"Bainimid úsáid as fianáin lena chinntiú go bhfeabhsaítear d’eispéireas brabhsála. Tá gá le fianáin riachtanacha chun tacú le gnéithe bunriachtanacha de shuíomh gréasáin na Comhairle. Cuidíonn na fianáin roghnacha linn tuarascálacha staidrimh anaithnide, comhiomlánaithe a tháirgeadh chun freastal níos fearr ar do chuid riachtanas.
Le cead uaitse, úsáidfimid fianáin le sonraí comhlánaithe anaithnide a tháirgeadh maidir le brabhsáil agus iompraíocht na gcuairteoirí ar ár suíomh gréasáin. Úsáidfimid na sonraí sin chun feabhas a chur ar an eispéireas agat ar ár suíomh.
An Chomhairle Iompair, Teileachumarsáide agus Fuinnimh
An Chomhairle Iompair, Teileachumarsáide agus Fuinnimh (Fuinneamh), 26 Meitheamh 2026
Na príomhthorthaí
Tháinig na hairí fuinnimh ar chomhaontú maidir le seasamh caibidlíochta na Comhairle don phacáiste maidir le heangacha Eorpacha. Bhí dhá sheisiún tuairimíochta acu freisin darb ábhar na hiarrachtaí dícharbónaithe fuinnimh tar éis 2030 agus an tionchar atá ag an ngéarchéim sa Mheánoirthear ar an earnáil fuinnimh.
Le linn Uachtaránacht na Cipire, neartaíomar creat bonneagair fuinnimh na hEorpa, thugamar comhaontú chun cinn maidir le príomhghnéithe phacáiste na n-eangach, agus d’éascaigh muid plé fóinteach maidir le hollstruchtúr fuinnimh tar éis 2030 agus maidir le dúshláin slándála fuinnimh atá ag teacht chun cinn, lena n-áirítear iad siúd a bhaineann leis an staid sa Mheánoirthear.
Michael Damianos, Aire Fuinnimh, Tráchtála agus Tionscail Phoblacht na Cipire
An Pacáiste um na hEangacha Eorpacha
Tháinig airí fuinnimh an Aontais ar chomhaontú maidir le seasamh caibidlíochta na Comhairle i ndáil leis an bpacáiste maidir le heangacha Eorpacha. Is éard atá sa phacáiste athbhreithniú ar an rialachán maidir le bonneagar tras-Eorpach fuinnimh (GTE-F) agus treoir chun dlús a chur le ceadú an bhonneagair fuinnimh. Is é is aidhm dó aghaidh a thabhairt ar an ngéarghá atá le bonneagar fuinnimh na hEorpa a nuachóiriú agus a leathnú chun borradh a chur faoin leictriú agus faoin dícharbónú.
Dírítear sa seasamh ón gComhairle ar fheabhas a chur ar phleanáil bonneagair fuinnimh trasteorann, ar dheonú ceadanna a chuíchóiriú agus a luathú, agus ar ghréasán fuinnimh níos sláine agus níos athléimní a chinntiú.
Le comhaontú an lae inniu, réitítear an bealach do leictriú na hEorpa i dtreo aeráidneodracht a bhaint amach. Trí dhlús a chur le ceadú agus trí idirnaisc a fheabhsú — lena n-áirítear deireadh a chur le leithlisiú fuinnimh do na Ballstáit — táimid ag cinntiú fuinneamh glan inacmhainne agus ag treisiú na slándála fuinnimh do shaoránaigh uile na hEorpa. Tríd an bpacáiste tábhachtach straitéiseach sin a chur i gcrích, chuir Uachtaránacht na Cipire i ngníomh na tairiscintí a rinne a mana ‘Eoraip uathrialach, oscailte don domhan’.
Michael Damianos, Aire Fuinnimh, Tráchtála agus Tionscail Phoblacht na Cipire
Tá an Chomhairle faoi réir le tús a chur leis an gcaibidlíocht le Parlaimint na hEorpa maidir le leagan deiridh na reachtaíochta.
