An Chomhairle Comhshaoil

Is í an Chomhairle Comhshaoil atá freagrach as beartas comhshaoil an Aontais, lena n-áirítear cosaint an chomhshaoil, gníomhú ar son na haeráide, úsáid inbhuanaithe na n-acmhainní agus cosaint do shláinte an duine.

Téigh chuig féilire na gcruinnithe

Sa Chomhairle seo, tá airí na mBallstát atá freagrach as an mbeartas comhshaoil; tá sé mar aidhm aici an inbhuanaitheacht a chur chun cinn, acmhainní nádúrtha a chosaint agus comhar maidir le dúshláin chomhshaoil a chur chun cinn i mBallstáit uile an Aontais.

Déantar comhordú freisin ar ghníomhaíocht an Aontais maidir le cúrsaí comhshaoil idirnáisiúnta, go háirithe maidir leis an athrú aeráide.

Sa dearadh ealaíonta seo ar chairt chiorclach, tá fia ar féarach, íomhá de bhileog cabáiste agus codanna de roth ildaite. Trí ghorméan ag snámh ar an aer agus réaltaí ar foluain sa chúlra.

Réimsí oibre na Comhairle Comhshaoil

An aeráid

Cuidítear le beartais aeráide an Aontais a bheachtú agus a chur chun feidhme, spreagtar iarrachtaí chun astaíochtaí gás ceaptha teasa a laghdú, fuinneamh glan a chur chun cinn, agus an aeráidneodracht a bhaint amach faoi 2050.

An geilleagar ciorclach

Neartaítear an geilleagar ciorclach trí bheartais a chur chun cinn lena laghdaítear an dramhaíl, lena spreagtar an athchúrsáil agus an athúsáid, agus lena ndéantar gnáthchleachtas den táirgeadh inbhuanaithe ar fud na hEorpa.

Truailliú

Déantar bearta chun an truailliú a laghdú agus chun sláinte an duine agus an comhshaol a chosaint.

An dúlra agus an bhithéagsúlacht

Cuirtear beartais chun cinn chun an dúlra agus an bhithéagsúlacht a chosaint, lena gcinntítear caomhnú agus athbhunú éiceachóras agus speiceas i mBallstáit uile an Aontais.

A bhfuil i gceist leis an gComhairle Comhshaoil

Airí na mBallstát atá freagrach as ábhair a bhaineann leis an aeráid agus leis an gcomhshaol atá sa Chomhairle seo. Dírítear ar chosaint an chomhshaoil, ar ghníomhú ar son na haeráide, ar úsáid inbhuanaithe acmhainní nádúrtha agus ar chosaint shláinte an duine.

Is gnách go dtagann an Chomhairle le chéile ceithre huaire sa bhliain.

Déanann roinnt meithleacha speisialaithe agus Coreper I obair ullmhúcháin don Chomhairle Chomhshaoil.

Clár Oibre Uachtaránacht na Cipire

Ina cáil mar institiúid ceaptha beartais, tá an Chomhairle freagrach, i gcomhar le Parlaimint na hEorpa, as reachtaíocht uaillmhianach a ghlacadh i réimse an chomhshaoil, trína ndéanfar gnáthóga nádúrtha a chosaint, an t-aer agus an t-uisce a choinneáil glan, trína gcinntítear go ndéanfar dramhaíl a dhiúscairt mar is ceart, go gcuirfear feabhas ar an eolas faoi cheimiceáin thocsaineacha agus go gcabhrófar le cuideachtaí bogadh i dtreo geilleagar inbhuanaithe.

Cinntítear freisin go ndéantargnéithe an chomhshaoil a chomhtháthú i gceart i mbeartais eile de chuid an Aontais, mar shampla sa tionsclaíocht, sa talmhaíocht, san iompar, san fhuinneamh agus sna seirbhísí.

Ar an leibhéal idirnáisiúnta, déanann an tAontas agus na Ballstáit a ndícheall le go gcuirtear caighdeáin chomhshaoil an Aontais i bhfeidhm sna comhaontuithe idirnáisiúnta i ndáil leis an gcomhshaol agus leis an athrú aeráide. Chuige sin, tá an Chomhairle freagrach as seasaimh an Aontais a ullmhú i ndáil le comhdhálacha idirnáisiúnta agus le caibidlíocht faoin athrú aeráide.