Kronoloġija - Sirja

Is-sessjoni inawgurali tal-Assemblea tal-Poplu fis-Sirja timmarka pass pożittiv ieħor fit-tranżizzjoni politika tal-pajjiż.

L-UE u l-istati membri tagħha jinsabu lesti biex jiddjalogaw mal-Assemblea tal-Poplu u l-membri tagħha, kemm biex jappoġġaw it-tisħiħ tal-kapaċitajiet u l-governanza tajba kif ukoll biex jaħdmu flimkien lejn l-ilħuq ta' għanijiet komuni, fost oħrajn l-iżgurar tar-rispett għad-dritt internazzjonali u l-Karta tan-NU.

• Sirja: Dikjarazzjoni mir-Rappreżentant Għoli f'isem l-Unjoni Ewropea dwar is-sessjoni inawgurali tal-Assemblea tal-Poplu (stqarrija għall-istampa, 16 ta' Lulju 2026)

The Council has renewed until 1 June 2027 the EU sanctions targeting individuals and entities linked to the former al-Assad regime in Syria.

Despite the fall of the former regime and the establishment of transitional authorities, the situation in Syria remains fragile and the risk of destabilisation persists. The EU considers that networks linked to the former al-Assad regime continue to retain influence and pose a risk of undermining the transition process and hampering efforts towards national reconciliation and accountability.

• Syria: Council renews restrictive measures targeting the former al-Assad regime for one year and de-lists certain entities (press release, 18 May 2026)

Il-Kunsill adotta deċiżjoni li ttemm is-sospensjoni parzjali tal-ftehim ta' kooperazzjoni bejn l-UE u s-Sirja. Id-dħul mill-ġdidtal-applikazzjoni sħiħa tal-ftehim huwa pass importanti lejn it-tisħiħ tar-relazzjonijiet bilaterali bejn l-UE u s-Sirja.

Is-sospensjoni parzjali ġiet introdotta fl-2011 b'rispons għal ksur serju tad-drittijiet tal-bniedem mir-reġim ta' Bashar al-Assad.

• Is-Sirja: il-Kunsill ikompli bl-applikazzjoni sħiħa tal-Ftehim ta' Kooperazzjoni UE-Sirja (stqarrija għall-istampa, 11 ta' Mejju 2026)

Sena wara l-waqgħa tar-reġim ta' Assad, il-Kunsill Ewropew tenna l-appoġġ tiegħu għal tranżizzjoni paċifika u inklużiva fis-Sirja u ssottolinja l-importanza tal-protezzjoni tad-drittijiet tas-Sirjani minn kull sfond etniku u reliġjuż, mingħajr diskriminazzjoni.

Huwa esprima tħassib dwar l-indħil minn barranin fil-proċess tranżitorju tas-Sirja u ħeġġeġ lill-atturi kollha, kemm domestiċi kif ukoll esterni, biex jirrispettaw bis-sħiħ l-unità, l-indipendenza, is-sovranità u l-integrità territorjali tas-Sirja, f'konformità mad-dritt internazzjonali.

• Il-konklużjonijiet tal-Kunsill Ewropew, 18 ta' Diċembru 2025

Il-Kunsill Ewropew tenna l-appoġġ tiegħu għal tranżizzjoni paċifika u inklużiva fis-Sirja, ħielsa minn interferenza barranija dannuża, u l-importanza li jiġu protetti d-drittijiet tas-Sirjani kollha u tal-ġustizzja tranżizzjonali u r-rikonċiljazzjoni.

L-Unjoni Ewropea ser tkompli tappoġġa l-perkors tas-Sirja lejn l-istabbilizzazzjoni u r-rikostruzzjoni.

• Il-konklużjonijiet tal-Kunsill Ewropew, 23 ta' Ottubru 2025

L-Unjoni Ewropea tikkundanna bil-qawwa l-vjolenza li rriżultat f'mijiet ta' vittmi fin-nofsinhar tas-Sirja, u speċjalment l-attakki allegatament imwettqa minn diversi gruppi armati kontra persuni ċivili.

L-UE tappella għal investigazzjoni trasparenti, kredibbli u imparzjali, u biex l-awturi kollha ta' ksur serju tad-dritt umanitarju internazzjonali u tad-dritt internazzjonali dwar id-drittijiet tal-bniedem jinżammu responsabbli u jitressqu quddiem il-ġustizzja.

• Is-Sirja: Dikjarazzjoni mir-Rappreżentant Għoli f'isem l-Unjoni Ewropea dwar is-sitwazzjoni (stqarrija għall-istampa, 24 ta' Lulju 2025)

Il-Kunsill Ewropew laqa' t-tneħħija reċenti tas-sanzjonijiet ekonomiċi kontra s-Sirja, bħala parti mill-approċċ gradwali u riversibbli tal-Unjoni Ewropea. Huwa fakkar fl-importanza ta' tranżizzjoni paċifika u inklużiva fis-Sirja, ħielsa minn interferenza barranija dannuża, tal-protezzjoni tad-drittijiet tas-Sirjani minn kull sfond etniku u reliġjuż mingħajr diskriminazzjoni, u tal-ġustizzja tranżizzjonali u r-rikonċiljazzjoni.

Il-Kunsill Ewropew ikkundanna l-attakk terroristiku reċenti fil-Knisja Mar Elias f'Damasku u appella biex dawk responsabbli jwieġbu għal għemilhom. L-indipendenza, is-sovranità u l-integrità territorjali tas-Sirja fi ħdan fruntieri siguri għandhom jiġu rrispettati bis-sħiħ, f'konformità mad-dritt internazzjonali.

