"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
Kunsill Impjiegi, Politika Soċjali, Saħħa u Affarijiet tal-Konsumatur
Kunsill Impjiegi, Politika Soċjali, Saħħa u Affarijiet tal-Konsumatur (Impjiegi u Politika Soċjali), 10 ta' Marzu 2025
Riżultati ewlenin
L-isfidi tat-trasformazzjoni minħabba t-tixjiħ
Il-Kunsill kellu dibattitu ta' orjentazzjoni dwar "l-Isfidi tat-Trasformazzjoni Minħabba t-Tixjiħ: inċentivi u soluzzjonijiet sistemiċi għall-promozzjoni ta' attività professjonali volontarja estiża ta' persuni akbar fl-età". Il-ministri ddiskutew modi kif il-persuni akbar fl-età jiġu mħeġġa jibqgħu fil-forza tax-xogħol jew jerġgħu lura fiha, bl-għan li jittaffa n-nuqqas ta' ħaddiema u ta' ħiliet filwaqt li wkoll jiġi evitat jew jittaffa l-faqar fost l-anzjani fl-UE.
Qed isseħħ trasformazzjoni minħabba t-tixjiħ madwar l-Ewropa, li ġġib magħha kemm sfidi kif ukoll opportunitajiet. Il-persuni akbar fl-età jistgħu jibbenefikaw ħafna jekk jibqgħu attivi professjonalment, u jistgħu jużaw il-ħiliet u l-esperjenza tagħhom biex jgħinu biex jiġi indirizzat in-nuqqas ta' ħaddiema kkawżati mit-tixjiħ tal-popolazzjoni. Jekk irridu nagħtu s-setgħa lill-persuni akbar fl-età biex jaqdu rwol attiv fil-forza tax-xogħol, jeħtieġ li nneħħu l-ostakli u d-diżinċentivi li għadhom ixekkluhom.
Agnieszka Dziemianowicz-Bąk, Ministru għall-Familja, ix-Xogħol u l-Politika Soċjali tal-Polonja
Id-dibattitu kkonċentra b'mod partikolari fuq ir-rwol tas-Semestru Ewropew biex jiġu indirizzati l-isfidi u l-opportunitajiet relatati mat-tixjiħ. Fost il-punti li qajmu l-istati membri kien hemm l-importanza li l-persuni akbar fl-età jiġu megħjuna jtejbu l-ħiliet tagħhom u jitħarrġu mill-ġdid għal karrieri ġodda, li jiġu miġġielda l-isterjotipi negattivi, u li jingħarfu l-isfidi partikolari li jħabbtu wiċċhom magħhom in-nisa akbar fl-età. Għadd ta' ministri qasmu wkoll eżempji ta' inċentivi ta' politika użati fil-pajjiżi tagħhom biex jippromwovu ħajja tax-xogħol itwal.
Bħala parti miċ-ċiklu tas-Semestru Ewropew, il-Kunsill approva l-kontribut dwar l-aspetti tal-impjiegi u soċjali tar-rakkomandazzjoni tal-2025 dwar il-politika ekonomika taż-żona tal-euro. Adotta wkoll ir-Rapport Konġunt dwar l-Impjiegi tal-2025 u approva konklużjonijiet dwar dan ir-rapport. Fl-aħħar, il-presidenti tal-Kumitat tal-Impjiegi (EMCO) u tal-Kumitat tal-Protezzjoni Soċjali (KPS) ippreżentaw ittra li biha infurmaw lill-ministri dwar l-aspetti fil-pjanijiet fiskali-strutturali fuq terminu medju li huma relatati mal-ħidma tal-Kunsill EPSCO.
Ġew ippreżentati wkoll il-programmi ta' ħidma tal-2025 tal-Kumitat tal-Impjiegi u tal-Kumitat tal-Protezzjoni Soċjali (informazzjoni mill-EMCO u l-KPS):
Din ir-riżorsa bħalissa hi disponibbli biss bil-lingwa jew il-lingwi li ġejjin:
Waqt l-ikla ta' nofsinhar, sar dibattitu informali dwar id-dritt għall-iskonnessjoni. Il-ministri qasmu l-fehmiet tagħhom dwar l-aħjar miżuri biex jiżdied l-għarfien fost l-impjegaturi u l-impjegati dwar ir-riskji assoċjati mal-kultura tax-xogħol ta' "disponibbiltà bla waqfien", u qasmu eżempji ta' dritt għall-iskonnessjoni fil-livell nazzjonali.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
