Kunsill Impjiegi, Politika Soċjali, Saħħa u Affarijiet tal-Konsumatur (Impjiegi u Politika Soċjali), 2 ta' Diċembru 2024

Riżultati ewlenin

Il-ġlieda kontra t-traineeships inġusti

Il-presidenza Ungeriża fittxet qbil dwar il-pożizzjoni ta' negozjar tal-Kunsill ("approċċ ġenerali") għad-"direttiva dwar it-traineeships", li għandha l-għan li ttejjeb il-kundizzjonijiet tax-xogħol għat-trainees u tipprevjeni lill-impjegaturi milli jaħbu r-relazzjonijiet ta' impjieg bħala traineeships.

Għalkemm għadd ta' stati membri kienu lesti jappoġġaw it-test kif inhu bħalissa, oħrajn ħassew li kien meħtieġ aktar żmien biex jiġu diskussi kwistjonijiet pendenti. B'riżultat ta' dan, il-Kunsill ser ikompli jaħdem fuq il-proposta taħt il-presidenza Pollakka.

Il-presidenza ppreżentat ukoll rapport ta' progress dwar ir-rakkomandazzjoni tal-Kunsill dwar qafas ta' kwalità msaħħaħ għat-traineeships, li jitlob li t-trainees kollha jitħallsu b'mod ġust, ikollhom aċċess għal protezzjoni soċjali adegwata u jingħataw mentor.

• Direttiva dwar it-traineeships (proposta tal-Kummissjoni)
• Seduta pubblika

Soluzzjonijiet komprensivi għall-isfidi demografiċi

Il-Kunsill kellu dibattitu ta' orjentazzjoni dwar is-suġġett ta' soluzzjonijiet komprensivi għall-isfidi demografiċi. Id-dibattitu kopra żewġ oqsma ta' prijorità ewlenin: l-appoġġ lill-ġenituri fl-isfidi demografiċi urġenti tal-lum, u l-mobilizzazzjoni tal-potenzjal mhux sfruttat tal-ġenerazzjonijiet żgħażagħ u dawk akbar fl-età.

Il-ministri tkellmu biex jiddiskutu wħud mill-aktar sfidi demografiċi urġenti f'pajjiżhom, bħal popolazzjoni li qed tixjieħ u rata baxxa ta' twelid, u esploraw uħud mill-kawżi ewlenin ta' dawn l-isfidi, b'mod partikolari d-diffikultajiet rigward il-bidu ta' ħajja indipendenti u ta' familja.

Qasmu wkoll eżempji ta' miżuri li ħadu biex jindirizzaw l-isfidi demografiċi, inkluż arranġamenti tax-xogħol flessibbli u miżuri biex jippromwovu l-ugwaljanza bejn il-ġeneri, l-appoġġ finanzjarju u l-ħelsien mit-taxxa għall-ġenituri u għal persuni li jindukraw, tagħlim tul il-ħajja għal persuni akbar fl-età, akkomodazzjoni aktar aċċessibbli u affordabbli, faċilitajiet ta' indukrar tat-tfal ta' kwalità għolja u aktar aċċessibbli, u t-trawwim tas-solidarjetà interġenerazzjonali.

• Soluzzjonijiet komprensivi għall-isfidi demografiċi (nota ta' gwida)
• Seduta pubblika

Nuqqas ta' ħaddiema u ħiliet fl-UE

Il-Kunsill approva konklużjonijiet dwar in-nuqqas ta' ħaddiema u ħiliet fl-UE, b'enfasi fuq il-mobilizzazzjoni tal-potenzjal tax-xogħol mhux sfruttat. Il-konklużjonijiet huma segwitu tal-pjan ta' azzjoni tal-Kummissjoni minn Marzu 2024 u jiffukaw fuq tnejn mill-ħames oqsma għal azzjoni identifikati: l-għajnuna lil persuni sottorappreżentati jaċċessaw is-suq tax-xogħol, u appoġġ għall-ħiliet, it-taħriġ u l-edukazzjoni.