• Il-konklużjonijiet tal-Kunsill Ewropew, 26 ta' Ġunju 2025

Il-Kunsill approva konklużjonijiet li jaffermaw mill-ġdid l-impenn tal-UE li tieqaf mal-poplu Sirjan u li tappoġġa tranżizzjoni paċifika u inklużiva, immexxija mis-Sirjani u bi sjieda Sirjana biex tgħin fil-bini ta' ġejjieni aħjar għas-Sirjani kollha.

Il-Kunsill jilqa' l-impenn mill-gvern tranżizzjonali li jibni Sirja ġdida bbażata fuq ir-rikonċiljazzjoni nazzjonali, l-irfigħ tar-responsabbiltà, l-istat tad-dritt u s-separazzjoni tas-setgħat, u fuq id-drittijiet tal-bniedem u l-libertajiet fundamentali għas-Sirjani kollha mingħajr distinzjoni.

• Is-Sirja: il-Kunsill japprova konklużjonijiet (stqarrija għall-istampa, 23 ta' Ġunju 2025)

Il-Kunsill impona sanzjonijiet fuq ħames individwi responsabbli għal ksur u abbużi serji tad-drittijiet tal-bniedem fis-Sirja, inkluż l-appoġġ għall-użu ta' armi kimiċi taħt ir-reġim ta' al-Assad, u għall-involviment tagħhom fil-vjolenza reċenti fir-reġjuni kostali.

• Reġim Globali ta' Sanzjonijiet b'rabta mad-Drittijiet tal-Bniedem: l-UE timponi miżuri restrittivi fuq ħames individwi Sirjani assoċjati mal-eks reġim ta' Assad talli appoġġaw delitti kontra l-umanità u qanqlu l-vjolenza settarja (stqarrija għall-istampa, 23 ta' Ġunju 2025)

The Council has decided to lift all economic sanctions on Syria, with the exception of those based on security grounds. The decision is intended to help the Syrian people reunite and rebuild a new, inclusive, pluralistic and peaceful Syria.

Sanctions related to the Assad regime will be maintained. In addition, the EU has sanctioned two individuals and three entities over recent human rights abuses.

• Syria: EU adopts legal acts to lift economic sanctions on Syria, enacting recent political agreement (press release, 28 May 2025)

The EU announced the political decision to lift its economic sanctions on Syria. Now is the time for the Syrian people to have the chance to reunite and rebuild a new, inclusive, pluralistic and peaceful Syria free from harmful foreign interference.

The EU will maintain sanctions related to the Assad regime in line with its call for accountability as well as sanctions based on security grounds, including arms and technology that might be used for internal repression. It will also introduce additional targeted restrictive measures against human rights violators and those fuelling instability in Syria.

• Syria: Council statement on the lifting of EU economic sanctions (press release, 20 May 2025)

Il-mexxejja tal-UE kkundannaw bil-qawwa l-vjolenza mifruxa reċenti kontra ċ-ċivili fir-reġjun kostali tas-Sirja u ħeġġew lill-awtoritajiet tranżizzjonali biex jiżguraw il-protezzjoni tal-popolazzjoni ċivili kollha u li l-awturi tal-vjolenza jinżammu responsabbli f'konformità man-normi u l-istandards internazzjonali.

Il-Kunsill Ewropew issottolinja l-importanza ta' tranżizzjoni paċifika u inklużiva fis-Sirja, ħielsa minn interferenza barranija dannuża, u tal-protezzjoni tad-drittijiet tas-Sirjani minn kull sfond etniku u reliġjuż mingħajr diskriminazzjoni. L-indipendenza, is-sovranità u l-integrità territorjali tas-Sirja fi fruntieri siguri għandhom jiġu rispettati bis-sħiħ, f'konformità mad-dritt internazzjonali.

• Konklużjonijiet tal-Kunsill Ewropew, 20 ta' Marzu 2025

Fil-konferenza tal-2025 - "Nappoġġaw is-Sirja: nissodisfaw il-ħtiġijiet għal tranżizzjoni li tirnexxi", l-UE u s-sħab tagħha impenjaw somma totali ta' €5.8 biljun (li minnhom €2.5 biljun mill-UE) għall-2025 u l-2026.

Il-fondi ser jintużaw biex jappoġġaw it-tranżizzjoni tas-Sirja u l-irkupru u r-rikostruzzjoni soċjoekonomiċi tal-pajjiż, kif ukoll biex jindirizzaw il-ħtiġijiet umanitarji urġenti kemm fis-Sirja kif ukoll fil-komunitajiet ospitanti fil-Ġordan, fil-Libanu, fl-Iraq u fit-Turkija.

• Nappoġġaw lis-Sirja - id-disa' konferenza ta' Brussell, 17 ta' Marzu 2025

L-Unjoni Ewropea tinsab allarmata serjament bil-vjolenza mifruxa fir-reġjun kostali tas-Sirja f'dawn l-aħħar jiem, li rriżultat f'għadd kbir ta' vittmi, fosthom ħafna persuni ċivili.

L-UE tikkundanna bil-qawwa l-attakki mill-milizzji favur Assad kontra l-forzi tas-sigurtà, kif ukoll id-delitti tal-waħx li qed jitwettqu kontra persuni ċivili, inkluż qtil sommarju, li ħafna minnhom allegatament twettqu minn gruppi armati li jappoġġaw lill-forzi tas-sigurtà tal-awtoritajiet ta' tranżizzjoni.

