"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Kunsill Impjiegi, Politika Soċjali, Saħħa u Affarijiet tal-Konsumatur
Vidjokonferenza tal-ministri għall-impjiegi u l-politika soċjali, 13 ta' Ottubru 2020
Riżultati ewlenin
Impjiegi u affarijiet soċjali
Il-ministri tal-UE għall-impjiegi u l-affarijiet soċjali kellhom dibattitu dwar il-parteċipazzjoni tal-ħaddiema u l-appoġġ għall-ħaddiema fir-ristrutturar. Il-ministri kellhom skambju ta' fehmiet dwar kif jiġi żgurat li l-investimenti fil-ħiliet u l-użu tal-fondi tal-UE jwasslu għal strateġiji ta' ristrutturar li jirnexxu. Huma ddiskutew ukoll liema miżuri fil-livell tal-UE jew dak nazzjonali jistgħu jgħinu biex titjieb il-protezzjoni tad-dritt tal-ħaddiema għall-informazzjoni u l-konsultazzjoni f'sitwazzjonijiet ta' ristrutturar.
Is-saħħa ekonomika u s-sigurtà soċjali huma żewġ naħat tal-istess munita. Il-presidenza Ġermaniża wriet li anke żminijiet turbolenti jistgħu jkunu żminijiet produttivi. Bis-saħħa tal-isforzi intensivi konġunti tagħna mal-Kummissarju Schmit u l-kontropartijiet tiegħi tal-UE, għamilna progress fir-rigward tal-Ewropa Soċjali. Sħabi l-ministri tal-UE u jien qbilna dwar pjan direzzjonali biex titjieb il-protezzjoni għall-ħaddiema staġonali fl-UE, u affermajna li jeħtieġ li jkollna - u rridu nistabbilixxu - qafas għall-protezzjoni tal-introjtu minimu. Ninsab partikolarment kuntent li stajna naqblu b'mod unanimu dwar it-tiġdid tal-Garanzija għaż-Żgħażagħ mingħajr dewmien. Dan jibgħat sinjal qawwi liż-żgħażagħ: minflok il-qgħad, ser ikun hemm taħriġ, internships, u għajnuna biex tinbeda karriera, kullimkien fl-UE. Mhux ser inħallu lil ħadd lura. L-Ewropa tibqa' kontinent ta' opportunitajiet.
Hubertus Heil, Ministru Federali għax-Xogħol u l-Affarijiet Soċjali tal-Ġermanja
Il-ministri qablu b'mod ġenerali li l-istrateġiji ta' ristrutturar ma jkunux ta' suċċess u ma jiksbux gwadanji fil-produttività ħlief jekk ikunu akkumpanjati minn politiki b'saħħithom ta' taħriġ mill-ġdid u titjib tal-kompetenzi. Ġie enfasizzat li dan kien essenzjali għall-ġestjoni ta' tranżizzjonijiet ġusti għall-ekonomija ekoloġika u diġitali, iżda wkoll biex jiġu indirizzati l-isfidi demografiċi. Il-maġġoranza tal-ministri spjegaw li l-gvernijiet tagħhom kienu qed jaħdmu qatigħ biex jantiċipaw il-ħtiġijiet tas-suq fuq medda qasira u twila ta' żmien, iżda enfasizzaw li l-ħiliet lingwistiċi u diġitali kienu fost l-aktar ħiliet importanti għall-futur. Id-dibattitu wera li ħafna stati membri kienu qed jinvestu wkoll fit-taħriġ mill-ġdid tan-nies għas-setturi li fihom ser jinħolqu impjiegi ġodda. Diversi ministri enfasizzaw l-importanza li jiġi żgurat li ż-żgħażagħ ma jitħallewx lura, u laqgħu l-Garanzija għaż-Żgħażagħ imsaħħa. Matul id-dibattitu, il-parteċipanti enfasizzaw ukoll ir-rwol importanti tal-fondi tal-UE, bħall-Fond Soċjali Ewropew+ u l-Fond Ewropew ta' Aġġustament għall-Globalizzazzjoni biex jiġi indirizzat l-effett negattiv tal-impatt soċjali tar-ristrutturar.
Fil-kuntest ta' ristrutturazzjonijiet kbar madwar l-UE, il-ministri qablu li kien importanti ħafna li jiġi żgurat l-involviment tal-ħaddiema fit-teħid tad-deċiżjonijiet tal-kumpaniji, b'mod partikolari f'każijiet bħal riorganizzazzjonijiet, għeluq, fużjonijiet u akkwiżizzjonijiet, tnaqqis fid-daqs, esternalizzazzjoni, u rilokazzjonijiet ta' kumpaniji. Il-ministri insistew ukoll li l-pandemija m'għandhiex isservi bħala skuża biex jitnaqqsu d-drittijiet tal-ħaddiema għall-informazzjoni u l-konsultazzjoni u enfasizzaw li kien kruċjali għall-irkupru ekonomiku u r-ristrutturazzjonijiet li jirnexxu li jiġi żgurat djalogu soċjali inklużiv fil-livelli kollha.
Il-ministri kellhom ukoll dibattitu dwar il-parteċipazzjoni indaqs tan-nisa u l-irġiel fis-suq tax-xogħol. Huma qasmu l-fehmiet tagħhom dwar modi kif tiġi promossa aktar l-ugwaljanza bejn il-ġeneri u tiġi miġġielda s-segregazzjoni tan-nisa u l-irġiel fis-suq tax-xogħol.