Jeħtieġ li l-UE tindirizza n-nuqqas ta' ħaddiema u ħiliet jekk irridu nibqgħu fuq quddiem nett tal-kompetittività, l-innovazzjoni u t-tkabbir sostenibbli. Il-miżuri proposti fil-konklużjonijiet tal-lum mhux biss ser jgħinu biex jiġu indirizzati dawn in-nuqqasijiet, iżda ser jippermettu wkoll li l-gruppi sottorappreżentati jaċċessaw is-suq tax-xogħol u jkollhom aktar awtonomija ekonomika.

Márton Nagy, Ministru tal-Ungerija għall-Ekonomija Nazzjonali

• Nindirizzaw in-nuqqas ta' ħaddiema u ħiliet fl-UE: il-Kunsill japprova konklużjonijiet (stqarrija għall-istampa, 2 ta' Diċembru 2024)
• Nuqqas ta' ħaddiema u ħiliet fl-UE: il-mobilizzazzjoni tal-potenzjal tax-xogħol mhux sfruttat fl-Unjoni Ewropea (konklużjonijiet tal-Kunsill)
• Nuqqas ta' ħaddiema u ta' ħiliet fl-UE: pjan ta' azzjoni
• Seduta pubblika

Semestru Ewropew 2025

Fil-kuntest taċ-ċiklu tas-Semestru Ewropew 2025, il-ministri kellhom dibattitu ta' orjentazzjoni dwar il-prijoritajiet futuri fl-oqsma tal-impjiegi u l-politika soċjali fil-livell tal-UE, inkluż l-iżviluppi reċenti relatati mal-qafas ta' konverġenza soċjali.

Barra minn hekk, il-Kunsill:

• adotta l-linji gwida għall-politiki tal-istati membri dwar l-impjiegi, ippreżentati mill-Kummissjoni f'Ġunju 2024 bħala parti mill-pakkett tar-rebbiegħa tas-Semestru Ewropew
• ħa nota tal-preżentazzjoni mill-presidenti tal-Kumitat tal-Impjiegi (EMCO) u tal-Kumitat tal-Protezzjoni Soċjali (KPS) dwar il-valutazzjoni tal-Qafas ta' Konverġenza Soċjali (SCF)
• approva l-messaġġi ewlenin li jirriżultaw mir-rieżami tal-EMCO tal-implimentazzjoni tar-rakkomandazzjoni tal-2022 dwar il-kontijiet individwali tal-apprendiment

• Semestru Ewropew 2025: Prijoritajiet fil-qasam tal-impjiegi u tal-politika soċjali (nota ta' gwida)
• Linji gwida dwar l-Impjiegi
• Nota tal-EMCO/KPS dwar il-valutazzjoni tal-Qafas ta' Konverġenza Soċjali kif implimentat fuq bażi pilota fiċ-ċiklu tas-Semestru Ewropew 2024
• Rieżami tal-EMCO dwar l-implimentazzjoni tal-Kontijiet individwali tal-apprendiment - Messaġġi ewlenin
• Semestru Ewropew (informazzjoni ġenerali)
• Seduta pubblika

L-inklużjoni soċjali tal-persuni b'diżabilità

Il-Kunsill approva konklużjonijiet dwar it-trawwim tal-inklużjoni soċjali tal-persuni b'diżabilità permezz ta' impjieg, akkomodazzjoni raġonevoli u riabilitazzjoni.

Il-konklużjonijiet ikomplu bil-momentum ta' żviluppi reċenti fil-livell tal-UE relatati mad-drittijiet tal-persuni b'diżabilità, inkluż id-direttivi adottati reċentement dwar il-Kard Ewropea tad-Diżabilità u l-Kard Ewropea għall-Parkeġġ għal persuni b'diżabilità.

Il-Kunsill jenfasizza l-benefiċċji tal-parteċipazzjoni fl-impjieg bħala mod kif tiġi ffaċilitata l-inklużjoni soċjali tal-persuni b'diżabilità.

