Cárta Gorm AE: tallann a mhealladh
Tá níos mó agus níos mó iomaíochta ann idir an tAontas agus cinn scríbe eile sa rás domhanda ar thóir daoine cumasacha. Chun oibrithe ardcháilithe a mhealladh agus a choimeád — go háirithe in earnálacha ina bhfuil ganntanas scileanna — nuashonraigh an tAontas an treoir maidir leis an gcárta gorm i mí Dheireadh Fómhair 2021.
Leis na rialacha nua, déanfar comhchuibhiú breise ar na coinníollacha iontrála agus cónaithe d’oibrithe ardcháilithe as tíortha nach tíortha den Aontas Eorpach iad agus méadófar ar a tharraingtí atá cárta gorm AE.
Tá na Ballstáit in ann scéimeanna náisiúnta a choinneáil d’oibrithe ardcháilithe maille le scéim chárta gorm AE. Mar sin féin, leis na rialacha nua seo, tugtar isteach roinnt forálacha chun a chinntiú nach mbeidh sealbhóirí an chárta ghoirm agus a dteaghlaigh faoi mhíbhuntáiste i gcomparáid le sealbhóirí na gceadanna náisiúnta.
Mínítear sa ghrafaic faisnéise seo cad é cárta gorm AE, cé atá incháilithe agus cad iad na cearta atá ag sealbhóirí an chárta ghoirm.
Cárta Gorm AE: tallann a mhealladh
Cad é cárta gorm AE?
I gcás oibrithe ardoilte as tríú tír, tig leo iarratas a dhéanamh ar chárta gorm AE ionas gur féidir leo cur fúthu agus fostaíocht a fháil san Aontas Eorpach. Tá feidhm ag an gcárta i dtíortha uile an Aontais, cé is moite den Danmhairg agus Éire.
Cad iad na cearta atá ag sealbhóirí chárta gorm AE?
- teacht isteach, teacht isteach arís agus fanacht ar chríoch an Bhallstáit ina n-eisítear an cárta
- rochtain ar fhostaíocht ardcháilíochta sa Bhallstát ina n-eisítear an cárta
- caithfear leo mar a chaitear le náisiúnaigh an Bhallstáit ó thaobh dálaí oibre, oideachais agus oiliúna, slándála sóisialta, agus ó thaobh rochtain ar sheirbhísí
- iarratas a dhéanamh ar cheadúnais athaontaithe teaghlaigh do thréimhse den fhad céanna agus tréimhse chárta gorm AE
- tréimhsí cónaithe a charnadh i mBallstáit éagsúla ionas gurb incháilithe iad le cead cónaithe fadtréimhsigh de chuid an Aontais a fháil
Cad iad na coinníollacha chun iarratas a dhéanamh?
- conradh oibre bailí nó tairiscint cheangailteach ar fhostaíocht ardcháilíochta dar íostréimhse sé mhí
- tairiscint ar olltuarastal bliantúil a shásaíonn an tairseach atá leagtha síos ag na Ballstáit
- i gcás gairmeacha rialáilte: na coinníollacha a chomhlíonadh maidir le cleachtadh na gairme
- i gcás gairmeacha neamhrialáilte: ardcháilíochtaí ábhartha gairme
- i gcás oibrithe TF: ardscileanna ábhartha gairme
Cuirfear an t-iarratasóir ar an eolas faoin gcinneadh laistigh de 90 lá ó cuireadh isteach an t-iarratas.
Cá fhad a bheidh an ceadúnas bailí?
I gcás conradh oibre 2 bhliain nó níos faide: beidh an ceadúnas bailí go ceann tréimhse chaighdeánach a chinneann na mBallstáit (24 mhí ar a laghad).
I gcás conradh oibre níos giorra ná 2 bhliain: beidh an ceadúnas bailí le haghaidh ré an chonartha + 3 mhí (24 mhí ar a mhéad).
An féidir le sealbhóirí an chárta ghoirm bogadh laistigh den Aontas?
Is féidir le sealbhóirí an chárta ghoirm bogadh laistigh den Aontas Eorpach.
Soghluaisteacht ghearrthéarmach: is féidir leo taisteal go tíortha eile den Aontas ar feadh 3 mhí de thréimhse 6 mhí chun gníomhaíocht ghnó a chur i gcrích.
Soghluaisteacht fhadtéarmach: ach bliain amháin a bheith caite acu i mBallstát, féadfaidh siad cónaí agus oibriú i mBallstát eile agus iarratas a dhéanamh ar chárta gorm nua trí nós imeachta gasta simplí.
An bhfuil eisceachtaí ann?
Tig leis na Ballstáit nósanna imeachta a shimpliú d’fhostóirí aitheanta, mar shampla:
- iarratasóir a dhíolmhú ó cháipéisí áirithe a sholáthar
- spriocdhátaí níos giorra maidir leis an bhfógra faoin gcinneadh
Ar an Tairseach Eorpach um shoghluaisteacht ó phost go chéile (EURES), tá teacht ar fhorléargas ar fholúntais reatha, leideanna maidir le conas iarratas a dhéanamh ar phost agus eolas faoi dhálaí maireachtála agus oibre i dtíortha uile an Aontais:
An t-athbhreithniú deireanach: an 10 Eanáir 2023