Amlíne - Smachtbhannaí in aghaidh sáruithe ar chearta an duine

Chinn an Chomhairle smachtbhannaí a fhorchur ar sheachtar agus ar thrí eintiteas atá freagrach as sáruithe tromchúiseacha ar chearta an duine, lena n-áirítear gáinneáil ar dhaoine, céasadh, agus íde eile atá cruálach, mídhaonna agus táireach, i ndáil le hoibriú ionad camscéime san Áise Thoir Theas.

I measc na n-eintiteas ar cuireadh smachtbhannaí orthu tá Prince Holding Group agus Jin Bei Group (atá lonnaithe sa Chambóid araon), chomh maith leis an Arm Daonlathach Karen Benevolent, grúpa armtha i mBurma a rialaíonn críoch i Stát Karen i Maenmar.

• Lárionaid chamscéime san Áise Thoir Theas: seachtar agus trí eintiteas atá freagrach as sáruithe tromchúiseacha ar chearta an duine liostaithe ag an Aontas (preaseisiúint, an 30 Iúil 2026)

Chinn an Chomhairle bearta sriantacha a fhorchur ar 15 dhuine aonair agus ar eintiteas amháin atá freagrach as sáruithe tromchúiseacha i réimse chearta an duine i leith príosúnaigh chogaidh agus sibhialtaigh atá á gcoinneáil ar Úcránaigh iad.

Tá siad siúd atá faoi smachtbhannaí freagrach as céasadh a dhéanamh ar phríosúnaigh chogaidh agus sibhialtaigh atá á gcoinneáil ar Úcráinigh iad i gcríocha na hÚcráine atá faoi fhorghabháil agus sa Rúis, lena n-áirítear coilíneacht phionósach uimh. 10 (Udarny) agus coilíneacht phionósach uimh. 7 (Pakino), agus as íde eile a thabhairt dóibh atá cruálach, mídhaonna agus táireach.

• Sáruithe i réimse chearta an duine i leith príosúnaigh chogaidh ar Úcráinigh iad: 15 dhuine aonair agus eintiteas amháin liostaithe ag an gComhairle (preaseisiúint, an 13 Iúil 2026)

Tá tuilleadh smachtbhannaí curtha ag an gComhairle ar thriúr de lonnaitheoirí antoisceacha Iosrael agus ar cheithre cinn d’eagraíochtaí atá ag tacú leo.

Tá sáruithe tromchúiseacha córasacha déanta ag an dream seo ar chearta daonna na bPalaistíneach sa Bhruach Thiar, sárú déanta acu ar cheart gach duine an leibhéal iomláine coirp agus meabhrach is fearr is féidir a theachtadh, chomh maith leis an gceart chun maoine, an ceart chun saol príobháideach agus saol teaghlaigh, saoirse reiligiúin nó creidimh agus oideachais.

• Lonnaitheoirí antoisceacha Iosrael: triúr maille le ceithre eintiteas liostaithe ag an Aontas (preaseisiúint, an 28 Bealtaine 2026)

Chinn an Chomhairle síneadh a chur le liosta na ndaoine aonair, na n-eintiteas agus na gcomhlachtaí atá faoi réir bearta sriantacha i gcoinne sáruithe agus mí-úsáidí tromchúiseacha ar cheart an duine agus é a thabhairt cothrom le dáta go dtí an 8 Nollaig 2026.

• Córas Domhanda Smachtbhannaí an Aontais i ndáil le Cearta an Duine: síneadh bliana curtha leis na liostaí (preaseisiúint, an 4 Nollaig 2025)

Tá smachtbhannaí forchurtha ag an Aontas i gcoinne Vadim Bulgakov agus Aleksei Pikin, atá freagrach as céasadh nó as íde nó pionós atá cruálach, mídhaonna nó táireach in ionaid choinneála na Crimé. Glactar smachtbhannaí faoina chóras domhanda i ndáil le cearta an duine.

• Córas domhanda smachtbhannaí i ndáil le cearta an duine: Smachtbhannaí forchurtha ag an gComhairle ar bheirt aonair mar gheall ar mhí-úsáidí in ionaid choinneála sa Chrimé (preaseisiúint, an 5 Meán Fómhair 2025)

D’fhorchuir an Chomhairle smachtbhannaí ar ochtar daoine aonair agus eintiteas amháin faoi chóras domhanda smachtbhannaí an Aontais i ndáil le cearta an duine.