L-UE għamlet progress konsiderevoli f'dawn l-aħħar ftit snin fir-rigward tal-promozzjoni u l-protezzjoni tad-drittijiet tal-persuni b'diżabilità, kif attestat mid-direttivi adottati reċentement dwar il-Kard Ewropea tad-Diżabilità u l-Kard Ewropea għall-Parkeġġ għall-persuni b'diżabilità. Il-konklużjonijiet tal-lum jibnu fuq dak il-momentum, b'enfasi fuq id-dritt tal-persuni b'diżabilità li jaċċessaw l-impjiegi bħala rotta għall-awtonomija ekonomika u l-inklużjoni soċjali.

Ádám Kósa, Ministru tal-Istat tal-Ungerija għad-Diżabilità

• Il-Kunsill jappella għal appoġġ akbar biex tingħata għajnuna lill-persuni b'diżabilità biex ikollhom aċċess għas-suq tax-xogħol (stqarrija għall-istampa, 2 ta' Diċembru 2024)
• It-trawwim tal-inklużjoni soċjali tal-persuni b'diżabilità permezz ta' impjieg, akkomodazzjoni raġonevoli u riabilitazzjoni (konklużjonijiet tal-Kunsill)
• Diżabilità fl-UE (informazzjoni ġenerali)
• Seduta pubblika

Il-promozzjoni tal-inklużjoni soċjali billi jitnaqqsu l-inugwaljanzi territorjali

Il-Kunsill approva l-konklużjonijiet dwar it-titjib tal-aċċess għal servizzi li jippromwovu l-inklużjoni soċjali ta' persuni f'riskju ta' faqar jew esklużjoni soċjali, inkluż ir-Rom, billi jitnaqqsu l-inugwaljanzi territorjali.

Il-konklużjonijiet iħeġġu lill-pajjiżi tal-UE jiżguraw li ċ-ċittadini kollha, inkluż ir-Rom, ikollhom aċċess ugwali għal servizzi abilitanti ta' kwalità u għas-servizzi tal-impjiegi. Huma jistabbilixxu firxa ta' miżuri potenzjali biex jintlaħaq dan l-għan, bħal pjanijiet ta' azzjoni bbażati fuq il-post, aċċess għat-teknoloġija diġitali, u identifikazzjoni u mmappjar aħjar tat-territorji żvantaġġati.

• It-titjib tal-aċċess għal servizzi ta' sostenn u servizzi tal-impjiegi sabiex tiġi promossa l-inklużjoni soċjali ta' persuni f'riskju ta' faqar jew esklużjoni soċjali, inkluż ir-Rom, billi jitnaqqsu l-inugwaljanzi territorjali (konklużjonijiet tal-Kunsill)
• Seduta pubblika

Is-saħħa mentali tan-nisa u l-bniet

Il-Kunsill approva konklużjonijiet dwar it-tisħiħ tas-saħħa mentali tan-nisa u tal-bniet bil-promozzjoni tal-ugwaljanza bejn il-ġeneri. Il-konklużjonijiet ikopru firxa wiesgħa ta' miżuri, bħall-inkorporazzjoni ta' perspettiva tal-ġeneru fit-tfassil tal-politiki tas-saħħa mentali, il-ġlieda kontra l-forom kollha ta' vjolenza u sterjotipi tal-ġeneru, u s-sensibilizzazzjoni dwar l-importanza tal-implimentazzjoni f'waqtha u korretta tal-leġiżlazzjoni reċenti dwar it-trattament ugwali.