Il-kriżi tal-coronavirus uriet: bis-saħħa tan-nisa li l-affarijiet jibqgħu mexjin. Madwar l-Ewropa kollha, aktar minn 75 fil-mija tal-ħaddiema kritiċi huma nisa. Iżda f'pożizzjonijiet ta' tmexxija, in-nisa huma sottorappreżentati. U n-nisa jassumu sehem akbar ta' xogħol ta' kura bla ħlas - spiss għad-detriment tal-karriera u l-pensjoni tagħhom stess. Illum, iddiskutejt mal-kollegi tiegħi tal-UE kif tista' tiġi promossa l-ugwaljanza bejn il-ġeneri fis-suq tax-xogħol. L-ugwaljanza bejn il-ġeneri fis-suq tax-xogħol mhijiex lussu. Anzi bil-maqlub: ser tagħmel l-UE aktar robusta soċjalment u ekonomikament. Speċjalment fi żminijiet ta' kriżi.
Dott. Franziska Giffey, Ministru Federali għall-Affarijiet tal-Familja, l-Anzjani, in-Nisa u ż-Żgħażagħ tal-Ġermanja
Il-ministri qablu li l-pandemija attwali enfasizzat l-iżbilanċ bejn il-ġeneri f'ħafna setturi. Huma saħqu li l-kriżi wriet il-ħtieġa urġenti, iżda wkoll opportunitajiet siewja, biex tiġi promossa inġenerali l-ugwaljanza bejn il-ġeneri fis-suq tax-xogħol u fil-professjonijiet soċjali b'mod partikolari. Id-dibattitu ffoka fuq sforzi biex jinkiseb ambjent tax-xogħol inklużiv, pagi ugwali, sehem akbar ta' nisa anke fit-teħid tad-deċiżjonijiet, remunerazzjoni aħjar għal impjiegi li normalment jitwettqu min-nisa u l-ġlieda kontra l-isterjotipi tal-ġeneri. Xi ministri enfasizzaw l-importanza li jiġu inklużi suġġetti dwar l-ugwaljanza bejn il-ġeneri fl-edukazzjoni bikrija u li jkun hemm sensibilizzazzjoni dwar kwistjonijiet ta' ġeneru fost gruppi ewlenin, bħaż-żgħażagħ. Diversi parteċipanti fid-dibattitu esprimew appoġġ għall-istrateġija reċenti tal-UE għall-ugwaljanza bejn il-ġeneri, id-direttiva mħabbra tal-UE dwar it-trasparenza fil-pagi u appellaw lill-presidenza u lill-istati membri biex finalment jimxu 'l quddiem bid-direttiva tal-UE dwar "In-Nisa fuq il-Bordijiet".
Affarijiet oħra
Il-presidenza pprovdiet informazzjoni dwar is-Summit Soċjali Tripartitiku li sar f'Ġunju 2020 u infurmat lill-ministri dwar is-Summit Soċjali Tripartitiku li jmiss li ser isir fl-14 ta' Ottubru 2020.
F'seduta pubblika, il-presidenza infurmat lill-ministri dwar il-qbil li ntlaħaq bejn il-Kunsill u l-Parlament Ewropew dwar proposta għal deċiżjoni li temenda d-Deċiżjoni Nru 573/2014/UE dwar kooperazzjoni bejn is-Servizzi Pubbliċi tal-Impjiegi (PES) 11090/20 ADD1.
F'seduta pubblika, il-Kummissjoni ppreżentat lill-ministri proposta għal direttiva li temenda d-Direttiva 2004/37/KE dwar il-protezzjoni tal-ħaddiema minn riskji relatati mal-espożizzjoni għal karċinoġeni jew mutaġeni fuq il-post tax-xogħol 11188/20.
Din ir-riżorsa bħalissa hi disponibbli biss bil-lingwa jew il-lingwi li ġejjin:
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Is-saħħa ekonomika u s-sigurtà soċjali huma żewġ naħat tal-istess munita. Il-presidenza Ġermaniża wriet li anke żminijiet turbolenti jistgħu jkunu żminijiet produttivi. Bis-saħħa tal-isforzi intensivi konġunti tagħna mal-Kummissarju Schmit u l-kontropartijiet tiegħi tal-UE, għamilna progress fir-rigward tal-Ewropa Soċjali. Sħabi l-ministri tal-UE u jien qbilna dwar pjan direzzjonali biex titjieb il-protezzjoni għall-ħaddiema staġonali fl-UE, u affermajna li jeħtieġ li jkollna - u rridu nistabbilixxu - qafas għall-protezzjoni tal-introjtu minimu. Ninsab partikolarment kuntent li stajna naqblu b'mod unanimu dwar it-tiġdid tal-Garanzija għaż-Żgħażagħ mingħajr dewmien. Dan jibgħat sinjal qawwi liż-żgħażagħ: minflok il-qgħad, ser ikun hemm taħriġ, internships, u għajnuna biex tinbeda karriera, kullimkien fl-UE. Mhux ser inħallu lil ħadd lura. L-Ewropa tibqa' kontinent ta' opportunitajiet.
Il-kriżi tal-coronavirus uriet: bis-saħħa tan-nisa li l-affarijiet jibqgħu mexjin. Madwar l-Ewropa kollha, aktar minn 75 fil-mija tal-ħaddiema kritiċi huma nisa. Iżda f'pożizzjonijiet ta' tmexxija, in-nisa huma sottorappreżentati. U n-nisa jassumu sehem akbar ta' xogħol ta' kura bla ħlas - spiss għad-detriment tal-karriera u l-pensjoni tagħhom stess. Illum, iddiskutejt mal-kollegi tiegħi tal-UE kif tista' tiġi promossa l-ugwaljanza bejn il-ġeneri fis-suq tax-xogħol. L-ugwaljanza bejn il-ġeneri fis-suq tax-xogħol mhijiex lussu. Anzi bil-maqlub: ser tagħmel l-UE aktar robusta soċjalment u ekonomikament. Speċjalment fi żminijiet ta' kriżi.
