"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.

Żur il-paġna tal-politika tal-cookies tagħna għal aktar informazzjoni u biex tibdel is-settings tiegħek.

български español čeština dansk Deutsch eesti Ελληνικά English français Gaeilge hrvatski italiano latviešu lietuvių magyar Malti Nederlands polski português română slovenčina slovenščina suomi svenska
Skip to content

Kunsill Affarijiet Barranin

Kunsill Affarijiet Barranin, 17/03/2014, 17 ta' Marzu 2014

Il-Kunsill jikkundanna r-referendum illegali fil-Krimea

Imlaqqgħin fil-Kunsill Affarijiet Barranin, il-ministri tal-UE kkundannaw bis-saħħa r-referendum fil-Krimea u ma rrikonoxxewx l-eżitu tiegħu. Huma ddeċidew ukoll li jintroduċu sett addizzjonali ta' miżuri kontra 21 uffiċjal responsabbli għal azzjonijiet li jheddu l-integrità territorjali tal-Ukraina.

Il-Kunsill jikkunsidra t-twettiq tar-referendum bħala illegali, u bħala ksur ċar tal-kostituzzjoni tal-Ukraina. Il-ministri ħadu nota tal-abbozz ta' opinjoni tal-Kummissjoni ta' Venezja li tiddikjara li r-referendum tal-Krimea seħħ bil-preżenza viżibbli ta' suldati armati. L-UE ma tirrikonoxxix u ma tistax tirrikonoxxi l-eżitu ta' referendum organizzat f'ċirkostanzi bħal dawn.

Il-ministri tal-affarijiet barranin tal-UE kkundannaw ukoll l-iżviluppi negattivi li raw fuq il-post li qed jiksru b'mod ċar is-sovranità u l-integrità territorjali tal-Ukraina.

Fid-dawl ta' dawn l-iżviluppi, u f'konformità mad-dikjarazzjoni mill-kapijiet ta' stat jew ta' gvern tal-UE fis-6 ta' Marzu, il-Kunsill adotta miżuri restrittivi kontra 21 uffiċjal, u l-persuni u l-entitajiet assoċjati magħhom għar-rwol tagħhom fl-azzjonijiet li jheddu l-integrità territorjali, is-sovranità u l-indipendenza tal-Ukraina. Illum jidħlu fis-seħħ il-projbizzjonijiet fuq l-ivvjaġġar u l-iffriżar tal-assi fl-UE.

Il-Kunsill qed ifittex li jistabbilixxi preżenza internazzjonali fuq il-post u jappoġġa l-mobilizzazzjoni ta' Missjoni ta' Monitoraġġ Speċjali tal-OSKE għall-Ukraina.

Il-Kunsill jappella għal soluzzjoni paċifika u nnegozjata

Il-ministri tal-UE qalu li għad baqa' żmien biex jitreġġgħu lura l-iżviluppi negattivi attwali. L-Unjoni Ewropea tibqa' lesta li tiffaċilita d-djalogu bejn l-Ukraina u r-Russja. Huma appellaw lill-awtoritajiet Russi biex jieħdu passi sabiex titrażżan il-kriżi u wissew li għandhom jiġu implimentati sanzjonijiet ekonomiċi aktar qawwija fil-każ ta' azzjonijiet ulterjuri mir-Russja li jiddestabilizzaw is-sitwazzjoni fl-Ukraina.

Il-Kunsill approva l-modalitajiet għall-iffirmar tad-dispożizzjonijiet politiċi tal-Ftehim ta' Assoċjazzjoni fil-21 ta' Marzu fi Brussell. "Dan huwa sinjal qawwi tal-appoġġ politiku tagħna," qalet ir-Rappreżentant Għoli.

Il-Kunsill ikkonferma l-impenn tal-UE biex jimplimenta malajr il-pakkett ta' assistenza għall-Ukraina.

Suġġetti oħra fuq l-aġenda

Ir-Rappreżentant Għoli tal-UE informat ukoll lill-ministri dwar il-vjaġġ reċenti tagħha fil-Bosnja-Ħerzegovina fejn hi ddiskutiet kif l-UE tista' tappoġġa bl-aħjar mod l-isfidi politiċi, soċjali u ekonomiċi li qed jiffaċċja l-pajjiż.

Il-ministri ngħataw aġġornament dwar il-Proċess ta' paċi fil-Lvant Nofsani u s-sitwazzjoni attwali tal-isforzi li għaddejjin miż-żewġ partijiet u mill-Istati Uniti għal soluzzjoni dejjiema tal-konflitt bejn l-Iżrael u l-Palestina. Hija kkonfermat l-appoġġ sħiħ tal-UE għall-isforzi tat-taħditiet ta' paċi u l-possibbiltà li ż-żewġ partijiet jibbenefikaw minn pakkett bla preċedent fil-każ li jista' jintlaħaq ftehim ta' paċi sostenibbli.

Il-ministri ddiskutew u adottaw konklużjonijiet dwar:

  • l-istrateġija tal-UE dwar il-Golf tal-Ginea
  • l-implimentazzjoni tal-Istrateġija tal-UE għas-Sigurtà u l-Iżvilupp fis-Saħel
  • il-Programm ta' Żvilupp għall-Afrika tal-Punent
  • il-kriżi li għaddejja fis-Sudan t'Isfel
  • ir-Repubblika Ċentru-Afrikana

Tagħrif għall-istampa

Kuntatti għall-istampa

Jekk m'intix ġurnalist(a), jekk jogħġbok ibgħat it-talba tiegħek lis-servizz għall-informazzjoni tal-pubbliku.

Akkreditazzjoni u avvenimenti għall-istampa

Għal informazzjoni ġenerali dwar l-akkreditazzjoni, jekk jogħġbok żur din il-paġna.

L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.

Kompli segwina

Laqgħat oħra: Kunsill Affarijiet Barranin

Ara laqgħat oħrajn

L-aħħar reviżjoni: 15 ta' Jannar 2025