• Is-Sirja: Dikjarazzjoni mir-Rappreżentant Għoli f'isem l-Unjoni Ewropea dwar il-mewġa reċenti ta' vjolenza (stqarrija għall-istampa, 11 ta' Marzu 2025)

Il-Kunsill iddeċieda li jissospendi għadd ta' miżuri restrittivi fid-dawl tas-sitwazzjoni fis-Sirja. Din id-deċiżjoni hija parti mill-isforzi tal-UE biex tappoġġa tranżizzjoni politika inklużiva fis-Sirja, u l-irkupru ekonomiku rapidu, ir-rikostruzzjoni u l-istabbilizzazzjoni tagħha.

L-UE għandha l-għan li tiffaċilita:

• l-impenn mas-Sirja, il-poplu u n-negozji tagħha f'oqsma ewlenin tal-enerġija u t-trasport
• tranżazzjonijiet finanzjarji u bankarji assoċjati mas-setturi tal-enerġija u t-trasport u dawk meħtieġa għal finijiet umanitarji u ta' rikostruzzjoni

• Is-Sirja: l-UE tissospendi l-miżuri restrittivi fuq setturi ekonomiċi ewlenin (stqarrija għall-istampa, 24 ta' Frar 2025)

Wara l-waqgħa tar-reġim kriminali ta' Assad fis-Sirja, il-mexxejja tal-UE enfasizzaw:

• l-opportunità storika biex il-pajjiż jerġa' jingħaqad u jinbena mill-ġdid
• l-importanza ta' proċess politiku inklużiv u mmexxi mis-Sirjani li jissodisfa l-aspirazzjonijiet leġittimi tal-poplu Sirjan
• il-ħtieġa li jiġi żgurat ir-rispett għad-drittijiet tal-bniedem u li jiġi ssalvagwardjat il-wirt kulturali tas-Sirja
• l-importanza tal-ġlieda kontrat-terroriżmu

Il-mexxejja tal-UE appellaw lill-partijiet kollha biexjippreservaw l-unità nazzjonali u jiżguraw il-protezzjoni tal-popolazzjoni ċivili kollha, il-forniment ta' servizzi pubbliċi, kif ukoll il-ħolqien ta' kundizzjonijiet għal tranżizzjoni politika inklużiva u paċifika, u għal ritorni sikuri, volontarji u dinjitużi tar-refuġjati Sirjani, kif definiti mill-UNHCR.

• Konklużjonijiet tal-Kunsill Ewropew, 19 ta' Diċembru 2024

Il-waqgħa tar-reġim kriminali ta' Assad timmarka mument storiku għall-poplu Sirjan, li għadda minn tbatija immensa u wera reżiljenza straordinarja waqt li tħabat għad-dinjità, il-libertà u l-ġustizzja.

L-UE tħeġġeġ lill-atturi kollha biex jevitaw kwalunkwe vjolenza ulterjuri, jiżguraw il-protezzjoni tal-popolazzjoni ċivili, jirrispettaw id-dritt internazzjonali u jinvolvu ruħhom fi tranżizzjoni paċifika u inklużiva.

• Is-Sirja: Dikjarazzjoni mir-Rappreżentant Għoli f'isem l-Unjoni Ewropea dwar il-waqgħa tar-reġim ta' Assad (stqarrija għall-istampa, 9 ta' Diċembru 2024)

L-UE ssanzjonat tliet ministri, responsabbli għar-repressjoni vjolenti kontinwa tar-reġim Sirjan kontra l-popolazzjoni ċivili u abbużi tad-drittijiet tal-bniedem:il-Ministru għall-Kummerċ Intern u l-Protezzjoni tal-Konsumatur, Louai Emad El-Din al-Munajjid, il-Ministru għaż-Żejt u r-Riżorsi Minerali, Firas Hassan Qaddour, u l-Ministru tal-Istat, Ahmed Mohammad Bustaji.

• Is-Sirja: Il-Kunsill iżid tliet individwi mal-lista ta' sanzjonijiet għal repressjoni kontinwa u ksur tad-drittijiet tal-bniedem (stqarrija għall-istampa, 25 ta' Novembru 2024)

Il-Kunsill estenda l-miżuri restrittivi tal-UE kontra r-reġim Sirjan u s-sostenituri tiegħu sal-1 ta' Ġunju 2025, fid-dawl tal-gravità tas-sitwazzjoni li qed tiddeterjora fis-Sirja. 

Il-Kunsill iddeċieda wkoll li jestendi l-applikazzjoni tal-eżenzjoni umanitarja introdotta fi Frar 2023 fid-dawl tal-gravità tal-kriżi umanitarja fis-Sirja, aggravata mit-terremot li laqat lit-Turkija u s-Sirja.

• Is-Sirja: il-Kunsill iġedded il-miżuri restrittivi u jestendi l-eżenzjoni umanitarja għal sena oħra (stqarrija għall-istampa, 28 ta' Mejju 2024)

Il-komunità tad-donaturi wiegħdet ammont totali ta' €7.5 biljun. Din iċ-ċifra globali tinkludi €2.12 biljun imwiegħda mill-UE għall-2024 u l-2025. L-ammont totali mwiegħed mill-UE u mill-istati membri tagħha jammonta għal kważi €6 biljun, li jafferma mill-ġdid il-pożizzjoni tagħhom bħala l-akbar donatur għar-rispons Sirjan.

Din l-għajnuna ser tappoġġa kemm lis-Sirjani fis-Sirja u lil dawk fil-pajjiżi ġirien, kif ukoll lill-komunitajiet li qed jospitawhom fit-Turkija, il-Libanu, il-Ġordan u l-Iraq.

