Kunsill Ambjent
Kunsill Ambjent, 20 ta' Diċembru 2022
Riżultati prinċipali
Il-ministri għall-ambjent tal-UE kellhom dibattitu ta' orjentazzjoni dwar proposta għal regolament dwar ir-restawr tan-natura.
Il-proposta għandha l-għan li tgħin fl-irkupru tal-ħabitats Ewropej, li 80% minnhom jinsabu f'kundizzjoni ħażina. Il-proposta tistabbilixxi miri u obbligi speċifiċi legalment vinkolanti għar-restawr tan-natura f'kull waħda mill-ekosistemi elenkati - mill-foresti u l-art agrikola sal-ekosistemi tal-baħar, tal-ilma ħelu u urbani. Il-miżuri proposti jkunu jkopru mill-inqas 20% taż-żoni tal-art u tal-baħar tal-UE sal-2030 u l-ekosistemi kollha li jeħtieġu restawr sal-2050.
L-istati membri jkollhom jistabbilixxu miżuri ta' restawr effettivi u bbażati fuq iż-żona sabiex jilħqu l-miri speċifiċi għall-ekosistema u jippjanaw minn qabel billi jiżviluppaw pjanijiet nazzjonali ta' restawr, f'kooperazzjoni mill-qrib max-xjenzati, il-partijiet ikkonċernati interessati u l-pubbliku. Il-proposta tiddefinixxi wkoll l-indikaturi tal-bijodiversità biex jitkejjel il-progress.
Il-ministri ħadu nota tar-rapport ta' progress imħejji mill-presidenza u kellhom dibattitu ta' orjentazzjoni, li ffoka fuq il-kwistjonijiet ta' ambizzjoni u l-prinċipju ta' nondeterjorament.
- Rapport ta' progress tal-Presidenza
- Proposta tal-Kummissjoni dwar il-liġi dwar ir-restawr tan-natura
- Bijodiversità: kif l-UE tħares in-natura (informazzjoni ġenerali)
- Patt Ekoloġiku Ewropew (informazzjoni ġenerali)
Taħt affarijiet oħra l-presidenza infurmat lill-ministri dwar is-sitwazzjoni attwali tal-ħidma fi ħdan il-Kunsill fuq il-proposti dwar il-gassijiet fluworurati, dwar sustanzi li jnaqqsu s-saff tal-ożonu, dwar l-emissjonijiet industrijali u dwar il-vjeġġi tal-iskart.
Il-Kummissjoni ppreżentat il-pakkett ta' tniġġis żero li jinkludi proposti biex tiġi riveduta l-leġiżlazzjoni dwar il-kwalità tal-arja, dwar sustanzi prijoritarji fl-ilma tal-wiċċ u ta' taħt l-art u dwar it-trattament tal-ilma urban mormi. Il-Kummissjoni ppreżentat ukoll il-pakkett tal-ekonomija ċirkolari li jinkludi proposti biex tiġi riveduta l-leġiżlazzjoni dwar l-imballaġġ u l-iskart mill-imballaġġ u proposta għal leġiżlazzjoni ġdida dwar iċ-ċertifikazzjoni tal-assorbiment tal-karbonju, kif ukoll qafas ta' politika għall-plastik b'bażi bijoloġika, bijodegradabbli u kompostabbli.
Il-presidenza u l-Kummissjoni aġġornaw lill-ministri dwar il-laqgħat internazzjonali reċenti ewlenin.
Il-Kummissjoni infurmat lill-ministri dwar l-implimentazzjoni tal-istrateġija għall-bijodiversità. Il-presidenza infurmat lill-ministri dwar workshop dwar it-tniġġis tad-dawl.
In-Netherlands ipprovdew informazzjoni dwar it-tħejjija għall-konferenza tan-NU dwar l-ilma.
L-Iżvezja ppreżentat il-programm ta' ħidma għall-presidenza tagħha li jmiss.
Dokumenti tal-laqgħat
Dokumenti ta' tħejjija
Dokumenti ta' eżitu
Tagħrif għall-istampa
Kuntatti għall-istampa
-
Peristera Dimopoulou Press officer
- +32 471 33 53 26
- +32 2 281 61 56
Jekk m'intix ġurnalist(a), jekk jogħġbok ibgħat it-talba tiegħek lis-servizz għall-informazzjoni tal-pubbliku.
Akkreditazzjoni u avvenimenti għall-istampa
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Kompli segwina
- Irreġistra għall-allerti bl-email tagħna biex tirċievi aġġornamenti dwar din il-laqgħa u laqgħat simili.
- Segwi @EUCouncilPressgħall-aħħar aġġornamenti għall-istampa.
- Hashtag fuq X: #ENVI
Laqgħat oħra: Kunsill Ambjent
Laqgħat li seħħew
Laqgħat li jmiss
L-aħħar reviżjoni: 15 ta' Jannar 2025