"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
Kunsill Impjiegi, Politika Soċjali, Saħħa u Affarijiet tal-Konsumatur
Vidjokonferenza tal-ministri għas-saħħa, 2 ta' Diċembru 2020
Riżultati ewlenin
Is-sitwazzjoni epidemjoloġika u l-vaċċini
Fil-bidu tal-laqgħa, id-Direttur taċ-Ċentru Ewropew għall-Prevenzjoni u l-Kontroll tal-Mard (ECDC) infurmat lill-ministri dwar is-sitwazzjoni epidemjoloġika fl-UE, fejn iddikjarat li x-xejra b'rabta mal-għadd ta' infezzjonijiet u r-rati ta' pożittività kienet kawtament pożittiva, iżda wissiet li jkun kmieni wisq biex wieħed jipproċedi biex itaffi r-restrizzjonijiet attwali.
Id-Direttur Eżekuttiv tal-Aġenzija Ewropea għall-Mediċini (EMA) infurmat lill-ministri dwar il-proċess ta' evalwazzjoni tal-applikazzjonijiet għall-approvazzjoni tat-tilqim kontra l-COVID-19, filwaqt li saħqet li ser issir laqgħa fl-aħħar ta' Diċembru din is-sena biex jiġi deċiż jekk għandhiex tiġi approvat l-ewwel tilqima .
Il-bini ta' Unjoni Ewropea tas-Saħħa
Fil-kuntest tal-pandemija tal-COVID-19 li għaddejja bħalissa, il-ministri qasmu l-fehmiet tagħhom dwar it-tagħlimiet li ħadna mill-COVID-19 fil-qasam tas-saħħa. Li nieħdu t-tagħlimiet mill-pandemija u – bi sforz konġunt – li naslu għall-konklużjonijiet it-tajbin huma żewġ passi importanti lejn Unjoni Ewropea aktar b'saħħitha u aktar reżiljenti. Id-diskussjoni inkludiet dibattitu dwar il-komunikazzjoni tal-Kummissjoni "Il-bini ta' Unjoni Ewropea tas-Saħħa: Rinforzar tar-reżiljenza tal-UE għat-theddid transkonfinali għas-saħħa". Il-ministri qasmu wkoll opinjonijiet dwar tliet proposti leġiżlattivi: għal Regolament dwar theddid transkonfinali serju għas-saħħa, għal Regolament li jemenda r-Regolament (KE) Nru 851/2004 li jistabbilixxi Ċentru Ewropew għall-prevenzjoni u l-kontroll tal-mard (ECDC), u għal Regolament dwar rwol imsaħħaħ għall-Aġenzija Ewropea għall-Mediċini fit-tħejjija għall-kriżijiet u l-ġestjoni tagħhom għal prodotti mediċinali u apparat mediku.
L-Unjoni Ewropea qed turi s-saħħa tagħha fil-pandemija. Flimkien qed nipproduċu, nakkwistaw u nqassmu l-vaċċini tal-COVID-19. Qed ngħinu lil xulxin fil-kura tal-pazjenti. U qed nibnu network bl-apps ta' twissija tagħna. Taħt il-Presidenza Ġermaniża tal-Kunsill saħħaħna r-reżiljenza tal-Ewropa u ħadna flimkien tagħlimiet mill-pandemija. U flimkien aħna ddedikati għal provvista sigura ta' prodotti mediċinali, skambju mtejjeb ta' data dwar is-saħħa, ECDC b'saħħtu u leħen Ewropew b'saħħtu fil-politika tas-saħħa globali.
Jens Spahn, Ministru Federali għas-Saħħa tal-Ġermanja
B'mod ġenerali, il-ministri laqgħu l-proposti leġiżlattivi mill-Kummissjoni bħala pass deċiżiv biex tinbena Unjoni Ewropea b'saħħitha u awtonoma li tkun imħejjija aħjar biex tiġġieled theddid transkonfinali serju għas-saħħa. Maġġoranza kbira tal-ministri enfasizzaw li l-ECDC u l-EMA, sabiex jissaħħu, jeħtieġ li jiġu pprovduti aktar riżorsi umani u finanzjarji biex jgħinu lill-istati membri fil-prevenzjoni u l-ġlieda kontra l-kriżi tas-saħħa. Fl-istess ħin, ħafna delegazzjonijiet identifikaw għadd ta' oqsma, li ser ikollhom jiġu indirizzati matul id-diskussjonijiet li ġejjin dwar il-proposti leġiżlattivi, bħall-evitar tad-duplikazzjoni tal-kompiti u l-piż amministrattiv addizzjonali, kif ukoll ir-responsabbiltajiet tal-korpi u l-mekkaniżmi differenti tal-ġestjoni tal-kriżijiet, u distinzjoni ċara bejn il-livelli tat-teħid ta' deċiżjonijiet esperti u dawk politiċi. B'rabta ma' dan, il-ministri qablu li jeħtieġ li jiġu rispettati l-kompetenzi nazzjonali. Huma enfasizzaw ukoll l-importanza ta' trasparenza mtejba, kooperazzjoni aktar mill-qrib u djalogu intensiv, anke ma' organizzazzjonijiet bħall-Organizzazzjoni Dinjija tas-Saħħa (WHO).