• Appoġġ għall-futur tas-Sirja u r-reġjun - it-tmien Konferenza ta' Brussell, 27 ta' Mejju 2024

Il-ministri approvaw miżuri restrittivi addizzjonali kontra 6 persuni u 5 entitajiet, fid-dawl tal-gravità tas-sitwazzjoni li għaddejja fis-Sirja.

L-elenkar il-ġdid jinkludi:

• konsulent ekonomiku tal-mexxej Sirjan Bashar al-Assad
• tliet negozjanti ewlenin li jipprovdu appoġġ lir-reġim Sirjan u jibbenefikaw minnu
• żewġ persuni konnessi mal-familja Assad
• Al-Dj Group, Cham Wings, Freebird Travel Agency, Iloma Investment Private JSC u Al-Aqila company

Dawk elenkati taħt ir-reġim tas-sanzjonijiet huma soġġetti għal iffriżar tal-assi. Il-forniment ta' fondi jew ta' riżorsi ekonomiċi, direttament jew indirettament, lilhom jew għall-benefiċċju tagħhom huwa pprojbit ukoll. Barra minn hekk, għall-persuni fiżiċi elenkati tapplika projbizzjoni fuql-ivvjaġġar lejn l-UE.

Is-Sirja għadha prijorità għolja għall-UE. Il-Kunsill jibqa' mħasseb ħafna dwar is-sitwazzjoni fis-Sirja.

• Sirja: il-Kunsill iżid sitt persuni u ħames entitajiet mal-lista tas-sanzjonijiet tal-UE (stqarrija għall-istampa, 22 ta' Jannar 2024)

Fit-23 ta' Frar 2023, il-Kunsill introduċa eżenzjoni umanitarja addizzjonali fir-reġim ta' sanzjonijiet fid-dawl tas-sitwazzjoni fis-Sirja biex jiffaċilita t-twassil rapidu tal-assistenza umanitarja wara t-terremot devastanti li laqat lit-Turkija u lis-Sirja.

Biex ikompli jirrispondi fil-ħin għall-urġenza tal-kriżi umanitarja fis-Sirja, u biex ikompli jiffaċilita t-twassil rapidu tal-għajnuna, il-Kunsill iddeċieda li jestendi d-durata ta' din l-eżenzjoni umanitarja għal sitt xhur oħra, sal-24 ta' Frar 2024.

• Is-Sirja: l-UE testendi l-eżenzjoni umanitarja għal sitt xhur oħra (stqarrija għall-istampa, 14 ta' Lulju 2023)

Il-Konferenza hija l-avveniment ewlieni ta' wegħdiet ta' donazzjonijiet għas-Sirja u r-reġjun fl-2023. Din irnexxielha timmobilizza l-għajnuna għas-Sirjani fil-pajjiż u fil-pajjiżi ġirien, permezz ta' wegħdiet ta' donazzjonijiet internazzjonali li jammontaw għal €5.6 biljun għall-2023 u lil hinn, inkluż €4.6 biljun għall-2023 u €1 biljun għall-2024 u lil hinn.

Il-parti ministerjali ta' livell għoli tal-konferenza tal-15 ta' Ġunju ġabret flimkien ir-rappreżentanti ta' 57 pajjiż inkluż l-istati membri tal-UE, kif ukoll aktar minn 30 organizzazzjoni internazzjonali, fosthom in-Nazzjonijiet Uniti, flimkien mal-istituzzjonijiet tal-UE.

• Appoġġ għall-futur tas-Sirja u tar-reġjun - Is-seba' Konferenza ta' Brussell

Fid-dawl tal-kriżi umanitarja fis-Sirja li kompliet tiggrava minn wara t-terremot, il-Kunsill illum iddeċieda li jadotta emenda umanitarja addizzjonali biex ikompli jiffaċilita t-twassil rapidu ta' assistenza umanitarja. L-emenda tapplika għal perjodu ta' sitt xhur.

B'din l-emenda, l-UE rrinunzjat il-ħtieġa li l-organizzazzjonijiet umanitarji jitolbu permess minn qabel mill-awtoritajiet nazzjonali kompetenti tal-istati membri tal-UE biex jagħmlu trasferimenti jew jipprovdu oġġetti u servizzi maħsuba għal finijiet umanitarji lil persuni u entitajiet elenkati.

• Terremot fit-Turkija u s-Sirja: l-UE temenda l-miżuri restrittivi fis-seħħ fir-rigward tas-Sirja biex tiffaċilita t-twassil rapidu ta' għajnuna umanitarja (stqarrija għall-istampa, 23 ta' Frar 2024)

Il-Kunsill estenda l-miżuri restrittivi tal-UE kontra r-reġim Sirjan għal sena addizzjonali, sal-1 ta' Ġunju 2023, fid-dawl tar-repressjoni kontinwa tiegħu tal-popolazzjoni ċivili fil-pajjiż.

Il-Kunsill neħħa wkoll tliet persuni mil-lista. Il-lista issa tinkludi 289 persuna milquta kemm minn iffriżar tal-assi kif ukoll minn projbizzjoni fuq l-ivvjaġġar, u 70 entità soġġetti għal iffriżar tal-assi.

• Is-Sirja: il-Kunsill jestendi s-sanzjonijiet kontra r-reġim b'sena oħra (stqarrija għall-istampa, 31 ta' Mejju 2022)

Il-konferenza, li hija l-avveniment ewlieni ta' wegħdiet ta' donazzjonijiet għas-Sirja u r-reġjun fl-2022, irnexxielha timmobilizza l-għajnuna għas-Sirjani fil-pajjiż u fil-pajjiżi ġirien, permezz ta' wegħdiet li jammontaw għal €6.4 biljun għall-2022 u lil hinn. 

