An Chomhairle Talmhaíochta agus Iascaigh, 12-13 Nollaig 2021

Na príomhthorthaí

Iascach

Deiseanna iascaireachta san Atlantach, sa Mhuir Thuaidh, sa Mheánmhuir agus sa Mhuir Dhubh le haghaidh 2022

Le linn an chruinnithe dhá lá, ghlac na Ballstáit páirt i gcomhairliúcháin thríthaobhacha chun deiseanna iascaireachta a chinneadh don chuid is mó de stoic thráchtála in uiscí an Aontais agus in uiscí lasmuigh den Aontas, sa Mheánmhuir agus sa Mhuir Dhubh. Deiseanna iascaireachta san Atlantach, sa Mhuir Thuaidh, sa Mheánmhuir agus sa Mhuir Dhubh le haghaidh 2022.

Tagann an Chomhairle Talmhaíochta agus Iascaigh le chéile i mí na Nollag gach aon bhliain chun teorainneacha gabhála na bliana dár gcionn a leagan síos – ar a dtugtar gabhálacha iomlána incheadaithe (TACanna) freisin – i gcás fhormhór na stoc éisc tráchtála, mar aon le cuótaí náisiúnta do gach speiceas d’fhonn inbhuanaitheacht na stoc éisc agus earnáil iascaireachta an Aontais a áirithiú, mar aon le gnéithe comhshaoil, eacnamaíocha agus sóisialta an iascaigh. Is iad na stoic atá i gceist na stoic sin a bhainistíonn an tAontas as féin, i gcomhpháirt le tíortha comharsanacha nach bhfuil san Aontas, nó trí chomhaontuithe ar thángthas orthu faoi na heagraíochtaí réigiúnacha bainistithe iascaigh.

Tá an cinneadh ón gComhairle bunaithe ar thogra arna dhréachtú ag an gCoimisiún Eorpach, agus an chomhairle eolaíoch is fearr dá bhfuil ar fáil, aidhmeanna an Chomhbheartais Iascaigh agus an uastáirgeacht inbhuanaithe a leagadh síos do gach speiceas á gcur san áireamh.

• Togra le haghaidh Rialachán ón gComhairle lena socraítear le haghaidh 2022 na deiseanna iascaireachta le haghaidh stoic éisc áirithe agus grúpaí stoc éisc, is infheidhme in uiscí an Aontais agus, i gcás soithí iascaireachta de chuid an Aontais, in uiscí áirithe nach uiscí de chuid an Aontais iad

Talmhaíocht

Plean teagmhasach maidir le slándáil bia i gcás géarchéime

Ghlac an Chomhairle conclúidí maidir le plean teagmhasach an Choimisiúin Eorpaigh chun soláthar bia agus an tslándáil bia a áirithiú tráth géarchéime. Is é is aidhm don phlean sin ullmhú do dhúshláin a d’fhéadfadh a bheith ann amach anseo, lena n-áirítear eachtraí adhaimsire, saincheisteanna a bhaineann le sláinte plandaí agus sláinte ainmhithe, agus ganntanais na bpríomh-ionchur amhail leasacháin, fuinneamh agus gnóthaí saothair. Ba dhíol sásaimh do na hairí an tionscnamh agus d’aithin siad a thábhachtaí atá sé cur leis na ceachtanna a foghlaimíodh ó phaindéim COVID-19. Chuir siad chun suntais, go háirithe, an tábhacht a bhaineann le soghluaisteacht trasteorann daoine, earraí agus caipitil a choinneáil i réim, lena n-áirítear i dtráth géarchéime.

• Conclúidí maidir le plean nua chun soláthar bia na hEorpa a chosaint formheasta ag an gComhairle (preaseisiúint, an 13 Nollaig 2021)
• Conclúidí ón gComhairle maidir leis an bplean teagmhasach chun soláthar bia agus slándáil bia a áirithiú tráth géarchéime
• Teachtaireacht ón gCoimisiún dar teideal: Plean teagmhasach chun soláthar bia agus slándáil bia a áirithiú tráth géarchéime

  Níl an acmhainn seo ar fáil faoi láthair ach amháin sa teanga (sna teangacha) seo a leanas:

  EN BG ES CS DA DE ET EL FR HR IT LV LT HU MT NL PL PT RO SK SL FI SV

Cleachtais éagóracha trádála sa bhiashlabhra

Bhí díospóireacht pholaitiúil ann maidir le saincheist na gcleachtas éagórach trádála i mbiashlabhra an Aontais. Díríodh sa phlé go háirithe ar dhá phríomhuirlis ar leibhéal an Aontais chun dul i ngleic le cleachtais éagóracha trádála sa talmhaíocht: Treoir (AE) 2019/633 agus bearta a bunaíodh mar chuid den chomhbheartas talmhaíochta. Bunaithe ar a dtaithí ar an leibhéal náisiúnta, roinn na hairí a léargas i ndáil le héifeachtacht na n-uirlisí sin maidir le seasamh na bhfeirmeoirí sa bhiashlabhra a neartú.

