"Bainimid úsáid as fianáin lena chinntiú go bhfeabhsaítear d’eispéireas brabhsála. Tá gá le fianáin riachtanacha chun tacú le gnéithe bunriachtanacha de shuíomh gréasáin na Comhairle. Cuidíonn na fianáin roghnacha linn tuarascálacha staidrimh anaithnide, comhiomlánaithe a tháirgeadh chun freastal níos fearr ar do chuid riachtanas.
Le cead uaitse, úsáidfimid fianáin le sonraí comhlánaithe anaithnide a tháirgeadh maidir le brabhsáil agus iompraíocht na gcuairteoirí ar ár suíomh gréasáin. Úsáidfimid na sonraí sin chun feabhas a chur ar an eispéireas agat ar ár suíomh.
An Chomhairle Iompair, Teileachumarsáide agus Fuinnimh
An Chomhairle Iompair, Teileachumarsáide agus Fuinnimh (Iompar), 5 Meitheamh 2025
Na príomhthorthaí
Iompar
Is freagra é an seasamh, ar glacadh ar deireadh inniu é, ar ghlao práinneach ó aerphaisinéirí agus ó aerlínte go mbeadh rialacha atá cothrom le dáta, níos soiléire agus níos simplí i bhfeidhm. Leis na rialacha athbhreithnithe, tabharfar os cionn 30 ceart nua do na haerphaisinéirí, cearta a bheidh infheidhme ón uair a cheannaíonn siad ticéad, go dtí go mbaineann siad a gceann scríbe amach, agus, i gcásanna áirithe, níos faide i gcéin. Cloch mhíle stairiúil is ea é, toisc nárbh fhéidir teacht ar chomhaontú le 12 bhliain anuas.
Dariusz Klimczak, Aire Bonneagair na Polainne
Cearta aerphaisinéirí
Tháinig an Chomhairle ar chomhaontú polaitiúil i ndáil leis an athbhreithniú ar na rialacháin maidir le cearta aerphaisinéirí agus maidir le dliteanas aerlínte. Freagraíonn an t-athbhreithniú don ghá atá le rialacha níos simplí agus níos soiléire, agus é mar aidhm ag an am céanna cothromaíocht níos fearr a bhaint amach idir ardleibhéal cosanta do phaisinéirí, agus nascacht agus an cothroime iomaíochta a chaomhnú d’earnáil na heitlíochta i margadh inmheánach an Aontais.
Is é is aidhm do na rialacha nua roinnt cearta aerphaisinéirí atá ann cheana a neartú agus a shoiléiriú, mar aon le roinnt cearta nua a thabhairt isteach. Ar na príomhchearta sa téacs a neartaíodh tá na cearta chun athródaithe, an ceart chun cúnaimh agus an ceart chun faisnéise.
Sa téacs chomh maith tá tairseacha cothrom le dáta le haghaidh cúiteamh i ngeall ar mhoilleanna fada.
Bhí an chéad seisiún tuairimíochta ag na hairí maidir leis an nuashonrú a moladh le déanaí ar an bpacáiste ródacmhainneachta, lena gcuirtear chun cinn athchóiriú cuimsitheach ar an tástáil ródacmhainneachta a dhéantar san Aontas agus ar rialacha a bhaineann le clárú feithiclí.
Tugann an pacáiste trí threoir cothrom le dáta: an treoir maidir le tástálacha tréimhsiúla ródacmhainneachta ar mhótarfheithiclí, an treoir maidir le doiciméid chlárúcháin le haghaidh feithiclí agus an treoir maidir le hiniúchtaí cois bóthar ar fheithiclí tráchtála.
Dírítear sna tograí ar fheithiclí nach bhfuil sábháilte, a chuireann le tuairteanna, básanna agus gortuithe ar bhóithre an Aontais. Tá sé d’aidhm ag an bpacáiste ní hamháin sábháilteacht ar bhóithre a fheabhsú, ach cosaint an chomhshaoil, sláinte, cosaint tomhaltóirí agus éifeachtúlacht riaracháin a fheabhsú tríd an digitiú chomh maith.
Leag na hairí béim ar thráthúlacht agus ar thábhacht na dtograí. Ba dhíol sásaimh dóibh go gcuirtear san áireamh sa phacáiste gnéithe éagsúla ar nós sábháilteacht ar bhóithre, cosaint an chomhshaoil, cosaint tomhaltóirí, digitiú agus comhar feabhsaithe idir na Ballstáit.
Lón neamhfhoirmiúil maidir leis na dúshláin a bhaineann le beartas aeráide an Aontais
Le linn lón neamhfhoirmiúil, phléigh na hairí na dúshláin atá ann don earnáil iompair a bhaineann le beartas aeráide an Aontais.
Le linn an tseisiúin, dhírigh na hairí ar an obair nithiúil atá le déanamh chun a chinntiú nach mbainfidh an beartas aeráide an bonn d’iomaíochas domhanda chuideachtaí an Aontais agus nach gcuirfidh sé leis an mbochtaineacht iompair.
Gnó eile
Faoi ‘gnó eile’, ardaíodh na hábhair seo:
Nuashonrú ar na tograí reachtacha reatha (mír faisnéise ón Uachtaránacht):
an treoir maidir le ceadúnais tiomána agus an treoir maidir le dícháiliúcháin tiomána
an rialachán maidir leis an nGníomhaireacht Eorpach um Shábháilteacht Mhuirí
treoir maidir le seirbhísí faisnéise tráchta abhann
an rialachán maidir le toilleadh bonneagair iarnróid a úsáid sa limistéar Eorpach aonair iarnróid
an treoir lena scoirtear d'athruithe séasúracha ama
Níl an acmhainn seo ar fáil faoi láthair ach amháin sa teanga (sna teangacha) seo a leanas:
Is iad údaráis rialtais na tíre óstaí a láimhseálfaidh creidiúnú na meán le haghaidh cruinnithe mullaigh idirnáisiúnta a reáchtáiltear lasmuigh den Aontas Eorpach.