Il-parti ministerjali ta' livell għoli tal-konferenza tal-10 ta' Mejju ġabret flimkien l-istituzzjonijiet tal-UE u r-rappreżentanti ta' 55 pajjiż li jinkludu stati membri tal-UE, kif ukoll 22 organizazzjoni internazzjonali, inkluż in-Nazzjonijiet Uniti.

• Appoġġ għall-futur tas-Sirja u tar-reġjun - Is-Sitt Konferenza ta' Brussell, 10 ta' Mejju 2022

Il-Kunsill iddeċieda li jżid ħames membri tal-familja Makhlouf mal-lista ta' persuni u entitajiet soġġetti għal miżuri restrittivi tal-UE mmirati fid-dawl tas-sitwazzjoni fis-Sirja.

B'din id-deċiżjoni, il-lista ta' persuni u entitajiet soġġetti għal sanzjonijiet fid-dawl tas-sitwazzjoni fis-Sirja issa tinkludi 292 persuna, fil-mira kemm ta' ffriżar tal-assi kif ukoll ta' projbizzjoni fuq l-ivvjaġġar, u 70 entità soġġetti għal iffriżar tal-assi. Barra minn hekk, persuni u entitajiet tal-UE huma pprojbiti milli jqiegħdu fondi għad-dispożizzjoni kemm tal-individwi kif ukoll tal-entitajiet elenkati.

• Sirja: l-UE timponi miżuri restrittivi fuq ħames individwi addizzjonali (stqarrija għall-istampa, 21 ta' Frar 2022)

Il-Kunsill iddeċieda li jżid erba' ministri maħturin reċentement mal-lista ta' persuni u entitajiet soġġetti għal miżuri restrittivi tal-UE mmirati fid-dawl tas-sitwazzjoni fis-Sirja.

Id-deċiżjoni ttella' għal 287 l-għadd ta' persuni milquta minn projbizzjoni fuq l-ivvjaġġar u ffriżar tal-assi. Il-lista tinkludi wkoll 70 entità, li huma soġġetti għal iffriżar tal-assi.

• Sirja: erba' ministri ġodda miżjuda mal-lista tas-sanzjonijiet tal-UE (stqarrija għall-istampa, 15 ta' Novembru 2021)

Il-Kunsill estenda l-miżuri restrittivi tal-UE kontra r-reġim Sirjan b'sena addizzjonali, sal-1 ta' Ġunju 2022, fid-dawl tar-repressjoni kontinwa tal-popolazzjoni ċivili fil-pajjiż.

Il-Kunsill neħħa wkoll mil-lista ħames persuni mejta. Il-lista issa tinkludi 283 persuna milquta kemm minn iffriżar tal-assi kif ukoll minn projbizzjoni fuq l-ivvjaġġar, u 70 entità soġġetti għall-iffriżar tal-assi.

• Sirja: il-Kunsill jestendi s-sanzjonijiet kontra r-reġim b'sena oħra (stqarrija għall-istampa, 27 ta' Mejju 2021)

L-Unjoni Ewropea u n-Nazzjonijiet Uniti ppresedew flimkien il-ħames Konferenza ta' Brussell dwar l-"Appoġġ għall-futur tas-Sirja u r-reġjun", li saret fid-29 u t-30 ta' Marzu 2021 f'format virtwali.

Aktar minn 80 pajjiż, organizzazzjonijiet internazzjonali, l-UE u aġenziji tan-NU ngħaqdu flimkien biex jieħdu sehem fil-konferenza internazzjonali u fis-segment ministerjali tagħha ta' livell għoli nhar it-Tlieta 30 ta' Marzu.

• Appoġġ għall-futur tas-Sirja u r-reġjun (Konferenza ta' Brussell, 29-30 ta' Marzu 2021)

"Il-15 ta' Marzu 2021 jikkomemora għaxar snin minn meta bdew il-protesti paċifiċi fis-Sirja kollha. Ir-repressjoni brutali tar-reġim tal-poplu Sirjan u n-nuqqas tiegħu li jindirizza l-kawżi ewlenin tar-rewwixta rriżultaw f'kunflitt armat eskalat u internazzjonalizzat.

Il-kunflitt fis-Sirja għad baqagħlu biex jintemm. L-Unjoni Ewropea tibqa' determinata, filwaqt li tkompli titlob it-tmiem tar-repressjoni, il-ħelsien tad-detenuti, u li r-reġim Sirjan u l-alleati tiegħu jimpenjaw ruħhom b'mod sinifikanti fl-implimentazzjoni sħiħa tar-riżoluzzjoni 2254 tal-Kunsill tas-Sigurtà tan-NU."

• Sirja: Dikjarazzjoni mir-Rappreżentant Għoli f'isem l-Unjoni Ewropea dwar l-għaxar snin tal-kunflitt (stqarrija għall-istampa, 14 ta' Mejju 2021)

The Council decided to add Faisal Mekdad to the list of persons subject to EU restrictive measures on Syria, in light of his recent appointment as Minister of Foreign Affairs.

This decision brings to 289 the total number of persons targeted by a travel ban and an asset freeze. 70 entities are also subject to an asset freeze.

• Syrian foreign affairs minister added to EU sanctions list (press release, 15 January 2021)

Il-Kunsill iddeċieda li jżid tmien membri tar-reġim Sirjan mal-lista ta' persuni soġġetti għal miżuri restrittivi tal-UE kontra s-Sirja, fid-dawl tal-ħatriet ministerjali reċenti tagħhom.

