"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Kunsill Impjiegi, Politika Soċjali, Saħħa u Affarijiet tal-Konsumatur
Kunsill Impjiegi, Politika Soċjali, Saħħa u Affarijiet tal-Konsumatur (Saħħa), 30 ta' Novembru 2023
Riżultati ewlenin
Awtonomija strateġika miftuħa (saħħa)
Il-ministri kellhom skambju pubbliku ta' fehmiet dwar it-titjib tal-awtonomija strateġika miftuħa tal-UE fil-qasam tas-saħħa.
Ħafna ministri esprimew appoġġ għal diskussjoni dwar l-awtonomija strateġika miftuħa tal-UE fil-qasam tas-saħħa u għal aktar kooperazzjoni tal-UE biex tiġi żgurata s-sigurtà tal-provvista.
Huma laqgħu l-komunikazzjoni reċenti tal-Kummissjoni bl-isem Nindirizzaw in-nuqqasijiet ta' mediċini fl-UE, u speċjalment li jkun hemm lista tal-Unjoni ta' mediċini kritiċi u Alleanza tal-Mediċini Kritiċi.
Il-ministri rriflettew fuq l-impatt li l-miżuri li jittieħdu fl-immedjat u għat-tul, imħabbra f'inizjattivi reċenti, għandhom fuq n-nuqqas tal-mediċini. Il-ministri għas-saħħa qasmu l-esperjenzi tagħhom f'dan il-qasam fil-livell nazzjonali u l-fehmiet tagħhom dwar miżuri possibbli li jippromwovu l-awtonomija strateġika tas-saħħa fuq livell tal-UE.
Barra dan, id-direttur eżekuttiv tal-Aġenzija Ewropea tal-Mediċini, Emer Cooke, ipprovdiet lill-ministri għas-saħħa bil-perspettiva tal-Aġenzija u b'informazzjoni dwar l-attivitajiet rilevanti tagħha.
Il-ministri adottaw konklużjonijiet dwar is-saħħa mentali: huma kkunsidraw miżuri konkreti li għandhom jittieħdu għall-prevenzjoni u l-kura ta' problemi tas-saħħa mentali fuq diversi livelli, setturi u etajiet. It-titjib tas-saħħa mentali huwa essenzjali għall-individwu, is-soċjetà u l-ekonomija; il-konklużjonijiet jiffukaw fuq il-prijoritizzazzjoni tas-saħħa mentali fil-livell nazzjonali, permezz ta' pjanijiet ta' azzjoni jew strateġiji u kooperazzjoni fost l-istati membri u mal-Kummissjoni.
Fil-konklużjonijiet tiegħu, il-Kunsill jenfasizza l-importanza li jiġu indirizzati s-saħħa u l-benesseri mentali f'kuntesti differenti matul il-ħajja, li huwa ta' benefiċċju kemm għall-individwi kif ukoll għas-soċjetajiet. Jirrikonoxxi ir-rwol pożittiv tal-komunitajiet, l-iskola, l-isport u l-kultura fit-tisħiħ tas-saħħa mentali u l-benesseri mentali tul il-ħajja.
Bħalma tafu, qed ngħixu fi żmien ta' polikriżi b'effetti severi fuq is-saħħa mentali tal-Ewropej. Il-pandemija tal-COVID-19, il-konsegwenzi tal-aggressjoni tar-Russja kontra l-Ukrajna u l-kriżi klimatika huma biss ftit mix-xokkijiet li wasslu biex il-livelli diġà baxxi ta' saħħa mentali jmorru għall-agħar. It-titjib tas-saħħa mentali huwa essenzjali għas-soċjetà u l-ekonomija. Ninsab kuntenta ħafna li, fil-konklużjonijiet li approvajna llum, ilħaqna kunsens dwar kwistjonijiet kruċjali bħall-ħtieġa li jittieħed approċċ trasversali għas-saħħa mentali li jkopri l-politiki kollha u jirrikonoxxi l-kawżi soċjali, ambjentali u ekonomiċi tas-saħħa mentali.