Il-ministri għas-saħħa qasmu l-ewwel valutazzjonijiet tagħhom tal-istrateġija ppreżentata dan l-aħħar, li għandha l-għan li ssaħħaħ kemm it-tħejjija kif ukoll ir-reżiljenza tas-sistemi farmaċewtiċi Ewropej. Huma ddiskutew ukoll miżuri konkreti biex jindirizzaw in-nuqqas ta' prodotti mediċinali fl-UE bħala waħda mill-prijoritajiet tal-presidenza Ġermaniża fil-qasam tas-saħħa.
Il-ministri esprimew appoġġ ġenerali għall-istrateġija u l-objettivi ambizzjużi tagħha biex tgħin biex tiżgura l-provvista tal-Ewropa ta' mediċini sikuri u affordabbli u biex tgħin lill-industrija farmaċewtika Ewropea tibqa' innovatur u mexxej dinji. Huma qablu wkoll li l-istrateġija u l-implimentazzjoni tagħha għandu jkollhom l-għan li l-Unjoni Ewropea tkun imħejjija aħjar biex tiffaċċa sfidi futuri marbutin mas-saħħa.
Dwar il-kooperazzjoni, il-ministri esprimew ix-xewqa tagħhom li jaraw lill-istati membri involuti bis-sħiħ fid-diskussjonijiet u l-azzjonijiet futuri kollha fil-kuntest tal-implimentazzjoni tal-istrateġija, u appellaw għat-tisħiħ tad-djalogu mal-partijiet ikkonċernati kollha.
B'rabta man-nuqqas ta' mediċini u l-aċċess għall-mediċini, ħafna delegazzjonijiet semmew il-ħtieġa li tiġi żgurata l-awtonomija strateġika Ewropea. Fost il-miżuri identifikati mill-ministri biex inaqqsu d-dipendenzi fuq is-swieq ta' pajjiżi terzi kien hemm id-diversifikazzjoni tal-ktajjen tal-produzzjoni u tal-provvista, l-iżgurar tal-ħażna strateġika, u l-inkoraġġiment tal-produzzjoni u l-investiment fl-Ewropa. Xi delegazzjonijiet issuġġerew ukoll il-ħtieġa li tiżdied it-trasparenza fil-ktajjen tal-provvista u l-ipprezzar, jitjieb il-ġbir tad-data fil-livell tal-UE, jiġu identifikati n-nuqqasijiet ta' mediċini fi stadju bikri u jiġu stabbiliti proċeduri ta' akkwist pubbliku ċentralizzati Ewropej.
Il-presidenza tat informazzjoni dwar is-sitwazzjoni attwali fir-rigward tal-proposta għal regolament dwar il-Programm "l-UE għas-Saħħa" għall-2021–2027 (sessjoni pubblika).
Il-Kummissjoni pprovdiet aġġornament dwar il-pjan Ewropew tal-Kummissjoni għall-ġlieda kontra l-kanċer li għandu jiġi adottat fil-bidu tas-sena d-dieħla.
Il-Kummissjoni infurmat lill-ministri dwar l-Implimentazzjoni tar-Regolament dwar l-apparati mediċi u r-Regolament dwar l-apparati mediċi dijanjostiċi in vitro.
color: inherit;
Id-delegazzjoni Netherlandiża u dik Daniża pprovdew informazzjoni dwar il-miżuri li ttieħdu biex jiġu indirizzati t-tifqigħat tal-COVID-19 fl-azjendi agrikoli tal-mink. Id-Direttur tal-ECDC u l-Kummissjoni kkomplementaw l-informazzjoni pprovduta.
Id-delegazzjoni Ġermaniża pprovdiet ġabra tal-attivitajiet tal-Kunsill fil-qasam tas-Saħħa matul il-Presidenza Ġermaniża.
Id-delegazzjoni Portugiża ppreżentat il-programm ta' ħidma tal-presidenza li jmiss fil-qasam tas-Saħħa.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
L-Unjoni Ewropea qed turi s-saħħa tagħha fil-pandemija. Flimkien qed nipproduċu, nakkwistaw u nqassmu l-vaċċini tal-COVID-19. Qed ngħinu lil xulxin fil-kura tal-pazjenti. U qed nibnu network bl-apps ta' twissija tagħna. Taħt il-Presidenza Ġermaniża tal-Kunsill saħħaħna r-reżiljenza tal-Ewropa u ħadna flimkien tagħlimiet mill-pandemija. U flimkien aħna ddedikati għal provvista sigura ta' prodotti mediċinali, skambju mtejjeb ta' data dwar is-saħħa, ECDC b'saħħtu u leħen Ewropew b'saħħtu fil-politika tas-saħħa globali.