Kunsill Trasport, Telekomunikazzjoni u Enerġija (Enerġija), 25/06/2019, 25 ta' Ġunju 2019

Riżultati ewlenin

Konklużjonijiet tal-Kunsill dwar il-futur tas-sistemi tal-enerġija fl-Unjoni tal-Enerġija

Il-Kunsill adotta sett ta' konklużjonijiet dwar il-futur tas-sistemi tal-enerġija fl-Unjoni tal-Enerġija. Huma jidentifikaw prijoritajiet u prinċipji għat-tfassil tal-politika futur li għandhom l-għan li jiżguraw it-transizzjoni tal-enerġija għal sistema tal-enerġija bi prezz raġonevoli, sikura, kompetittiva, sigura u sostenibbli.

Il-konklużjonijiet li qbilna dwarhom illum jipprovdu viżjoni għall-politika tal-enerġija fl-UE sal-2030 u lil hinn. B'mod partikolari, enfasizzajna l-importanza li niffukaw l-isforzi tagħna u nżidu l-investiment fl-oqsma tal-infrastruttura, it-teknoloġiji innovattivi u l-akkoppjament u l-integrazzjoni tas-settur. Fl-istess ħin, irridu niżguraw li ċ-ċittadini u n-negozji jinsabu fil-qalba tal-proċess ta' transizzjoni tal-enerġija billi jiġu żgurati l-aċċettazzjoni soċjali u l-kompetittività internazzjonali. Issa f'idejn il-Kummissjoni biex tmexxi dan 'il quddiem meta tagħmel proposti ġodda fil-qasam tal-enerġija. Anton Anton, Ministru għall-Enerġija tar-Rumanija u President tal-Kunsill

• Il-Kunsill jiddeskrivi l-prinċipji u l-prijoritajiet għall-futur tas-sistemi tal-enerġija fl-Unjoni tal-Enerġija (stqarrija għall-istampa, 25/06/2019)

Relazzjonijiet esterni fl-enerġija

Il-Kunsill ġie infurmat dwar l-iżviluppi reċenti fil-qasam tar-relazzjonijiet esterni fl-enerġija. Wara dan, il-ministri għall-enerġija kellhom skambju ta' fehmiet dwar is-suġġett, li ġie ggwidat minn nota ta' informazzjoni pprovduta mill-Presidenza.

Id-diskussjoni kienet produttiva u kostruttiva. Irridu nibqgħu nimpenjaw ruħna mas-sħab ewlenin tagħna sabiex nippromwovu tranżizzjoni għal enerġija nadifa. Indirizzajna wkoll il-modernizzazzjoni li għaddejja bħalissa tat-Trattat dwar il-Komunità tal-Enerġija u tat-Trattat tal-Karta tal-Enerġija. Anton Anton, Ministru għall-Enerġija tar-Rumanija u President tal-Kunsill

• Nota mill-Presidenza dwar ir-relazzjonijiet esterni fl-enerġija

Punti oħra fuq l-aġenda

Taħt ''affarijiet oħra'', il-Kummissjoni ppreżentat il-komunikazzjoni reċenti tagħha dwar l-abbozzi ta' pjanijiet nazzjonali integrati għall-enerġija u l-klima (NECPs). L-NECPs huma parti mill-qafas ġdid ta' governanza tal-Unjoni tal-Enerġija u għandhom l-għan li jiżguraw li l-UE tikseb l-objettivi tagħha għall-enerġija u l-klima. L-istati membri kollha ppreżentaw l-ewwel abbozzi ta' NCEPs. Issa għandhom sa tmiem din is-sena biex jiffinalizzaw il-pjanijiet tagħhom.

• Komunikazzjoni tal-Kummissjoni dwar l-abbozzi ta' NCEPs
• Pjanijiet nazzjonali dwar l-enerġija u l-klima (Kummissjoni Ewropea)

Il-Presidenza Finlandiża li jmiss ippreżentat il-programm ta' ħidma tagħha. Id-delegazzjoni Finlandiża ħabbret il-ħsieb tagħha li tenfasizza l-aġenda dwar il-klima matul il-Presidenza tagħha.

• Programm ta' ħidma tal-Presidenza li jmiss - informazzjoni mid-delegazzjoni Finlandiża

  Din ir-riżorsa bħalissa hi disponibbli biss bil-lingwa jew il-lingwi li ġejjin:

  EN