"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Kunsill Trasport, Telekomunikazzjoni u Enerġija (Trasport), 5 ta' Ġunju 2025
Riżultati ewlenin
Trasport
Il-pożizzjoni li fl-aħħar ġiet adottata llum twieġeb għal sejħa urġenti mill-passiġġieri tal-ajru u l-linji tal-ajru għal regoli aġġornati, aktar ċari u sempliċi. Ir-regoli riveduti ser iġibu magħhom aktar minn 30 dritt ġdid għall-passiġġieri tal-ajru, applikabbli mill-mument li jixtru biljett, sakemm jaslu fid-destinazzjoni tagħhom, u f'xi każijiet saħansitra lil hinn. Huwa pass storiku peress li ma setax jintlaħaq qbil f'dawn l-aħħar 12-il sena.
Dariusz Klimczak, Ministru għall-Infrastruttura tal-Polonja
Drittijiet tal-passiġġieri tal-ajru
Il-Kunsill laħaq qbil politiku dwar ir-reviżjoni tar-regolamenti dwar id-drittijiet tal-passiġġieri tal-ajru u dwar ir-responsabbiltà tal-linji tal-ajru. Ir-reviżjoni tindirizza l-ħtieġa għal regoli aktar sempliċi u aktar ċari, filwaqt li għandha l-għan li ssib bilanċ aħjar bejn livell għoli ta' protezzjoni għall-passiġġieri u ż-żamma tal-konnettività u l-kundizzjonijiet ekwi għas-settur tal-avjazzjoni fi ħdan is-suq intern tal-UE.
Ir-regoli l-ġodda għandhom l-għan li jsaħħu u jiċċaraw diversi drittijiet eżistenti tal-passiġġieri tal-ajru, kif ukoll li jintroduċu xi drittijiet ġodda. Id-drittijiet ewlenin fit-test li ġew imsaħħa jinkludu d-dritt li tingħata rotta alternattiva, id-dritt għall-assistenza u d-dritt għall-informazzjoni.
Huma inklużi wkoll limiti aġġornati għall-kumpens minħabba dewmien twil.
Il-ministri qasmu l-fehmiet tagħhom għall-ewwel darba dwar l-aġġornament propost reċentement tal-pakkett dwar l-affidabbiltà stradali, li jippreżenta tiġdid komprensiv tar-regoli tal-UE dwar l-ittestjar tal-affidabbiltà stradali u r-reġistrazzjoni tal-vetturi.
Il-pakkett jikkonsisti fl-aġġornament ta' tliet direttivi: dwar l-ittestjar perjodiku tal-affidabbiltà stradali għall-vetturi bil-mutur, dwar id-dokumenti ta' reġistrazzjoni għall-vetturi u dwar l-ispezzjonijiet tekniċi mal-ġenb tat-triq tal-vetturi kummerċjali.
Il-proposti huma mmirati lejn vetturi mhux sikuri, li jikkontribwixxu għal ħabtiet, fatalitajiet u korrimenti fit-toroq tal-UE. Il-pakkett għandu l-għan mhux biss li jtejjeb is-sikurezza fit-toroq, iżda wkoll il-protezzjoni ambjentali, is-saħħa, il-protezzjoni tal-konsumatur u l-effiċjenza amministrattiva permezz tad-diġitalizzazzjoni.
Il-ministri enfasizzaw l-importanza tal-proposti kif ukoll tal-waqt meta qed jitressqu. Huma laqgħu l-fatt li l-pakkett iqis diversi aspetti bħas-sikurezza fit-toroq, il-protezzjoni ambjentali, il-protezzjoni tal-konsumatur, id-diġitalizzazzjoni u l-kooperazzjoni msaħħa bejn l-istati membri.
Ikla informali dwar l-isfidi relatati mal-politika tal-UE dwar il-klima.
Matul ikla informali, il-ministri ddiskutew l-isfidi għas-settur tat-trasport relatati mal-politika tal-UE dwar il-klima.
Il-ministri ffukaw l-iskambji tagħhom fuq il-passi konkreti biex jiġi żgurat li l-politika dwar il-klima ma ddgħajjifx il-kompetittività globali tal-kumpaniji tal-UE u ma żżidx il-faqar tat-trasport.
Affarijiet oħra
Taħt "affarijiet oħra" tqajmu s-suġġetti li ġejjin:
Aġġornament dwar il-proposti leġiżlattivi attwali (punt ta' informazzjoni mill-Presidenza):
id-direttiva dwar il-liċenzji tas-sewqan u d-direttiva dwar l-iskwalifiki mis-sewqan
ir-regolament dwar l-Aġenzija Ewropea għas-Sigurtà Marittima
id-direttiva dwar is-servizzi tal-informazzjoni tax-xmajjar
ir-regolament dwar l-użu tal-kapaċità tal-infrastruttura ferrovjarja fiż-żona ferrovjarja unika Ewropea
id-direttiva dwar il-waqfien tal-bidliet staġonali fil-ħin
Din ir-riżorsa bħalissa hi disponibbli biss bil-lingwa jew il-lingwi li ġejjin:
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