Dearbhaítear leis na liostuithe gur cúis imní don Aontas an chos ar bolg thrasnáisiúnta atá á déanamh ag comhlachtaí stáit na hIaráine trí úsáid a bhaint as seachghníomhairí, go háirithe seachghníomhairí lena bhfuil baint ag coirpigh agus líonraí coireachta eagraithe atá dírithe ar easaontaigh agus ar chosantóirí chearta an duine ar fud an domhain, críoch an Aontais san áireamh.

• An Iaráin: smachtbhannaí forchurtha ag an gComhairle ar ochtar daoine aonair agus ar eintiteas amháin mar gheall ar sháruithe tromchúiseacha ar chearta an duine agus ar an gcos ar bold trasnáisiúnta (preaseisiúint, an 15 Iúil 2025)

D’fhorchuir an Chomhairle smachtbhannaí ar chúigear atá freagrach as sáruithe agus mí-úsáidí tromchúiseacha ar chearta an duine sa tSiria, lena n-áirítear tacú le húsáid arm ceimiceach faoi réimeas al-Assad, agus as a rannpháirtíocht san fhoréigean a rinneadh le déanaí i réigiúin chósta.

• Córas domhanda smachtbhannaí i ndáil le cearta an duine: Bearta sriantacha forchurtha ag an Aontas ar chúigear Siriach a bhfuil baint acu le hiar-réimeas Assad as tacú le coireanna in aghaidh an chine dhaonna agus as foréigean seicteach a chothú (preaseisiúint, an 23 Meitheamh 2025)

Faoin gcóras domhanda smachtbhannaí i ndáil le cearta an duine, thug an tAontas smachtbhannaí nua isteach lena ndírítear ar bheirt aonair agus ar thrí eintiteas, mar fhreagairt ar an bhforéigean i réigiún cósta na Siria i mí an Mhárta 2025.

• An tSiria: gníomhartha dlí glactha ag an Aontas chun deireadh a chur le smachtbhannaí eacnamaíocha ar an tSiria, agus comhaontú polaitiúil ar thángthas air le déanaí á chur chun feidhme (preaseisiúint, an 28 Bealtaine 2025)

Cheap an Chomhairle Kajsa Ollongren mar ionadaí speisialta an Aontais le haghaidh chearta an duine.

Leanfaidh ionadaí speisialta nua an Aontais d’obair a réamhtheachtaithe chun rannchuidiú le cur chun feidhme bheartas an Aontais maidir le cearta an duine, seasaimh an Aontais maidir le comhlíonadh an dlí dhaonnúil idirnáisiúnta a chur chun cinn agus tacaíocht don cheartas coiriúil idirnáisiúnta.

• Cearta an Duine: Iar-Aire na hÍsiltíre ceaptha ag an Aontas mar Ionadaí Speisialta nua (preaseisiúint, an 23 Meitheamh 2025)

Chinn an Chomhairle síneadh a chur le liosta na ndaoine aonair, na n-eintiteas agus na gcomhlachtaí atá faoi réir bearta sriantacha i gcoinne sáruithe agus mí-úsáidí tromchúiseacha ar cheart an duine agus é a thabhairt cothrom le dáta go dtí an 8 Nollaig 2025.

• Córas Domhanda Smachtbhannaí an Aontais i ndáil le Cearta an Duine: liostaí athnuaite go ceann bliain eile (preaseisiúint, an 2 Nollaig 2024)

D’fhormheas an Chomhairle smachtbhannaí breise lena ndírítear ar dhaoine aonair agus ar eintitis atá freagrach as sáruithe tromchúiseacha ar chearta an duine a dhéantar ar fud na cruinne, lena n-áirítear céasadh agus foréigean córasach forleathan gnéis agus inscnebhunaithe. Rinneadh an cinneadh faoi chóras domhanda smachtbhannaí an Aontais i ndáil le cearta an duine.

