Athchóiriú teileachumarsáide glactha ag an Aontas

Na mionsonraí

Chomhaontaigh ceannairí an Aontais go raibh sé thar a bheith tábhachtach, do rathúnas agus d'iomaíochas na hEorpa, go mbeadh bonn láidir faoin ngeilleagar.

Chuige sin, d'iarr an Chomhairle Eorpach ar an Aontas agus ar na Ballstáit go n-áireofaí geilleagar digiteach a fhorbairt sa ghníomhaíocht sin.

Tá an ceannairí an Aontais ag súil leis an moladh ón gCoimisiún Eorpach maidir le slándáil na líonraí 5G.

• An Chomhairle Eorpach, 21-22/03/2019

Ghlac an Comhairle rialacha nua teileachumarsáide de chuid an Aontais chun rolladh amach tapa 5G agus líonra teicneolaíochtaí eile na chéad ghlúine eile a chur chun cinn ar fud na hEorpa, nuálaíocht úrscothach a spreagadh agus cosaint tomhaltóirí a neartú i réimse na cumarsáide leictreonaí.

Is tagairt é seo do dhá mhír reachtaíochta; an Cód um Chumarsáid Leictreonach Eorpach agus sainchúram athbhreithnithe i ndáil le Comhlacht na Rialálaithe Eorpacha um Chumarsáid Leictreonach (BEREC).

Cuimsíonn an Cód seo bearta amhail:

• iomaíochas a spreagadh
• infheistíocht a spreagadh i líonraí fíor-ardacmhainneachta
• cosaint tomhaltóirí a fheabhsú – rialacha gaolmhara a shocrú a mbeadh feidhm acu freisin maidir le seirbhísí amhail aipeanna teachtaireachtaí
• córas um rabhadh poiblí '112 chugat' a thabhairt isteach ar leibhéal náisiúnta chun foláireamh a thabhairt do dhaoine, go díreach ar a bhfóin póca, faoi éigeandálaí móra amhail tubaistí nádúrtha nó ionsaithe sceimhlitheoireachta

Thairis sin, agus an dá ghníomh reachtacha nua á nglacadh, cuirfidh rialacha nua maidir le glaonna níos saoire taobh istigh den Aontas uasteorainn 19 cent an nóiméad le praghas miondíola glaonna móibíleacha nó seasta ó thír baile an tomhaltóra ar thír eile san Aontas. I gcás teachtaireachtaí téacs laistigh den Aontas 6 cent an teachtaireacht an uasteorainn a bheidh ann. Beidh na huasteorainneacha nua i bhfeidhm amhail ón 15 Bealtaine 2019.

• Nascacht níos fearr: Athchóiriú teileachumarsáide glactha ag an Aontas (preaseisiúint, 04/12/2018)

D'fhormheas ambasadóirí na mBallstát chuig an Aontas tacar cuimsitheach de rialacha nua don earnáil cumarsáide leictreonaí san Eoraip.

Beidh athruithe i gceist leis an athchóiriú seo amhail:

• rolláil amach gasta forleathan 5G agus teicneolaíochtaí eile den ghlúin nua ar fud na hEorpa
• cosaint tomhaltóirí neartaithe
• ráta caidhpeáilte do ghlaonna idirnáisiúnta laistigh den Aontas

• Athchóiriú teileachumarsáide le haghaidh nascacht níos fearr agus níos tapúla formheasta ag na Ballstáit (preaseisiúint, 29/06/2018)

Chomhaontaigh an Chomhairle a seasamh maidir leis na rialacha do Chomhlacht na Rialálaithe Eorpacha um Chumarsáid Leictreonach (BEREC) a nuashonrú. Leis an gcomhaontú seo réitítear an bealach don chaibidlíocht le Parlaimint na hEorpa.

Ina seasamh, tá an Chomhairle tar éis a áirithiú go mbeidh na rialacha nua a bheartaítear do BEREC ag teacht lena sainordú maidir leis an gCód don Chumarsáid Leictreonach.

