An Chomhairle Gnóthaí Eachtracha
Sa Chomhairle Gnóthaí Eachtracha, cinntítear aontacht, comhsheasmhacht agus éifeachtacht ghníomhaíocht sheachtrach an Aontais Eorpaigh.
Is í an Chomhairle Gnóthaí Eachtracha atá freagrach as beartas eachtrach an Aontais, agus is inti a bhainistítear caidreamh taidhleoireachta an Aontais ar an leibhéal domhanda.
Sa Chomhairle seo, déantar cinntí maidir le cúrsaí slándála agus cosanta, tugtar comhaontuithe trádála i gcrích agus bunaítear comhpháirtíochtaí idirnáisiúnta.
Réimsí oibre na Comhairle Gnóthaí Eachtracha
Déantar cinntí sa Chomhairle darb aidhm tionscal cosanta agus cumas míleata an Aontais, agus bearta eile a bhaineann leis an gcosaint, a neartú.
Beachtaítear seasamh an Aontais maidir leis an trádáil dhomhanda; tá ról ríthábhachtach aici i gcomhaontuithe trádála le tíortha agus réigiúin nach bhfuil san Aontas.
Leagtar amach beartas an Aontais maidir le comhar agus comhpháirtíochtaí idirnáisiúnta, lena n-áirítear tríd an Tairseach Dhomhanda.
Cinntítear freagairt an Aontais ar ghéarchéimeanna domhanda, mar shampla, cogadh na Rúise ar an Úcráin agus na géarchéimeanna in Gaza, san Afganastáin, i Veiniséala agus sa tSúdáin.
Glactar smachtbhannaí lena ndírítear ar dhuine nó ar dhaoine agus ar eintitis atá freagrach as gníomhaíochtaí áirithe, mar shampla, gníomhaíochtaí sceimhlitheoireachta nó gníomhaíochtaí lena mbaintear an bonn d’iomláine chríochach, agus ar bagairt iad na gníomhaíochtaí sin ar an méid sin.
Cuirtear cearta an duine chun cinn ar fud an domhain, leagtar amach tosaíochtaí straitéiseacha an Aontais ag fóraim de chuid na Náisiún Aontaithe agus glactar smachtbhannaí i bhfianaise sáruithe ar chearta an duine.
Le déanaí, pléadh
Cogadh na Rúise ar an Úcráin
An Meánoirthear agus an Afraic Thuaidh
Ullmhacht cosanta na hEorpa
An caidreamh idir an tAontas agus an chuid eile den domhan
A bhfuil i gceist leis an gComhairle Gnóthaí Eachtracha
Tagann airí sin na mBallstát atá freagrach as gnóthaí eachtracha, an chosaint, an trádáil nó an fhorbairt le chéile don Chomhairle Gnóthaí Eachtracha. Ag brath ar an gclár oibre, tagann sí le chéile i gceithre chomhdhéanamh éagsúla.
Gnóthaí Eachtracha
Airí gnóthaí eachtracha na mBallstát atá ar an gComhairle Gnóthaí Eachtracha. Tagann sí le chéile thart ar uair sa mhí, sa Bhruiséil den chuid is mó agus cúpla uair sa bhliain i Lucsamburg. Déanann Ardionadaí an Aontais do Ghnóthaí Eachtracha agus don Bheartas Slándála cathaoirleacht ar an gComhairle seo. Tagann na hairí gnóthaí eachtracha le chéile faoi dhó sa bhliain le haghaidh cruinniú neamhfhoirmiúil, ar a dtugtar ‘Gymnich’.
An Chosaint
Airí cosanta an Aontais atá sa Chomhairle seo cé go bhféadfadh sé tarlú gurb iad na hairí gnóthaí eachtracha iad i roinnt de na Ballstáit. Tagann sí le chéile uair amháin gach 6 mhí, ar a laghad, agus Ardionadaí an Aontais do Ghnóthaí Eachtracha agus don Bheartas Slándála a dhéanann cathaoirleacht uirthi.