Din id-deċiżjoni ttella' għal 288 l-għadd totali ta' persuni fil-mira ta' projbizzjoni fuq l-ivvjaġġar u ffriżar tal-assi. 70entità huma wkoll soġġetti għal iffriżar tal-assi.

• Tmien ministri Sirjani miżjuda mal-lista tas-sanzjonijiet tal-UE (stqarrija għall-istampa, 6 ta' Novembru 2020)

L-Unjoni Ewropea u n-Nazzjonijiet Uniti ppresedew flimkien ir-raba' Konferenza ta' Brussell dwar l-"Appoġġ għall-futur tas-Sirja u r-reġjun", li saret mit-22 sat-30 ta' Ġunju 2020. Minħabba l-miżuri ta' tbegħid soċjali meħtieġa, il-Konferenza saret f'format virtwali.

Nhar it-Tlieta 30 ta' Ġunju, 80 pajjiż, organizzazzjonijiet internazzjonali, l-UE u aġenziji tan-NU ngħaqdu flimkien biex jipparteċipaw fil-konferenza internazzjonali u fis-segment ministerjali ta' livell għoli tagħha.

Il-konferenza rnexxielha timmobilizza għajnuna lis-Sirjani ġewwa l-pajjiż u fil-pajjiżi ġirien, inkluż għall-komunitajiet ospitanti, permezz ta' wegħdiet b'total ta' US$ 5.5 biljun (€ 4.9 biljun) għall-2020, u wegħdiet pluriennali li jqarrbu US$ 2.2 biljun (€ 2 biljun) għall-2021 u lil hinn.

• Appoġġ għall-futur tas-Sirja u r-reġjun (Konferenza ta' Brussell IV, 30 ta' Ġunju 2020)

Il-Kunsill illum estenda l-miżuri restrittivi tal-UE kontra r-reġim Sirjan b'sena addizzjonali, sal-1 ta' Ġunju 2021. F'konformità mal-istrateġija tal-UE dwar is-Sirja, l-UE ddeċidiet li żżomm il-miżuri restrittivi tagħha kontra r-reġim Sirjan u s-sostenituri tiegħu, minħabba li r-ripressjoni tal-popolazzjoni ċivili għadha għaddejja.

• Sirja: is-sanzjonijiet kontra r-reġim estiżi b'sena (stqarrija għall-istampa, 28 ta' Mejju 2020)

Il-Kunsill żied tmiennegozjanti prominenti u żewġ entitajiet marbuta ma' dawk in-negozjanti mal-lista ta' persuni u entitajiet soġġetti għas-sanzjonijiet kontra r-reġim Sirjan u s-sostenituri tiegħu. L-attivitajiet tagħhom ibbenefikaw direttament mir-reġim ta' Assad, inkluż permezz ta' proġetti li jinsabu f'artijiet esproprjati minn persuni spostati minħabba l-kunflitt.

• Sirja: l-UE żżid tmien negozjanti u żewġ entitajiet mal-lista tas-sanzjonijiet (stqarrija għall-istampa, 17 ta' Frar 2020)

Il-Kunsill reġa' appella lit-Turkija biex twaqqaf l-azzjoni militari unilaterali tagħha fil-Grigal tas-Sirja u biex tirtira l-forzi tagħha.

• Il-Grigal tas-Sirja: il-Kunsill jadotta konklużjonijiet (stqarrija għall-istampa, 14/10/2019)

Il-Kunsill estenda l-miżuri restrittivi tal-UE kontra r-reġim Sirjan sal-1 ta' Ġunju 2020. F’konformità mal-istrateġija tal-UE għas-Sirja, l-UE ddeċidiet li żżomm il-miżuri restrittivi tagħha kontra r-reġim Sirjan u s-sostenituri tiegħu minħabba li r-ripressjoni tal-popolazzjoni ċivili qed tkompli.

Il-Kunsill neħħa mil-lista ta’ sanzjonijiet:

• 5 persuni deċeduti
• entità li ma baqgħetx teżisti
• entità li għaliha ma kienx hemm aktar raġunijiet biex tinżamm taħt miżuri restrittivi

Il-lista ta' sanzjonijiet issa tinkludi 270 persuna u 70 entità fil-mira ta' projbizzjoni fuq vjaġġar u ffriżar tal-assi.

• Sirja: l-UE ġġedded b'sena s-sanzjonijiet kontra r-reġim (stqarrija għall-istampa, 17/05/2019)

Il-Kunsill żied seba' ministri tal-gvern tas-Sirja mal-lista tas-sanzjonijiet wara bidliet governattivi reċenti fis-Sirja.

• Is-Sirja: l-UE żżid 7 ministri mal-lista tas-sanzjonijiet (stqarrija għall-istampa, 04/03/2019)

Il-Kunsill żied 11-il negozjant prominenti u 5 entitajiet mal-lista tas-sanzjonijiet. Dawn in-negozjanti u kumpaniji huma involuti fl-iżvilupp ta' proprjetajiet lussużi u proġetti oħra appoġġati mir-reġim, u b'hekk jappoġġaw ir-reġim Sirjan u/jew jibbenefikaw minnu.

Il-lista tas-sanzjonijiet issa tinkludi 270 persuna u 72 entità fil-mira ta' projbizzjoni fuq l-ivjaġġar u ffriżar tal-assi.

