"Bainimid úsáid as fianáin lena chinntiú go bhfeabhsaítear d’eispéireas brabhsála. Tá gá le fianáin riachtanacha chun tacú le gnéithe bunriachtanacha de shuíomh gréasáin na Comhairle. Cuidíonn na fianáin roghnacha linn tuarascálacha staidrimh anaithnide, comhiomlánaithe a tháirgeadh chun freastal níos fearr ar do chuid riachtanas.
Le cead uaitse, úsáidfimid fianáin le sonraí comhlánaithe anaithnide a tháirgeadh maidir le brabhsáil agus iompraíocht na gcuairteoirí ar ár suíomh gréasáin. Úsáidfimid na sonraí sin chun feabhas a chur ar an eispéireas agat ar ár suíomh.
An Chomhairle Gnóthaí Eacnamaíocha agus Airgeadais
An Chomhairle Gnóthaí Eacnamaíocha agus Airgeadais, 05/12/2019, 5 Nollaig 2019
Príomhthorthaí
Gníomhú ar son na haeráide
Ghlac an Chomhairle conclúidí maidir le creat an Aontais i ndáil le cánachas fuinnimh.
Tá ról tábhachtach ag Treoir an Aontais maidir le Cánachas Fuinnimh chun cánachas ar fhuinneamh a chomhchuibhiú agus i dtaca le dea-fheidhmiú mhargadh inmheánach an Aontais. Ach leis an athbhreithniú ar an treoir, d'fhéadfaí cur le cuspóirí comhshaoil agus tacú leis an aistriú chuig Aontas a bheadh aeráidneodrach.
Mika Lintilä, Aire Airgeadais na Fionlainne
Thacaigh an Chomhairle le nuashonrú ar an gcreat dlíthiúil maidir le cánachas fuinnimh a chuirfidh le cuspóirí beartais eacnamaíoch agus comhshaoil i gcoitinne.
D’fhormheas an Chomhairle plean oibre maidir le gníomhú ar son na haeráide lena mbunófar plé rialta beartais ag Comhairle ECOFIN i ndáil le gníomhú ar son na haeráide. Phléigh na hairí airgeadais freisin an clár oibre don mhaoiniú inbhuanaithe a bheidh ann amach anseo.
Níl an acmhainn seo ar fáil faoi láthair ach amháin sa teanga (sna teangacha) seo a leanas:
Ghlac an Chomhairle conclúidí maidir le tosaíochtaí straitéiseacha ó thaobh frithsciúradh airgid agus i ndáil le maoiniú sceimhlitheoireachta a chomhrac.
Is príomhthosaíocht don Aontas Eorpach é sciúradh airgid agus maoiniú na sceimhlitheoireachta a chomhrac. Is cúis áthais dom go rabhamar in ann teacht ar chomhaontú maidir le tosaíochtaí nua uaillmhianacha i gcoinne sciúradh airgid, tosaíochtaí a thugann treoir pholaitiúil shoiléir don Choimisiún nua chun an obair seo a thabhairt ar aghaidh.
Mika Lintilä, Aire Airgeadais na Fionlainne
Iarrann an Chomhairle ar an gCoimisiún féachaint ar ghníomhaíochtaí breise a d'fhéadfaí a dhéanamh chun feabhas a chur ar an gcreat reatha, go háirithe tríd an méid seo a leanas a mheas:
bealaí chun comhar níos láidre agus níos éifeachtaí a chinntiú idir na húdaráis agus na comhlachtaí ábhartha a bhfuil ról acu maidir le frithsciúradh airgid agus maoiniú sceimhlitheoireachta, agus trí aghaidh a thabhairt ar bhacainní maidir le malartú eolais eatarthu;
an bhféadfaí aghaidh a thabhairt ar ghnéithe áirithe ar bhealach níos fearr trí rialachán;
na deiseanna, buntáistí agus míbhuntáistí a bhainfeadh le freagrachtaí agus cumhachtaí maoirseachta áirithe a thabhairt do chomhlacht de chuid an Aontais.
Tá gá le comhar breise maidir le frithsciúradh airgid.
Aontas na margaí caipitil
Ghlac an Chomhairle conclúidí lena leagtar amach cuspóirí chun aontas na margaí caipitil (AMC) a dhoimhniú a thuilleadh. Leis na conclúidí, múnlófar formáid agus raon feidhme an treochláir nua le haghaidh gníomhaíocht bhreise chun margaí caipitil Bhallstáit an Aontais a chomhtháthú a thuilleadh.
