riżultati ewlenin
Programm ta' ħidma tal-presidenza
Il-presidenza Belġjana ppreżentat il-programm ta' ħidma tagħha għall-ewwel semestru tas-sena fil-qasam tal-affarijiet ekonomiċi u finanzjarji.
Aħna impenjati li nagħmlu din presidenza ta' suċċess, li tiffinalizza aġenda ambizzjuża fi tmiem dan il-mandat tal-UE. Fost dawk il-fajls kollha, għandna tliet prijoritajiet ewlenin. L-ewwel nett, naturalment, ser niffukaw fuq ir-rieżami tal-governanza ekonomika u n-negozjati tat-trilogu mal-Parlament Ewropew. It-tieni, ser naħdmu fuq l-Unjoni Bankarja Ewropea u l-approfondiment ulterjuri tal-Unjoni tas-Swieq Kapitali. U t-tielet, il-presidenza Belġjana hija impenjata bis-sħiħ ukoll li tkompli tappoġġa lill-Ukrajna sakemm ikun meħtieġ.
Vincent van Peteghem, Ministru għall-Finanzi tal-Belġju
Il-Presidenza ser tiffoka fuq il-finalizzazzjoni tar-rieżami tal-governanza ekonomika tal-Unjoni, fuq it-tkomplija tal-appoġġ finanzjarju lill-Ukrajna, u fuq il-leġiżlazzjoni li tirregola l-Unjoni Bankarja u l-Unjoni tas-Swieq Kapitali.
Barra minn hekk, il-Presidenza ser taħdem biex tnaqqas id-diskrepanza tal-VAT, fuq ir-riżorsi proprji tal-UE, fuq it-tlestija tar-rieżami ta' nofs it-terminu tal-Qafas Finanzjarju Pluriennali (QFP), u fuq ir-reviżjoni tal-leġiżlazzjoni relatata mal-Kodiċi Doganali kif ukoll ir-regoli tat-tassazzjoni għat-telexogħol transkonfinali.
Peress li waqt il-presidenza Belġjana ser ikun hemm l-għeluq ta' leġiżlatura tal-parlament Ewropew u l-bidu ta' oħra, hija ser taħdem biex tiffinalizza l-fajls ewlenin pendenti filwaqt li tistimula wkoll diskussjoni dwar l-istat ekonomiku tal-Unjoni u l-futur tagħha.
Il-Kunsill beda l-proċess annwali tas-Semestru Ewropew għall-monitoraġġ tal-politiki ekonomiċi, tal-impjieg u fiskali tal-istati membri. Il-Kunsill approva konklużjonijiet dwar ir-rapport dwar il-mekkaniżmu ta' twissija 2024 u l-istħarriġ annwali dwar it-tkabbir sostenibbli 2024. Il-Kunsill approva wkoll ir-rakkomandazzjoni tal-2024 dwar il-politika ekonomika taż-żona tal-euro. Ir-rakkomandazzjoni ser tiġi ppreżentata lill-Kunsill Ewropew għall-approvazzjoni fil-laqgħa tiegħu f'Marzu u wara ser tiġi adottata mill-Kunsill f'waħda mil-laqgħat tiegħu tal-Ecofin li jmiss.
Il-ministri ħadu nota tas-sitwazzjoni attwali tal-impatt ekonomiku u finanzjarju tal-aggressjoni tar-Russja kontra l-Ukrajna. Huma ngħataw aġġornament mill-Kummissjoni dwar is-sitwazzjoni ekonomika u baġitarja fl-Ukrajna u ddiskutew l-appoġġ finanzjarju tal-UE lill-Ukrajna u l-ħidma li għaddejja fuq l-użu ta' assi ffriżati u immobilizzati.
Il-ministri ser jipprovdu gwida għal aktar ħidma bil-ħsieb tal-laqgħa tal-G20 tal-ministri għall-finanzi u l-gvernaturi tal-banek ċentrali li ser issir mis-26 sad-29 ta' Frar 2024 f'São Paulo, il-Brażil. Il-Kunsill ta mandat lill-Kumitat Ekonomiku u Finanzjarju biex jiffinalizza t-Termini ta' Referenza tal-G20 tal-UE għal din il-laqgħa.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Aħna impenjati li nagħmlu din presidenza ta' suċċess, li tiffinalizza aġenda ambizzjuża fi tmiem dan il-mandat tal-UE. Fost dawk il-fajls kollha, għandna tliet prijoritajiet ewlenin. L-ewwel nett, naturalment, ser niffukaw fuq ir-rieżami tal-governanza ekonomika u n-negozjati tat-trilogu mal-Parlament Ewropew. It-tieni, ser naħdmu fuq l-Unjoni Bankarja Ewropea u l-approfondiment ulterjuri tal-Unjoni tas-Swieq Kapitali. U t-tielet, il-presidenza Belġjana hija impenjata bis-sħiħ ukoll li tkompli tappoġġa lill-Ukrajna sakemm ikun meħtieġ.