"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Il-Kunsill Affarijiet Ġenerali kellu skambju ta' fehmiet dwar l-abbozz ta' konklużjonijiet tal-laqgħa tal-Kunsill Ewropew li għandha ssir fil-21 u t-22 ta' Ottubru.
Il-mexxejja tal-UE ser jiltaqgħu fi Brussell biex jiddiskutu l-COVID-19, it-trasformazzjoni diġitali, il-prezzijiet tal-enerġija, il-migrazzjoni, il-kummerċ u r-relazzjonijiet esterni.
Il-Kunsill Ewropew ser jevalwa s-sitwazzjoni epidemjoloġika wara l-progress sinifikanti li sar mill-kampanji ta' tilqim kontra l-COVID-19 madwar l-Ewropa. Il-mexxejja mistennija jiddiskutu wkoll il-moviment liberu u l-ivvjaġġar kif ukoll il-prevenzjoni, it-tħejjija u r-rispons għal emerġenzi tas-saħħa futuri. Il-Kunsill Ewropew ser jindirizza wkoll is-solidarjetà internazzjonali u l-ħtieġa li jiġi żgurat l-aċċess għat-tilqim għal kulħadd.
Fir-rigward tat-trasformazzjoni diġitali tal-Ewropa, il-mexxejja mistennija jirrevedu l-aġenda diġitali u fajls leġiżlattivi ewlenin u jappellaw għal progress fuqhom, kif ukoll ifakkru fl-importanza tal-konnettività diġitali u s-sħubijiet globali.
Il-mexxejja tal-UE ser jiddiskutu ż-żieda reċenti fil-prezzijiet tal-enerġija. Il-mexxejja ser jivvalutaw liema miżuri jistgħu jittieħdu kemm fil-livell nazzjonali kif ukoll Ewropew biex jindirizzaw l-impatti ta' din iż-żieda fil-prezz.
Fir-rigward tal-migrazzjoni, il-Kunsill Ewropew ser jivvaluta l-implimentazzjoni tal-konklużjonijiet tiegħu ta' Ġunju 2021.
Il-mexxejja tal-UE ser ikollhom ukoll diskussjoni strateġika dwar il-kummerċ.
Fir-rigward tar-relazzjonijiet esterni, il-Kunsill Ewropew mistenni jevalwa t-tħejjijiet għal:
is-summit tal-ASEM li ser isir virtwalment fil-25 u s-26 ta' Novembru 2021
is-summit tas-Sħubija tal-Lvant tal-15 ta' Diċembru 2021
il-laqgħa tal-COP26 dwar it-tibdil fil-klima bejn il-31 ta' Ottubru u t-12 ta' Novembru 2021 fi Glasgow
il-laqgħa tal-COP15 dwar id-diversità bijoloġika f'Kunming
Skont dak li jkun qed jiġri, il-Kunsill Ewropew jista' jindirizza kwistjonijiet speċifiċi oħra ta' politika barranija.
Fil-qafas tad-djalogu annwali dwar l-istat tad-dritt, il-ministri kellhom diskussjoni orizzontali ffokata fuq l-iżviluppi fl-UE, strutturata madwar erba' pilastri: is-sistemi tal-ġustizzja; il-qafas kontra l-korruzzjoni; il-pluraliżmu tal-media; kwistjonijiet istituzzjonali oħra marbuta mal-ekwilibriju ta' setgħat.
Id-diskussjoni fil-Kunsill użat ir-rapport tal-Kummissjoni dwar l-istat tad-dritt, li nħareġ fl-20 ta' Lulju 2021.
L-istat tad-dritt huwa l-pedament tal-proġett Ewropew tagħna u jiggarantixxi d-drittijiet u l-libertajiet l-aktar bażiċi ta' kuljum. Din hija r-raġuni għaliex dan ir-rendikont annwali huwa daqshekk importanti. Id-djalogu jirrispetta bis-sħiħ il-prinċipji tal-oġġettività, in-nondiskriminazzjoni u t-trattament ugwali tal-istati membri kollha, li huwa promoss ukoll mis-Slovenja bħala l-pajjiż li għandu l-Presidenza.
Gašper Dovžan, Segretarju tal-Istat fil-Ministeru għall-Affarijiet Barranin tas-Slovenja
Fil-laqgħa tal-Kunsill Affarijiet Ġenerali f'Novembru ser jiġu koperti aspetti speċifiċi għall-pajjiżi fir-rigward ta' ħames stati membri (il-Kroazja, l-Italja, Ċipru, il-Latvja, il-Litwanja).
Il-Presidenza provdiet informazzjoni dwar is-sitwazzjoni attwali tal-Konferenza dwar il-Futur tal-Ewropa, wara li saru l-ewwel panels taċ-ċittadini Ewropej.
L-erba' panels diġà kellhom kollha s-sessjonijiet inawgurali tagħhom. Ir-raba' panel, li jiffoka fuq ir-rwol tal-UE fid-dinja u fuq il-migrazzjoni, iltaqa' għall-ewwel darba bejn il-15 u s-17 ta' Ottubru. L-ewwel sessjonijiet tal-panels servew biex jidentifikaw il-linji u s-sottotemi li l-parteċipanti ser jiddiskutu aktar fil-fond fis-sessjonijiet li ġejjin.
Il-Presidenza pprovdiet ukoll aġġornamenti dwar it-tħejjijiet għall-plenarja li jmiss tal-Konferenza, li ser issir fi Strasburgu fit-23 ta' Ottubru.
Ninsab kuntent li l-ewwel laqgħat tal-panels taċ-ċittadini Ewropej taw bidu għall-ħidma sostantiva tal-Konferenza dwar il-Futur tal-Ewropa. Il-Konferenza għandha tiffoka fuq il-kontenut fl-interess taċ-ċittadini Ewropej. Dawn tal-aħħar jaqdu rwol ċentrali fid-dibattitu wiesa' dwar kif għandha tkun l-Unjoni fil-futur sabiex jintlaħqu l-aspettattivi tagħhom.
Gašper Dovžan, Segretarju tal-Istat fil-Ministeru għall-Affarijiet Barranin tas-Slovenja
Il-Presidenza provdiet informazzjoni dwar l-eżitu tal-konferenza internazzjonali "Illusive Reconciliation: Transitional Processes in Central and Eastern Europe in a Comparative Perspective" (Rikonċiljazzjoni Illużorja: Proċessi Tranżitorji fl-Ewropa Ċentrali u tal-Lvant f'Perspettiva Komparattiva).
Il-Kunsill adotta konklużjonijiet li jistiednu lill-UE u lill-istati membri biex jiżviluppaw aktar il-qafas tal-UE għall-ġestjoni tal-kriżijiet taċ-ċibersigurtà, inkluż billi jiġi esplorat il-potenzjal ta' ċiberunità konġunta.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
L-istat tad-dritt huwa l-pedament tal-proġett Ewropew tagħna u jiggarantixxi d-drittijiet u l-libertajiet l-aktar bażiċi ta' kuljum. Din hija r-raġuni għaliex dan ir-rendikont annwali huwa daqshekk importanti. Id-djalogu jirrispetta bis-sħiħ il-prinċipji tal-oġġettività, in-nondiskriminazzjoni u t-trattament ugwali tal-istati membri kollha, li huwa promoss ukoll mis-Slovenja bħala l-pajjiż li għandu l-Presidenza.