Ghlac an Chomhairle agus an Coimisiún ráiteas comhpháirteach freisin maidir leis an gcriptea-airgeadra stablecoin. Cuireann an ráiteas chun suntais na deiseanna a bhaineann leis an gcriptea-airgeadra stablecoin i dtéarmaí íocaíochtaí atá saor agus tapa ach chomh maith leis sin na rioscaí a bhaineann leo.
Cuireann an Chomhairle agus an Coimisiún chun suntais a réidhe atá siad gach beart is gá a ghlacadh chun caighdeáin iomchuí i ndáil le cosaint tomhaltóirí agus coinníollacha airgeadaíochta agus airgeadais a áirithiú. Dearbhaíonn an Chomhairle agus an Coimisiún nár cheart aon socrú domhanda maidir leis an gcriptea-airgeadra stablecoin a chur ag feidhmiú san Aontas Eorpach go dtí go sainaithneofar agus do dtabharfar aghaidh go leordhóthanach ar na dúshláin agus na rioscaí dlíthiúla, rialála agus maoirseachta.
Ghlac an Chomhairle conclúidí maidir le hollstruchtúr airgeadais an Aontais don fhorbairt.
Cuireann na conclúidí chun suntais an gá atá leis an ollstruchtúr airgeadais Eorpach don fhorbairt a dhéanamh níos láidre, níos solúbtha, níos comhtháite, níos comhleanúnaí, níos straitéisí agus níos freagrúla don athrú aeráide agus do riachtanais forbartha. Tugann siad tacaíocht do na bearta gearrthéarmacha a cuireadh chun cinn sa tuarascáil ó Ghrúpa na Saoithe, agus leagann siad amach an bealach chun cinn chun machnamh polaitiúil a ullmhú maidir le hathchóirithe institiúideacha a d'fhéadfaí a dhéanamh amach anseo.
Chuir an Coimisiún staid na himeartha i láthair a mhéid a bhaineann le cur chun feidhme an phlean gníomhaíochta chun dul i ngleic le hiasachtaí neamhthuillmheacha san Eoraip.
Dlínsí atá neamh-chomhoibríocha chun críoch cánach
Ghlac an Chomhairle conclúidí agus d'fhormhuinigh sí tuarascáil sé mhí maidir leis an dul chun cinn atá déanta ag an Mheitheal um an gCód Iompair (Cánachas Gnó) gan aon phlé a dhéanamh.
Áirítear go háirithe sa tuarascáil mionsonrú ar an staid mar atá i leith liosta an Aontais de dhlínsí atá neamh-chomhoibríoch chun críoch cánach.
Áirítear freisin treoir maidir le bearta cosanta náisiúnta a chomhordú a thuilleadh i réimse na cánach agus i dtaca le dlínsí neamh-chomhoibríocha (atá in Iarscríbhinn 4 den tuarascáil). Sa treoir sin iarrtar ar na Ballstáit uile beart cosanta reachtach a chur i bhfeidhm maidir le cánachas vis-à-vis na dlínsí a liostaítear amhail ón 1 Eanáir 2021, leis an aidhm na dlínsí sin a spreagadh chun na critéir a chomhlíonadh maidir le scagadh sa Chód Iompair maidir le cánachas atá cothrom agus trédhearcach.
D'eisigh an Chomhairle cinntí maidir leis an Ungáir agus an Rómáin, atá faoi réir nósanna imeachta diallais shuntasaigh atá ag dul ar aghaidh. Daingnítear leis na cinntí nach ndearnadh bearta éifeachtacha. Thug an Chomhairle moltaí nua uaithi maidir le bearta chun na diallais a cheartú.
Níl an acmhainn seo ar fáil faoi láthair ach amháin sa teanga (sna teangacha) seo a leanas:
Is iad údaráis rialtais na tíre óstaí a láimhseálfaidh creidiúnú na meán le haghaidh cruinnithe mullaigh idirnáisiúnta a reáchtáiltear lasmuigh den Aontas Eorpach.
Tá ról tábhachtach ag Treoir an Aontais maidir le Cánachas Fuinnimh chun cánachas ar fhuinneamh a chomhchuibhiú agus i dtaca le dea-fheidhmiú mhargadh inmheánach an Aontais. Ach leis an athbhreithniú ar an treoir, d'fhéadfaí cur le cuspóirí comhshaoil agus tacú leis an aistriú chuig Aontas a bheadh aeráidneodrach.
