Kunsill Trasport, Telekomunikazzjoni u Enerġija

Kunsill Trasport, Telekomunikazzjoni u Enerġija (Trasport), 06/06/2019, 6 ta' Ġunju 2019

Riżultati ewlenin

Il-Kunsill qabel dwar il-pożizzjoni tiegħu ("approċċ ġenerali") dwar proposta biex is-settur tat-trasport isir aktar effiċjenti billi jiġi stabbilit qafas legali uniformi għall-użu u t-trasmissjoni ta' informazzjoni elettronika dwar it-trasport tal-merkanzija.

Użu aktar faċli ta' informazzjoni diġitali għat-trasport tal-merkanzija - il-Kunsill jaqbel dwar il-pożizzjoni tiegħu (stqarrija għall-istampa, 6/6/2019)

Nilqa' l-pożizzjoni tal-Kunsill milħuqa llum dwar l-informazzjoni diġitali dwar it-trasport tal-merkanzija, li ser iżżid l-effiċjenza tal-modi kollha tat-trasport. Ħadna wkoll kont tal-progress sinifikanti miksub f’diversi proposti oħra fi żmien limitat ħafna. L-għadd kbir ta' ftehimiet importanti milħuqa mal-Parlament juri li konna effettivi biex tajna riżultati f'dak li huwa l-aktar importanti. Răzvan Cuc, Ministru għat-Trasport tar-Rumanija, president tal-laqgħa tal-Kunsill

Filmat tal-punti ewlenin tal-Kunsill Trasport, Telekomunikazzjoni u Enerġija (kwistjonijiet ta' Trasport), li sar fis-6 ta' Ġunju 2019, fil-Lussemburgu.

Il-Kunsill ħa nota tal-progress dwar proposta biex jiġu ssimplifikati l-miżuri għall-għoti tal-permessi sabiex tiġi ffaċilitata t-tlestija tan-netwerk trans-Ewropew tat-trasport (TEN-T).

Il-Kunsill ivvaluta l-progress dwar proposta biex jiġi stabbilit qafas regolatorju ċar għas-suq tal-vetturi mikrija u biex jitnaqqsu r-restrizzjonijiet fuq l-użu ta' vetturi mikrija għat-trasport internazzjonali.

Il-Ministri qiesu l-progress dwar proposta biex jiġu riveduti r-regoli tal-UE dwar it-tariffi għall-użu tat-toroq (Eurovignette), li ser jindirizzaw kwistjonijiet relatati mal-finanzjament tal-infrastruttura tat-toroq, il-konġestjoni u l-emissjonijiet tal-gassijiet b'effett ta' serra.

Il-Kunsill ivvaluta l-progress dwar abbozz ta' regolament li jirrevedi d-drittijiet tal-passiġġieri tal-ferroviji.

Fost ħafna temi oħra, il-punt "Affarijiet oħra" inkluda informazzjoni mill-presidenza dwar l-għadd kbir ta' dossiers maqbula mal-Parlament Ewropew taħt il-presidenza Rumena dwar suġġetti bħall-ġestjoni tas-sikurezza fl-infrastruttura tat-toroq, l-ambjent għal Punt Uniku ta' Kuntatt Marittimu Ewropew, it-taħriġ tal-baħħara, il-vetturi nodfa u effiċjenti fl-użu tal-enerġija, il-kabini ajrudinamiċi u l-Faċilità Nikkollegaw l-Ewropa. Il-Presidenza Rumena infurmat ukoll lill-ministri dwar l-istatus tal-proposta dwar il-bidliet staġonali fil-ħin. Il-Presidenza Finlandiża li jmiss ippreżentat il-programm ta' ħidma tagħha.

Fil-marġini tal-laqgħa tal-Kunsill, laqgħa Ministerjali tas-Sħubija tal-Lvant dwar it-trasport iddiskutiet il-kooperazzjoni dwar is-sikurezza fit-toroq u l-infrastruttura. Il-laqgħa approvat ukoll dikjarazzjoni konġunta dwar il-kooperazzjoni tat-trasport reġjonali fil-qafas tas-Sħubija tal-Lvant fil-kuntest tal-10 anniversarju tas-Sħubija tal-Lvant.

Dikjarazzjoni Konġunta Sħubija tal-Lvant - immexxu 'l quddiem l-aġenda dwar il-kooperazzjoni fil-qasam tat-trasport

L-UE qed tintroduċi trakkijiet ajrudinamiċi u miżuri oħra biex toqrob lejn Pjaneta Nadifa għal kulħadd.

Dokumenti tal-laqgħat

Dokumenti ta' tħejjija

Dokumenti ta' eżitu

Riżultati tal-votazzjonijiet tal-laqgħa

Stqarrijiet għall-istampa

Tagħrif għall-istampa

Kuntatti għall-istampa

Jekk m'intix ġurnalist(a), jekk jogħġbok ibgħat it-talba tiegħek lis-servizz għall-informazzjoni tal-pubbliku.

Akkreditazzjoni u avvenimenti għall-istampa

Għal informazzjoni ġenerali dwar l-akkreditazzjoni, jekk jogħġbok żur din il-paġna.

L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.