Mónica García Gómez, Ministru għas-Saħħa ta' Spanja
Il-konklużjonijiet jistiednu lill-istati membri jelaboraw pjanijiet ta' azzjoni jew strateġiji b'approċċ transettorjali għas-saħħa mentali, li ma jindirizzax biss is-saħħa, iżda wkoll ix-xogħol, l-edukazzjoni, id-diġitalizzazzjoni u l-intelliġenza artifiċjali, l-ambjent u l-fatturi klimatiċi, fost affarijiet oħra.
Fajls leġiżlattivi li għaddejjin bħalissa marbuta mas-saħħa
Il-Presidenza Spanjola aġġornat lill-ministri dwar il-fajls leġiżlattivi li għaddejjin bħalissa u s-sitwazzjoni attwali tagħhom, bħar-regolament dwar it-tariffi tal-EMA (li għandu jiġi adottat formalment dalwaqt), ir-regolament dwar is-sustanzi ta' oriġini umana, ir-regolament dwar l-Ispazju Ewropew tad-Data dwar is-Saħħa u l-pakkett farmaċewtiku.
Il-presidenza u l-Kummissjoni taw informazzjoni dwar in-negozjati li għaddejjin fir-rigward tal-ftehim internazzjonali dwar il-pandemiji.
Matul il-presidenza Spanjola, l-istati membri ltaqgħu diversi drabi fil-livell ta' esperti u kellhom diskussjonijiet strateġiċi dwar l-għanijiet u l-prijoritajiet tal-UE u dwar ir-rwol tal-UE fin-negozjati.
Il-Kummissjoni infurmat lill-ministri dwar l-aħħar test fin-negozjati li ġie ċċirkolat fis-16 ta' Ottubru 2023 mill-korp stabbilit mill-Assemblea Dinjija tas-Saħħa biex jabbozza u jinnegozja l-ftehim internazzjonali dwar il-pandemija. Waqt li t-test huwa aħjar mit-testi ta' qabel, l-UE għadha mħassba dwar xi dispożizzjonijiet, bħal pereżempju dawk dwar il-prevenzjoni u l-istat ta' tħejjija wara il-pandemija tal-COVID-19 u abbażi tat-tagħlimiet meħuda.
L-Unjoni Ewropea żżomm l-impenn tagħha għal dawn in-negozjati u lesta tkompli tiddiskuti b'mod kostruttiv.
Din ir-riżorsa bħalissa hi disponibbli biss bil-lingwa jew il-lingwi li ġejjin:
Il-Presidenza Spanjola pprovdiet ħarsa ġenerali lejn il-konferenzi u l-avvenimenti organizzati matul il-mandat tagħha. F'sessjoni mhux pubblika, il-presidenza Belġjana li jmiss infurmat lill-ministri dwar il-programm ta' ħidma tagħha fil-qasam tas-saħħa.
Din ir-riżorsa bħalissa hi disponibbli biss bil-lingwa jew il-lingwi li ġejjin:
Fl-aħħar nett, waqt l-ikla ta' nofsinhar, il-ministri għas-saħħa ddiskutew approċċ komprensiv biex tiġi indirizzata l-obeżità tat-tfal madwar l-Ewropa.
Il-Kunsill adotta wkoll mingħajr diskussjoni l-punti li jidhru fil-lista ta' punti A mhux leġiżlattivi.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Bħalma tafu, qed ngħixu fi żmien ta' polikriżi b'effetti severi fuq is-saħħa mentali tal-Ewropej. Il-pandemija tal-COVID-19, il-konsegwenzi tal-aggressjoni tar-Russja kontra l-Ukrajna u l-kriżi klimatika huma biss ftit mix-xokkijiet li wasslu biex il-livelli diġà baxxi ta' saħħa mentali jmorru għall-agħar. It-titjib tas-saħħa mentali huwa essenzjali għas-soċjetà u l-ekonomija. Ninsab kuntenta ħafna li, fil-konklużjonijiet li approvajna llum, ilħaqna kunsens dwar kwistjonijiet kruċjali bħall-ħtieġa li jittieħed approċċ trasversali għas-saħħa mentali li jkopri l-politiki kollha u jirrikonoxxi l-kawżi soċjali, ambjentali u ekonomiċi tas-saħħa mentali.