Bunaíodh BEREC in 2019 agus thosaigh sé ag feidhmiú in 2010. Is é an príomhsprioc atá leis cur chun feidhme comhsheasmhach na rialacha teileachumarsáide ar fud an Aontais a áirithiú agus saineolas teicniúil a chur ar fáil do rialálaithe náisiúnta agus d’institiúidí an Aontais.

• Seasamh maidir le rialacha don Chomhlacht um Chumarsáid Leictreonach comhaontaithe ag an gComhairle (preaseisiúint, 04/12/2017)
• Cód don Chumarsáid Leictreonach (cúlra faisnéise)

Le linn na Comhairle Teileachumarsáide, chuir Uachtaránacht na hEastóine eolas ar fáil maidir leis na céimeanna praiticiúla chun nascacht 5G a bhaint amach.

Phléigh na hairí an bealach is fearr an sprioc a leag an Chomhairle Eorpach síos a bhaint amach chun an speictream is gá a chur ar fáil faoi 2020.

"Bhíomar ar fad ar aon intinn gur ríthábhachtach go gcruthóimis na dálaí cearta le haghaidh feidhmiú gasta forleathan 5G san Eoraip." Urve Palo, Aire Fiontraíochta agus Teicneolaíochta Faisnéise na hEastóine

• An Chomhairle Iompair, Teileachumarsáide agus Fuinnimh, 24/10/2017
• Conclúidí ón gComhairle Eorpach, 19-20/10/2017

Thug an Chomhairle sainordú ginearálta don Uachtaránacht caibidlíocht a thosú le Parlaimint na hEorpa maidir le rialacha nuair don earnáil cumarsáide leictreonaí.

Leis na rialacha seo, ullmhófar an Eoraip do ré 5G trí infheistíocht, iomaíochas, cosaint tomhaltóirí agus forbairt seirbhísí nua a chur chun cinn.

Is gá borradh a chur faoi infheistíocht chun a áirithiú go mbeidh an tAontas in ann freastal ar an éileamh atá ag méadú i gcónaí ar nascacht ghigighiotán, atá ina cuid dhílis den réabhlóid dhigiteach.

• Rialacha nua teileachumarsáide an Aontais: Tá an Chomhairle réidh le tosú ar phlé le Parlaimint na hEorpa (preaseisiúint 11/10/2017)

Shínigh airí teileachumarsáide dearbhú 5G lena ndearbhaíodh go mbeidís toilteanach an Eoraip a chur chun cinn mar cheannródaí an mhargaidh dhomhanda le haghaidh 5G. Tabharfar faoin sprioc sin le príomhbhearta amhail:

• níos mó spreictream 5G a chur ar fáil ar bhealach tráthúil, intuartha
• clúdach cuimsitheach móibíleach ar ardchaighdeán ar fud na hEorpa
• an cur ar fáil den snáithín optúil a éascú

Bhí díospóireacht bheartais ag na hairí teileachumarsáide maidir le rialacha teileachumarsáide an Aontais a athchóiriú. Díríodh sa díospóireacht ar an méid chomhordú is inmhianaithe san Aontas chun go mbainfear amach na spriocanna uaillmhianacha i dtaca le nascacht.

• An Chomhairle Iompair, Teileachumarsáide agus Fuinnimh, 8-9/06/2017

Ghlac an Chomhairle cinneadh lena n-áirithítear go ndéanfar aerthonnta ar ardchaighdeán a chur ar fáil do sheirbhísí leathanbhanda gan sreang i ngach Ballstát san Aontas. Meastar gur beart bunriachtanach é chun borradh a chur faoin nascacht mhóibíleach agus teicneolaíocht 5G a thabhairt isteach.

Mar thoradh air sin, gheobhaidh na hoibreoirí móibíleacha rochtain eisiach ar bhanda 700 MHz faoin 30 Meitheamh 2020. Le húsáid chomhordaithe an bhanda 700 MHz, banda a chuireann ardluais agus clúdach den scoth ar fáil, éascófar naisc idirlín níos tapúla agus níos fearr ar fud na hEorpa.

• Nascacht níos fearr san Aontas agus ré 5G ag druidim linn (preaseisiúint, 25/04/2017)