An chaoi a bhfuil fuinneamh á ghlasú ag an Aontas (eolas cúlra)
Creat fuinnimh iar-2030
Phléigh an Chomhairle an chaoi ar cheart creat fuinnimh iar-2030 a cheapadh chun sprioc aeráide 2040 a bhaint amach maidir le hastaíochtaí gás ceaptha teasa a laghdú 90 % (i gcomparáid le leibhéil 1990), le haghaidh conair inchreidte i dtreo na haeráidneodrachta faoi 2050.
Roinn na hairí a ndearcthaí maidir leis an leibhéal uaillmhéine agus solúbthachta is gá i gcreat iar-2030, agus iad á leagan amach i gcomhthéacs níos leithne an iomaíochais, na huathrialach straitéisí agus na spriocanna dícharbónaithe. Rinne siad iniúchadh freisin ar an ngá atá le bearta breise chun fíor-Aontas Fuinnimh a bhaint amach agus phléigh siad bealaí chun slándáil fuinnimh a chomhtháthú sa chreat aeráide agus fuinnimh.
Beidh an seisiún tuairimíochta sin mar bhonn eolais do na tograí atá le teacht ón gCoimisiún le haghaidh chreat fuinnimh agus aeráide iar-2030 (fuinneamh in-athnuaite, éifeachtúlacht fuinnimh, pleananna náisiúnta fuinnimh agus aeráide) agus leanann sé plé comhchosúil a rinneadh ag na Comhairlí Comhshaoil agus Iompair le linn Uachtaránacht na Cipire.
An t-athrú aeráide: a bhfuil ar bun ag an Aontas (eolas cúlra)
An ghéarchéim sa Mheánoirthear: bearta comhordúcháin agus freagartha in earnáil an fhuinnimh
Rinne an Chomhairle a marana ar staid an mhargaidh fuinnimh i bhfianaise na staide atá ag teacht chun cinn i gCaolas Hormuz. Rinne na hairí measúnú ar na himpleachtaí gearrthéarmacha agus fadtéarmacha ar sholáthar agus ar phraghsanna gáis agus ola, scairdbhreosla san áireamh.
Roinn na hairí fuinnimh na ceachtanna a foghlaimíodh ó chomhordú maidir le freagairt do na tionchair fuinnimh a bhaineann le dúnadh Chaolas Hormuz, ag díriú ar bhealaí chun trédhearcacht, comhar agus gníomhaíocht chomhpháirteach a fheabhsú a thuilleadh. Thug siad aghaidh freisin ar an ngá atá le hullmhú do shuaitheadh fada, chomh maith le bearta a cheapadh chun saoránaigh agus an geilleagar a chosaint, tríd an tslándáil fuinnimh a chosaint.
D’ardaigh an Ostair, an Bheilg, an Bhulgáir, Poblacht na Seice, an Ungáir, an Iodáil, an Liotuáin, an Ísiltír, an Pholainn, an Rómáin, an tSlóvaic agus an tSualainn saincheist thionchar an rialacháin meatáin ar shlándáil fuinnimh an Aontais.
Níl an acmhainn seo ar fáil faoi láthair ach amháin sa teanga (sna teangacha) seo a leanas:
Sholáthair an Fhrainc, an Iodáil agus an Pholainn faisnéis faoin athbhreithniú ar an rialachán ón gCoimisiún maidir le leithdháileadh acmhainneachta agus bainistiú ar phlódú (rialachán CACM).
Chuir an Bheilg, an Chróit, Poblacht na Seice, an Fhrainc, Lucsamburg, an Ísiltír, Málta, an Pholainn, an Phortaingéil, an Rómáin agus an tSlóivéin na hairí ar an eolas faoin obair leantach ar na conclúidí ón gComhairle maidir le slándáil an tsoláthair raidiseatóp d’úsáid mhíochaine.
Níl an acmhainn seo ar fáil faoi láthair ach amháin sa teanga (sna teangacha) seo a leanas:
Thug an Danmhairg, an Fhrainc, an Ísiltír agus an tSualainn aghaidh ar an ngá atá leis na dreasachtaí cearta a áirithiú chun dlús a chur leis an leictriú.
Níl an acmhainn seo ar fáil faoi láthair ach amháin sa teanga (sna teangacha) seo a leanas:
Is iad údaráis rialtais na tíre óstaí a láimhseálfaidh creidiúnú na meán le haghaidh cruinnithe mullaigh idirnáisiúnta a reáchtáiltear lasmuigh den Aontas Eorpach.