• Is-Sirja: l-UE żżid ħdax-il negozjant u ħames entitajiet fuq il-lista tas-sanzjonijiet (stqarrija għall-istampa, 21/01/2019)

Il-Kunsill estenda l-miżuri restrittivi tal-UE kontra r-reġim Sirjan sal-1 ta' Ġunju 2019. Minħabba r-repressjoni kontinwa fuq il-popolazzjoni ċivili, l-UE ddeċidiet li żżomm il-miżuri restrittivi tagħha kontra r-reġim Sirjan u dawk li jappoġġawh, f'konformità mal-istrateġija tal-UE dwar is-Sirja.

• Is-Sirja: L-UE testendi b'sena s-sanzjonijiet kontra r-reġim (stqarrija għall-istampa, 28/05/2018)

Il-mexxejja tal-G7 adottaw dikjarazzjoni li tikkundanna l-użu ta' armi kimiċi waqt l-attakk tas-7 ta' April 2018 f'Ghouta tal-Lvant.

"Aħna nappoġġaw bis-sħiħ l-isforzi kollha li saru mill-Istati Uniti, ir-Renju Unit u Franza biex inaqqsu l-kapaċità tar-reġim ta' Assad li juża armi kimiċi u biex jiskoraġġixxu kull użu futur, li ntwera bl-azzjoni meħuda minnhom fit-13 ta' April. Din ir-reazzjoni kienet limitata, proporzjonata u neċessarja - u ttieħdet biss wara li ġiet eżawrita kull għażla diplomatika possibbli biex tkun imħarsa n-norma internazzjonali kontra l-użu ta' armi kimiċi."

• Dikjarazzjoni tal-Mexxejja tal-G7 dwar is-Sirja, 17 ta' April 2018

"Ir-reġim Sirjan iġorr l-akbar responsabbiltà għas-sitwazzjoni umanitarja katastrofika u t-tbatija tal-poplu Sirjan. Nikkundannaw bil-qawwa l-użu kontinwu u ripetut tal-armi kimiċi mir-reġim fis-Sirja.

L-UE tikkundanna bl-aktar mod qawwi l-attakki kollha, kemm intenzjonati kif ukoll dawk indiskriminati, kontra l-popolazzjonijiet ċivili, l-infrastruttura ċivili, l-isptarijiet u l-iskejjel. Iċ-ċaħda u t-tfixkil kontinwu u intenzjonat tal-aċċess umanitarju lil dawk fil-bżonn huwa bi ksur sfaċċat tal-prinċipji umanitarji internazzjonali u jrid jieqaf".

• Sirja: il-Kunsill jadotta konklużjonijiet (stqarrija għall-istampa, 16 ta' April 2018)

L-UE adottat dikjarazzjoni li ttenni l-kundanna l-iktar qawwija tagħha tal-użu ripetut ta' armi kimiċi mir-reġim Sirjan, inkluż l-attakk kimiku devastanti fuq Douma. L-UE tappoġġa l-isforzi kollha mmirati lejn il-prevenzjoni tal-użu tal-armi kimiċi. Hija tal-fehma li huwa profondament xokkanti li l-komunità internazzjonali għadha qed tħabbat wiċċha mal-użu tal-armi kimiċi.

• Dikjarazzjoni tal-UE dwar l-attakki tal-ajru mmirati fis-Sirja, 14 ta' April 2018

Il-Kunsill żied 4 persuni (uffiċjal għoli militari u 3 xjenzjati) mal-lista tas-sanzjonijiet għall-involviment tagħhom fil-proliferazzjoni u l-kunsinna ta' armi kimiċi.

• L-użu ta' armi kimiċi fis-Sirja: l-UE żżid 4 persuni mal-lista tas-sanzjonijiet (stqarrija għall-istampa, 19/03/2018)

L-UE adottat dikjarazzjoni dwar is-Sirja li tappella għall-implimentazzjoni immedjata u sħiħa tar-Riżoluzzjoni 2401 tal-Kunsill tas-Sigurtà tan-NU li titlob waqfien mill-ġlied mingħajr dewmien. Id-dikjarazzjoni tisħaq fuq il-ħtieġa li tinstab soluzzjoni politika sostenibbli biex jintemm il-konflitt fis-Sirja. Barra minn hekk, l-UE tikkundanna l-użu ta' armi kimiċi mir-reġim Sirjan u d-Da'esh. L-UE ttenni wkoll l-appoġġ tagħha għar-reżiljenza tal-poplu Sirjan.

• Sirja: Dikjarazzjoni mir-Rappreżentant Għoli Federica Mogherini f'isem l-UE (stqarrija għall-istampa, 15/03/2018)

Il-Kunsill żied lill-Ministru għall-Industrija u lill-Ministru għall-Informazzjoni tal-gvern tas-Sirja mal-lista tas-sanzjonijiet. Dawn iż-żidiet saru biex jittieħed kont ta' bidliet ministerjali reċenti, hekk kif iż-żewġ ministri ngħataw il-ħatra f'Jannar 2018.

• Is-Sirja: l-UE żżid żewġ ministri fil-lista tas-sanzjonijiet (stqarrija għall-istampa, 26/02/2018)

Il-Kunsill żied 16-il persuna mal-lista tas-sanzjonijiet għall-involviment tagħhom fil-proliferazzjoni u l-kunsinna ta' armi kimiċi. Dawn il-persuni jinkludu 8 uffiċjali għolja militari u 8 xjenzjati.