• It-tisħiħ tas-saħħa mentali tan-nisa u l-bniet bil-promozzjoni tal-ugwaljanza bejn il-ġeneri (konklużjonijiet tal-Kunsill)

  Din ir-riżorsa bħalissa hi disponibbli biss bil-lingwa jew il-lingwi li ġejjin:

  EN
• Saħħa mentali (informazzjoni ġenerali)
• Seduta pubblika

Il-bilanċ bejn ix-xogħol u l-ħajja privata u l-ugwaljanza bejn il-ġeneri

Il-Kunsill approva konklużjonijiet dwar l-iżgurar tal-bilanċ bejn ix-xogħol u l-ħajja privata u l-ugwaljanza bejn il-ġeneri għall-ġenerazzjonijiet kollha fil-kuntest ta' sfidi demografiċi.

Il-miżuri proposti jinkludu t-tisħiħ tas-servizzi tal-kura formali, l-introduzzjoni ta' arranġamenti tax-xogħol flessibbli, u l-ġlieda kontra l-etaiżmu u l-promozzjoni tas-solidarjetà interġenerazzjonali.

• L-iżgurar tal-bilanċ bejn ix-xogħol u l-ħajja privata u l-ugwaljanza bejn il-ġeneri għall-ġenerazzjonijiet kollha fil-kuntest ta' sfidi demografiċi (konklużjonijiet tal-Kunsill)

  Din ir-riżorsa bħalissa hi disponibbli biss bil-lingwa jew il-lingwi li ġejjin:

  EN
• Seduta pubblika

Affarijiet oħra

Is-suġġetti li ġejjin ġew diskussi taħt "affarijiet oħra":

Proposti leġiżlattivi attwali (informazzjoni mill-presidenza):

• Regolament dwar l-istatistika tas-suq tax-xogħol tal-Unjoni Ewropea dwar in-negozji

Proposti leġiżlattivi attwali (informazzjoni mill-Kummissjoni):

• Regolament dwar interfaċċa pubblika konnessa mas-Sistema ta' Informazzjoni tas-Suq Intern għad-dikjarazzjoni tal-postazzjoni tal-ħaddiema

Avvenimenti tal-presidenza (informazzjoni mill-presidenza):

• Laqgħa informali tal-ministri għall-impjiegi u l-affarijiet soċjali
• Laqgħa informali tal-ministri responsabbli mid-demografija
• Konferenzi ta' livell għoli

Summit soċjali tripartitiku (informazzjoni mill-presidenza u l-Kummissjoni)

Trattament ugwali u diskriminazzjoni intersezzjonali (informazzjoni mill-presidenza)

Rapporti tal-Kummissjoni dwar l-implimentazzjoni tal-istrateġiji għall-ugwaljanza (informazzjoni mill-Kummissjoni)

• Rapport dwar l-implimentazzjoni tal-Pjan ta' Azzjoni tal-UE għall-Ġlieda kontra r-Razziżmu 2020-2025
• Rapport dwar l-implimentazzjoni tal-oqfsa strateġiċi nazzjonali għar-Rom
• Rapport dwar l-implimentazzjoni tal-istrateġija dwar l-ugwaljanza tal-LGBTIQ 2020-2025

Programm ta' ħidma tal-presidenza li jmiss (informazzjoni mill-Polonja)

Għodod diġitali għall-promozzjoni tal-moviment liberu u ġust tal-ħaddiema fl-UE (informazzjoni mid-Danimarka, appoġġata mill-Belġju, il-Finlandja, il-Ġermanja, il-Greċja, il-Kroazja, in-Netherlands u s-Slovenja)

Forum Soċjali ta' Porto 2025 (informazzjoni mill-Portugall)

Stħarriġ tal-UE dwar il-vjolenza abbażi tal-ġeneru (informazzjoni mill-Kummissjoni)

Ikla ta' nofsinhar informali

Sar dibattitu informali waqt l-ikla ta' nofsinhar dwar is-suġġett "l-indirizzar tad-diskrepanzi fil-ħiliet għal tranżizzjoni ekoloġika u diġitali ta' suċċess lejn impjiegi ta' kwalità għolja fis-suq tax-xogħol".

Il-Kunsill adotta wkoll mingħajr diskussjoni l-punti li jidhru fil-listi ta' punti A leġiżlattivi u mhux leġiżlattivi.