"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Il-ministri laħqu approċċ ġenerali dwar proposta biex tiġi riveduta d-direttiva dwar l-emissjonijiet industrijali.
Id-direttiva hija l-istrument ewlieni tal-UE li jirregola t-tniġġis minn installazzjonijiet industrijali u azjendi agrikoli tal-bhejjem intensivi kbar. Ir-reviżjoni tipproponi aktar sforzi biex jitnaqqas it-tniġġis f'konformità mal-għan tal-Patt Ekoloġiku Ewropew li tintlaħaq ekonomija ta' tniġġis żero, kompetittiva u newtrali għall-klima sal-2050.
It-tniġġis jikkawża mard serju u jagħmel ħsara lill-ambjent. L-għan tal-UE għall-2050 huwa li tnaqqas it-tniġġis għal livelli li ma jibqgħux ta' ħsara għas-saħħa tal-bniedem. Il-qbil li ntlaħaq fil-Kunsill illum dwar l-emissjonijiet industrijali jistabbilixxi regoli aktar b'saħħithom biex jiġi indirizzat it-tniġġis mis-sors. Dan ser jistabbilixxi limiti ta' tniġġis f'livelli aktar effettivi u ser jagħti gwida ċara lill-industrija u lill-azjendi agrikoli tal-bhejjem kbar biex jagħmlu l-investimenti t-tajba sabiex it-tniġġis tagħhom jitnaqqas b'mod effettiv.
Romina Pourmokhtari, ministru għall-klima u l-ambjent tal-Iżvezja
Il-ministri kellhom dibattitu ta' orjentazzjoni dwar proposta biex jiġi stabbilit qafas ta' ċertifikazzjoni tal-UE għall-assorbimenti tal-karbonju.
Il-proposta għandha l-għan li tiffaċilita l-użu ta' assorbimenti tal-karbonju ta' kwalità għolja fl-UE, li jkopru s-sekwestru tal-ħżin permanenti tal-karbonju permezz ta' teknoloġiji industrijali, s-sekwestru tal-karbonju f'art agrikola u l-ħżin permanenti tal-karbonju fil-prodotti.
L-għan tad-dibattitu kien li jipprovdi gwida għall-ħidma futura fil-Kunsill dwar il-proposta. Il-ministri qasmu l-fehmiet tagħhom dwar kif qafas ta' ċertifikazzjoni tal-UE jista' jikkontribwixxi biex jiżdiedu l-assorbimenti tal-karbonju ta' kwalità għolja fl-UE bħala komplement għall-isforzi sostnuti għat-tnaqqis tal-emissjonijiet. Huma ddiskutew ukoll l-opportunitajiet u l-isfidi ewlenin tal-proposta.
L-istati membri laqgħu l-għan tal-proposta biex jiġu inċentivati aktar l-attivitajiet ta' assorbiment tal-karbonju fl-UE iżda qablu li ser ikunu meħtieġa aktar diskussjonijiet dwar l-aspetti fundamentali tal-proposta. Il-maġġoranza tal-istati membri ssottolinjaw ukoll li filwaqt li l-assorbimenti tal-karbonju ser ikollhom rwol dejjem aktar importanti fil-politika tal-UE dwar il-klima, l-għan prinċipali għandu xorta waħda jibqa' fuq l-isforzi biex jitnaqqsu l-emissjonijiet u tiġi dekarbonizzata l-ekonomija Ewropea.
Il-ministri kellhom dibattitu ta' orjentazzjoni dwar ir-reviżjoni proposta tal-leġiżlazzjoni tal-UE dwar l-imballaġġ u l-iskart mill-imballaġġ.
Il-proposta għandha l-għan li tissikka r-regoli eżistenti dwar il-prevenzjoni, it-tnaqqis u r-riċiklaġġ tal-imballaġġ u l-iskart mill-imballaġġ. Fost affarijiet oħrajn, tipproponi li l-iskart mill-imballaġġ jitnaqqas bi 15% sal-2040 għal kull stat membru per capita u li l-imballaġġ kollu fis-suq tal-UE jsir riċiklabbli b'mod ekonomikament vijabbli sal-2030.
L-għan tad-dibattitu kien li tingħata gwida politika għall-ħidma fil-Kunsill.
Il-ministri ġew mistiedna jaqsmu l-fehmiet tagħhom dwar l-ambizzjoni ġenerali tal-proposta u liema elementi jqisu li huma l-aktar xierqa u f'waqthom f'dan ir-rigward. Il-ministri ġew mistiedna wkoll jidentifikaw liema huma, fil-fehma tagħhom, l-aktar miżuri importanti biex jixprunaw il-prevenzjoni tal-iskart mill-imballaġġ u jrawmu soluzzjonijiet innovattivi fl-UE.
Id-direttiva dwar it-trattament tal-ilma urban mormi
Il-ministri kellhom dibattitu dwar proposta biex tiġi riveduta d-direttiva dwar it-trattament tal-ilma urban mormi.
Id-direttiva għandha l-għan li tnaqqas is-sustanzi niġġiesa fix-xmajjar, fil-lagi, fl-ilmijiet ta' taħt l-art u fl-ibħra, billi ttejjeb it-trattament tal-ilma mormi, filwaqt li tintroduċi l-"prinċipju ta' min iniġġes iħallas", il-miri tan-newtralità enerġetika u żżid l-użu mill-ġdid tan-nutrijenti.
Il-ministri ġew mistiedna jaqsmu l-fehmiet tagħhom dwar il-livell xieraq ta' ambizzjoni biex jiġu indirizzati s-sorsi li fadal ta' tniġġis mill-ilma urban mormi, u dwar l-inklużjoni ta' skema ta' responsabbiltà estiża tal-produttur u miri tan-newtralità enerġetika fil-proposta.
L-istati membri laqgħu r-reviżjoni peress li għandha l-għan li tipprovdi l-mezzi konkreti biex tiġi protetta aħjar is-saħħa taċ-ċittadini Ewropej u tal-ambjent. Id-dettalji dwar l-iskadenzi u r-rekwiżiti proposti għad iridu jiġu ċċarati aktar fil-livell tekniku.
Waqt l-ikla ta' nofsinhar, il-ministri qasmu l-fehmiet tagħhom dwar l-Ekoloġizzazzjoni tas-Semestru Ewropew. Il-Presidenza ser tinkorpora l-messaġġi ewlenin tad-dibattitu fir-rapport ta' sinteżi konġunt għall-Kunsill Ewropew ta' Marzu. Ir-rapport ser jiġbor fil-qosor id-dibattiti kollha relatati mas-Semestru Ewropew li saru fil-formazzjonijiet settorjali tal-Kunsill.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
It-tniġġis jikkawża mard serju u jagħmel ħsara lill-ambjent. L-għan tal-UE għall-2050 huwa li tnaqqas it-tniġġis għal livelli li ma jibqgħux ta' ħsara għas-saħħa tal-bniedem. Il-qbil li ntlaħaq fil-Kunsill illum dwar l-emissjonijiet industrijali jistabbilixxi regoli aktar b'saħħithom biex jiġi indirizzat it-tniġġis mis-sors. Dan ser jistabbilixxi limiti ta' tniġġis f'livelli aktar effettivi u ser jagħti gwida ċara lill-industrija u lill-azjendi agrikoli tal-bhejjem kbar biex jagħmlu l-investimenti t-tajba sabiex it-tniġġis tagħhom jitnaqqas b'mod effettiv.