• L-użu ta' armi kimiċi fis-Sirja: L-UE timponi sanzjonijiet kontra 16-il persuna oħra (stqarrija għall-istampa, 17/07/2017)

Il-Kunsill estenda l-miżuri restrittivi tal-UE kontra r-reġim Sirjan sal-1 ta' Ġunju 2018. Fl-istess waqt, il-Kunsill żied 3 ministri tal-gvern Sirjan mal-lista tal-persuni taħt miżuri restrittivi, u aġġorna l-informazzjoni relatata ma' ċerti persuni u entitajiet fuq il-lista.

• Is-Sirja: l-UE testendi b'sena s-sanzjonijiet kontra r-reġim, stqarrija għall-istampa (29/05/2017)

L-UE u donaturi internazzjonali wiegħdu €5.6 biljun f'għajnuna għall-2017 biex jindirizzaw il-ħtiġijiet enormi tal-poplu Sirjan.

Id-donaturi wiegħdu wkoll €3.47 biljun f'għajnuna mill-2018 sal-2020. Il-wegħdiet saru waqt konferenza internazzjonali li saret fi Brussell.

• Appoġġ għall-futur tas-Sirja u r-reġjun - Sit web tal-konferenza

Il-Kunsill adotta l-istrateġija tal-UE dwar is-Sirja. Din l-istrateġija tagħmel parti mill-istrateġija reġjonali tal-UE għas-Sirja u l-Iraq kif ukoll għat-theddida mid-Da'esh.

L-objettivi strateġiċi tal-UE fis-Sirja jiffokaw fuq sitt oqsma ewlenin:

• it-tmiem tal-gwerra permezz ta' transizzjoni politika ġenwina
• il-promozzjoni ta' transizzjoni sinifikanti u inklużiva fis-Sirja
• li jiġu salvati l-ħajjiet bl-indirizzar tal-ħtiġijiet umanitarji tas-Sirjani l-aktar vulnerabbli
• il-promozzjoni tad-demokrazija, id-drittijiet tal-bniedem u l-libertà tal-espressjoni
• il-promozzjoni tar-responsabbiltà għal delitti tal-gwerra
• l-appoġġ għar-reżiljenza tal-popolazzjoni Sirjana u tas-soċjetà Sirjana

• Il-Kunsill jadotta l-istrateġija tal-UE dwar is-Sirja (stqarrija għall-istampa, 03/04/2017)

Il-Kunsill żied erba' uffiċjali għolja militari mal-lista tal-persuni milquta minn miżuri restrittivi. Dawn żdiedu minħabba r-rwol tagħhom fl-użu tal-armi kimiċi kontra l-popolazzjoni ċivili.

• L-użu ta' armi kimiċi fis-Sirja: l-UE timponi sanzjonijiet kontra 4 uffiċjali għolja militari (stqarrija għall-istampa, 20/03/2017)

Il-mexxejja tal-UE kkundannaw bil-qawwa l-attakki mir-reġim Sirjan u l-alleati tiegħu, b'mod partikolari r-Russja, fuq il-popolazzjoni ċivili f'Aleppo.

Huma appellaw għal:

• aċċess umanitarju urġenti u mingħajr xkiel għal Aleppo u partijiet oħra tal-pajjiż
• waqfien mill-ġlied immedjat u ssoktar ta' proċess politiku taħt il-patroċinju tan-NU

Il-Kunsill adotta konklużjonijiet dwar is-Sirja b'reazzjoni għal deterjorament serju tas-sitwazzjoni fil-post, b'mod partikolari fil-belt ta' Aleppo.

Huwa kkundanna bil-qawwa l-immirar sproporzjonat u intenzjonat tal-popolazzjoni ċivili u tal-persunal umanitarju u tal-kura tas-saħħa mir-reġim u l-alleati tiegħu, b'mod partikolari r-Russja. Huwa tenna t-twemmin sod tiegħu li ma jistax ikun hemm soluzzjoni militari għall-konflitt, iżda jenħtieġ li tinstab soluzzjoni politika.

L-UE appellat b'urġenza għal:

• tmiem tat-titjiriet militari kollha fuq il-belt ta' Aleppo mir-reġim u l-alleati tiegħu
• waqfien immedjat tal-ostilitajiet taħt il-monitoraġġ ta' mekkaniżmu b'saħħtu u trasparenti
• waqfien tal-assedji
• aċċess umanitarju sħiħ, mingħajr xkiel, sostenibbli u fil-pajjiż kollu, mogħti mill-partijiet kollha

• Konklużjonijiet tal-Kunsill dwar is-Sirja, 17 ta' Ottubru 2016

L-UE u l-istati membri tagħha wiegħdu aktar minn €3 biljun biex jgħinu lill-poplu Sirjan. Il-wegħdiet saru waqt il-konferenza dwar l-"Appoġġ għas-Sirja u r-reġjun", li saret f'Londra. B'kollox, il-konferenza ġabret 'il fuq minn $12-il biljun f'wegħdiet.

• Konferenza f'Londra dwar l-appoġġ għas-Sirja, 4 ta' Frar 2016

Il-konklużjonijiet tal-Kunsill dwar is-Sirja fakkru li l-istabbiltà fis-Sirja tista' terġa' tinkiseb biss permezz ta' proċess politiku lejn transizzjoni paċifika u inklużiva li jkun immexxi mis-Sirjani.

Għal dan il-għan, il-Kunsill tenna l-appoġġ sħiħ tiegħu għall-isforzi mmexxija min-NU u għall-ħidma tal-mibgħut speċjali tan-NU biex jiżviluppa din il-linja politika.

• Konklużjonijiet tal-Kunsill dwar is-Sirja, 12 ta' Ottubru 2015