Ábhair eile ar an gclár oibre

Fuair an Chomhairle faisnéis ón uachtaránacht maidir le staid na caibidlíochta ó thaobh an Rialacháin maidir le Rialú ar Iascach.agus an tionscnamh BIOEAST; bhí an tionscnamh sin faoi réir dearbhú arinne toscaireacht na hUngáire thar ceann an 11 Bhallstát atá páirteach in BIOEAST. Chuir an Coimisiún na hairí ar an eolas faoin rialachán atá beartaithe maidir le táirgí nach mbíonn dífhoraoisiú mar thoradh orthu agus dóigheanna le feabhas a chur ar éifeachtacht na hinfheistíochta poiblí faoin gCiste Eorpach Muirí, Iascaigh agus Dobharshaothraithe. Ar na pointí eile a d’ardaigh na Ballstáit bhí bristeacha i gcnámha cíle na mbéaróg (an Danmhairg), an inbhuanaitheacht sa bhiashlabhra (an tSlóvaic), onnmhairithe agraibhia chuig an tSín (an Liotuáin), praghsanna ionchur talmhaíochta, atá ag dul i méid (an Spáinn), pleananna straitéiseacha CBT, agus saincheisteanna a bhaineann le hearnáil na muiceola (an tSeicia a luaigh an dá rud sin).

• Togra le haghaidh Rialachán ó Pharlaimint na hEorpa agus ón gComhairle maidir le Rialú ar Iascach
• Togra le haghaidh Rialachán ó Pharlaimint na hEorpa agus ón gComhairle maidir le tráchtearraí agus táirgí áirithe a bhaineann le dífhoraoisiú agus le díghrádú foraoisí a chur ar fáil ar mhargadh an Aontais agus a onnmhairiú ón Aontas agus lena n-aisghairtear Rialachán (AE) Uimh. 995/2010
• Conclúidí de chuid chomhdháil fadbhreathnaitheachta BIOEAST, comhdháil fhíorúil ardleibhéil (an 27 Meán Fómhair 2021) – faisnéis ón Uachtaránacht

  Níl an acmhainn seo ar fáil faoi láthair ach amháin sa teanga (sna teangacha) seo a leanas:

  EN
• Dearbhú comhpháirteach na Nollag ó Airí Talmhaíochta an Ghrúpa Visegrad (Poblacht na Seice, an Pholainn, an Ungáir agus an tSlóvaic), an Bhulgáir, an Chróit, an Eastóin, an Laitvia, an Liotuáin, an Rómáin agus an tSlóivéin le comóradh cúig bliana an thionscnaimh BIOEAST

  Níl an acmhainn seo ar fáil faoi láthair ach amháin sa teanga (sna teangacha) seo a leanas:

  EN
• Cur chuige coiteann chun líon na mbristeacha i gcnámha na mbéaróg a laghdú – faisnéis ó thoscaireacht na Danmhairge

  Níl an acmhainn seo ar fáil faoi láthair ach amháin sa teanga (sna teangacha) seo a leanas:

  EN
• An biashlabhra a chlaochlú d’fhonn an inbhuanaitheacht a bhaint amach – ceachtanna a foghlaimíodh ó Chód Iompair an Aontais – faisnéis ó thoscaireacht na Slóvaice

  Níl an acmhainn seo ar fáil faoi láthair ach amháin sa teanga (sna teangacha) seo a leanas:

  EN
• Costais leasachán agus amhábhar atá ag dul i méid agus an tionchar atá acu ar an earnáil talmhaíochta – faisnéis ó thoscaireacht na Spáinne

  Níl an acmhainn seo ar fáil faoi láthair ach amháin sa teanga (sna teangacha) seo a leanas:

  EN
• Ullmhú phleananna straitéiseacha CBT agus cur chur chun feidhme athchóiriú nua CBT – faisnéis ó thoscaireacht na Seice

  Níl an acmhainn seo ar fáil faoi láthair ach amháin sa teanga (sna teangacha) seo a leanas:

  EN
• Géarchéim in earnáil na muc san Aontas – faisnéis ó thoscaireacht na Seice

  Níl an acmhainn seo ar fáil faoi láthair ach amháin sa teanga (sna teangacha) seo a leanas:

  EN

Míreanna ʻAʼ

Ghlac an Chomhairle freisin, gan phlé, na míreanna a bhaineann le liostaí na míreanna A reachtacha agus neamhreachtacha.

Staidreamh feirme

Ghlac na hairí leasú ar Rialachán (AE) 2018/1091 a mhéid a bhaineann le ranníocaíocht an Aontais don staidreamh comhtháite feirme faoi chreat airgeadais 2021-2027. Is é is aidhm don rialachán sin a chinntiú go gcuirtear tacaíocht bhreise airgeadais ar fáil do na Ballstáit chun sonraí a bhailiú maidir le struchtúr na ngabháltas talmhaíochta, trí na clúdaigh ábhartha airgeadais a shocrú don tréimhse 2021-2027.

Gníomhartha tarmligthe faoin gcomhbheartas talmhaíochta, 2021-2027

Dhearbhaigh an Chomhairle go raibh sé ar intinn aici gan agóid a dhéanamh i gcoinne dhá ghníomh tarmligthe lena bhforlíontar forálacha an Chomhbheartais Talmhaíochta (CBT) athchóirithe. Leagtar amach sa chéad ghníomh ceanglais bhreise le haghaidh cineálacha áirithe idirghabhála arna sonrú ag na Ballstáit ina bpleananna straitéiseacha CBT agus ina rialacha CBT maidir leis an gcóimheas ó thaobh dhea-bhail talmhaíochta agus comhshaoil (GAEC) 1. Leis an dara gníomh, bunaítear rialacha maidir le gníomhaireachtaí íocaíochta agus comhlachtaí eile, bainistiú airgeadais, imréiteach cuntas, urrúis agus úsáid an euro.