An Trádáil
Airí trádála an Aontais atá sa Chomhairle seo cé go bhféadfadh sé tarlú gurb iad na hairí gnóthaí eachtracha nó na hairí geilleagair iad i roinnt de na Ballstáit. Tagann sí le chéile uair amháin gach 6 mhí, ar a laghad, agus is í uachtaránacht rothlach Chomhairle an Aontais Eorpaigh a dhéanfaidh cathaoirleacht air. Anuas air sin, tagann sí le chéile ar imeall chruinniú aireachta bliantúil na hEagraíochta Domhanda Trádála.
An Fhorbairt
Airí forbartha an Aontais atá sa Chomhairle seo cé go bhféadfaidh sé tarlú gurb iad na hairí gnóthaí eachtracha iad i roinnt de na Ballstáit. Tagann sí le chéile uair amháin gach sé mhí, ar a laghad, agus Ardionadaí an Aontais do Ghnóthaí Eachtracha agus don Bheartas Slándála a dhéanfaidh cathaoirleacht air.
Cuirtear chun feidhme na treoirlínte straitéiseacha a leagann an Chomhairle Eorpach amach in ábhair a bhaineann le gnóthaí eachtracha. Glacann coimisinéirí ábhartha an Choimisiún Eorpaigh páirt sna cruinnithe freisin.
Is iad comhaltaí Coreper – buanionadaithe na 27 mBallstát – le tacaíocht ón gCoiste Polaitiúil agus Slándála agus thart ar 30 meitheal speisialaithe a ullmhaíonn obair na Comhairle Gnóthaí Eachtracha.
Cathaoirleacht ar an gComhairle Gnóthaí Eachtracha
Stiúrann an tArdionadaí do Ghnóthaí Eachtracha agus don Bheartas Slándála comhbheartas eachtrach agus slándála an Aontais agus is é an tArdionadaí freisin a dhéanann cathaoirleacht ar an gComhairle Gnóthaí Eachtracha.
Is í Kaja Kallas an tArdionadaí reatha. Is í an tArdionadaí freisin leasuachtarán an Choimisiúin Eorpaigh agus ceann na Seirbhíse Eorpaí Gníomhaíochta Seachtraí – seirbhís taidhleoireachta an Aontais.
Nuacht ábhartha
Chemical weapons: EU sanctions six individuals involved in Navalny’s poisoning and death Ráiteas ón Ardionadaí thar ceann an Aontais maidir leis an gcreat-chomhaontú idir Iosrael agus an Liobáin Ráiteas ón Ardionadaí thar ceann an Aontais Eorpaigh maidir le tíortha áirithe a bheith ag seasamh le bearta sriantacha i bhfianaise na staide sa Rúis
Teagmhálaithe preasa
-
Maria Daniela Lenzu Press officer
Foreign Affairs, Security & Defence Issues, Development
- +32 470 88 04 02
- +32 2 281 21 46
- @daniela_lenzu
-
Carlo Zarcone Press officer
Foreign Affairs, Trade, Corporate communication
- +32 471 33 31 73
- +32 2 281 70 66
- @carlozarconeeu
- @carlozarconeeu.bsky.social
Murab iriseoir thú, seol d'iarratas chuig an tseirbhís um fhaisnéis don phobal le do thoil.
Foirmíochtaí uile na Comhairle
-
An Chomhairle Ceartais agus Gnóthaí Baile
-
An Chomhairle Comhshaoil
-
An Chomhairle Fostaíochta, Beartais Shóisialta, Sláinte agus Gnóthaí Tomhaltóirí (Comhairle EPSCO)
-
An Chomhairle Gnóthaí Eachtracha
-
An Chomhairle Gnóthaí Eacnamaíocha agus Airgeadais (Comhairle ECOFIN)
-
An Chomhairle Gnóthaí Ginearálta
-
An Chomhairle Iomaíochais
-
An Chomhairle Iompair, Teileachumarsáide agus Fuinnimh
-
An Chomhairle Oideachais, Óige, Cultúir agus Spóirt (Comhairle OOCS)
-
An Chomhairle Talmhaíochta agus Iascaigh
An t-athbhreithniú deireanach: an 30 Meitheamh 2026