"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.

Żur il-paġna tal-politika tal-cookies tagħna għal aktar informazzjoni u biex tibdel is-settings tiegħek.

български español čeština dansk Deutsch eesti Ελληνικά English français Gaeilge hrvatski italiano latviešu lietuvių magyar Malti Nederlands polski português română slovenčina slovenščina suomi svenska
Skip to content

Kunsill Ambjent

Kunsill Ambjent, 28 ta' Ġunju 2022

Riżultati ewlenin

Pakkett "Lesti għall-mira ta' 55%"

Il-ministri kisbu approċċ ġenerali dwar il-fajls li ġejjin tal-pakkett "Lesti għall-mira ta' 55%":

  • ir-reviżjoni tal-iskema għall-iskambju ta' kwoti tal-emissjonijiet ta' gassijiet serra (EU ETS)
  • ir-reviżjoni tar-regolament dwar it-tnaqqis annwali vinkolanti tal-emissjonijiet ta' gassijiet serra mill-istati membri (regolament dwar il-kondiviżjoni tal-isforzi)
  • ir-reviżjoni tar-regolament dwar l-emissjonijiet u l-assorbimenti ta' gassijiet serra minn użu tal-art, tibdil fl-użu tal-art u l-forestrija (LULUCF)
  • ir-reviżjoni tar-regoli dwar l-istandards ta' rendiment għall-emissjonijiet tas-CO2 tal-karozzi ġodda tal-passiġġieri u tal-vetturi kummerċjali ħfief ġodda
  • ir-regolament li jistabbilixxi fond soċjali għall-klima
Agnès Pannier-Runacher, Ministru għat-tranżizzjoni tal-enerġija ta' Franza
Agnès Pannier-Runacher, Ministru għat-tranżizzjoni tal-enerġija ta' Franza
Agnès Pannier-Runacher, Ministru għat-tranżizzjoni tal-enerġija ta' Franza

Il-proposti ser ikollhom rwol importanti fit-tnaqqis tal-emissjonijiet tal-gassijiet serra fis-setturi ewlenin tal-ekonomija. Dawn jirrappreżentaw kontribut importanti biex jintlaħaq l-għan ġenerali tal-UE li l-emissjonijiet ta' gassijiet serra netti jitnaqqsu b'mill-inqas 55% sal-2030 meta mqabbla mal-livelli tal-1990.

Deforestazzjoni u degradazzjoni tal-foresti

Il-ministri kisbu approċċ ġenerali dwar proposta biex jitnaqqas kemm jista' jkun il-konsum ta' prodotti li ġejjin mill-ktajjen tal-provvista assoċjati mad-deforestazzjoni jew mad-degradazzjoni tal-foresti.

L-objettiv ta' din il-proposta huwa li tiżgura li l-prodotti kkunsmati fis-suq tal-UE ma jikkontribwixxux għad-deforestazzjoni u d-degradazzjoni tal-foresti madwar id-dinja.

Il-Kummissjoni ppubblikat il-proposta tagħha għal regolament fis-17 ta' Novembru 2021. Il-mutur ewlieni tad-deforestazzjoni globali u d-degradazzjoni tal-foresti huwa l-espansjoni tal-art agrikola, li hija marbuta mal-produzzjoni ta' dawk il-prodotti bażiċi inklużi fil-kamp ta' applikazzjoni tar-regolament. Bħala importatur ewlieni ta' dawn il-prodotti bażiċi, l-UE tista' tnaqqas l-impatt tagħha fuq id-deforestazzjoni u d-degradazzjoni tal-foresti globali billi tadotta regoli ġodda biex tirregola d-dħul fis-suq tal-UE u l-esportazzjoni mill-UE ta' dawn il-prodotti bażiċi b'mod li jippromwovi l-konsum ta' prodotti "mingħajr deforestazzjoni" u jiżgura ktajjen tal-provvista mingħajr deforestazzjoni.

Vjeġġi ta' skart

Il-presidenza ppreżentat rapport dwar il-progress tad-diskussjonijiet dwar proposta għal regolament biex ir-regoli tal-UE dwar il-vjeġġi ta' skart isiru aktar stretti. Il-proposta għandha l-għan li tiżgura li l-UE ma tesportax l-isfidi tal-iskart tagħha lejn pajjiżi terzi. Għandha wkoll l-għan li tiffaċilita t-trasport tal-iskart għall-użu mill-ġdid u r-riċiklaġġ fl-UE. Fl-aħħar nett, għandha l-għan li tiġġieled il-vjeġġi illegali ta' skart b'mod aktar effettiv.

Kwistjonijiet oħra

Il-Kummissjoni infurmat lill-ministri dwar il-laqgħat internazzjonali ewlenin li saru dan l-aħħar.

Il-Kummissjoni pprovdiet lill-ministri b'informazzjoni dwar ċerti proposti leġiżlattivi pendenti.

  • Regolament dwar il-gassijiet fluworurati b'effett ta' serra
  • Reviżjoni tad-Direttiva dwar l-emissjonijiet industrijali
  • Regolament dwar l-ekodisinn ta' prodotti
  • Regolament dwar l-objettivi ta' restawr tan-natura

L-Iżvezja tinforma lill-ministri dwar l-eżitu tal-konferenza ta' Stokkolma + 50. Ċipru informa lill-ministri dwar id-9 konferenza ministerjali Ambjent għall-Ewropa.

Fl-aħħar nett, iċ-Ċekja ppreżentat il-programm ta' ħidma għall-presidenza li jmiss tagħha.

Il-Kunsill adotta wkoll mingħajr dibattitu l-lista ta' "punti A" elenkati hawn taħt.

L-infografika tispjega l-pakkett Lesti għall-mira ta' 55%, l-oqsma ewlenin ta' azzjoni biex l-UE tnaqqas l-emissjonijiet tal-gassijiet serra u l-proċess tat-teħid tad-deċiżjonijiet biex il-proposti jinbidlu f'liġi tal-UE.

Lesti għall-mira ta' 55%: kif l-UE ser issarraf il-miri klimatiċi f'liġi (Infografika)

Dokumenti tal-laqgħat

Stqarrijiet għall-istampa

Tagħrif għall-istampa

Kuntatti għall-istampa

Jekk m'intix ġurnalist(a), jekk jogħġbok ibgħat it-talba tiegħek lis-servizz għall-informazzjoni tal-pubbliku.

Akkreditazzjoni u avvenimenti għall-istampa

Għal informazzjoni ġenerali dwar l-akkreditazzjoni, jekk jogħġbok żur din il-paġna.

L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.

Kompli segwina

Laqgħat oħra: Kunsill Ambjent

Ara laqgħat oħrajn

L-aħħar reviżjoni: 15 ta' Jannar 2025