Tá siad seo a leanas i measc na ndaoine ar forchuireadh smachtbhannaí ina leith:

• Abdel Karim Mohammad Ibrahim, ceann foirne arm na Siria, agus Ali Mahmoud Abbas, iar-Aire Cosanta na Siria agus leas-ardcheannasaí arm na Siria
• Ri Chang Dae, Aire Slándála Stáit Dhaon-Phoblacht Dhaonlathach na Cóiré
• Evgeniy Sobolev, ceann na ‘seirbhíse peannaidí’, mar a thugtar uirthi, a shocraigh Moscó i réigiún Kherson atá faoi fhorghabháil shealadach san Úcráin

• Foréigean gnéasach agus foréigean inscnebhunaithe: ceathrar daoine aonair agus dhá eintiteas liostaithe ag an gComhairle faoi chóras domhanda smachtbhannaí an Aontais i ndáil le cearta an duine (preaseisiúint, an 22 Iúil 2024)

Ghlac an Aontas smachtbhannaí i gcoinne daoine aonair agus eintitis atá freagrach as sáruithe tromchúiseacha córasacha ar chearta an duine i gcoinne na bPalaistíneach sa Bhruach Thiar, lena n-áirítear mí-úsáid ar cheart gach duine an caighdeán iomláine coirp agus meabhraí is airde is féidir a bhaint amach, an ceart chun maoine, an ceart chun saol príobháideach agus saol an teaghlaigh, an ceart chun saoirse reiligiúin nó creidimh agus an ceart chun oideachais.

Díríonn na smachtbhannaí freisin ar ghrúpa gníomhaithe foréigneacha Iosraelacha atá ag cur bac ar thrucailí soláthair a thugann cabhair dhaonnúil, lena n-áirítear bia, uisce agus breosla, do Gaza.

• Lonnaitheoirí antoisceacha Iosraelacha sa Bhruach Thiar atá faoi fhorghabháil agus in Iarúsailéim Thoir, chomh maith le gníomhaithe foréigneacha, a chuireann bac ar chabhair dhaonnúil do Gaza: cúigear daoine aonair agus trí eintiteas ar cuireadh smachtbhannaí orthu faoi Chóras Domhanda Smachtbhannaí an Aontais i ndáil le Cearta an Duine (preaseisiúint, an 15 Iúil 2024)

Chinn an Chomhairle smachtbhannaí a fhorchur ar dhá eintiteas agus ar cheathrar, atá freagrach as sáruithe tromchúiseacha ar chearta an duine i gcoinne na bPalaistíneach, lena n-áirítear céasadh agus íde nó pionós eile atá cruálach, mídhaonna nó táireach agus as sárú ar an gceart chun maoine agus ar an gceart chun saol príobháideach agus teaghlaigh atá ag Palaistínigh sa Bhruach Thiar.

Is iad seo a leanas na heintitis liostaithe:

• Lehava, grúpa radacach uachtarach Giúdach den eite dheis
• Hilltop Youth, grúpa radacach óige ina bhfuil baill a bhfuil cáil orthu mar gheall ar ghníomhartha foréigneacha i gcoinne na bPalaistíneach agus a gcuid sráidbhailte ar an mBruach Thiar

Rinneadh an cinneadh sin faoi chuimsiú Chóras Domhanda Smachtbhannaí an Aontais Eorpaigh i ndáil le Cearta an Duine.

• Lonnaitheoirí antoisceacha sa Bhruach Thiar agus in Iarúsailéim Thoir atá faoi fhorghabháil: Smachtbhannaí curtha ag an gComhairle ar cheathrar agus ar dhá eintiteas mar gheall ar mhí-úsáidí tromchúiseacha ar chearta an duine i gcoinne na bPalaistíneach (preaseisiúint, an 19 Aibreán 2024)

Chinn an Chomhairle trí eintiteas a liostú mar fhreagairt ar fhoréigean forleathan gnéasach agus inscnebhunaithe a rinneadh le linn na n-ionsaithe sceimhlitheoireachta brúidiúla agus neamh-idirdhealaitheacha a tharla ar fud Iosrael an 7 Deireadh Fómhair 2023:

• Al-Quds Brigades, sciathán armtha Jiohád Ioslamach na Palaistíne, ar eagraíocht í arna hainmniú mar eagraíocht sceimhlitheoireachta ag an Aontas
• Nukhba Force, aonad fórsaí speisialta de chuid Hamas, ar eagraíocht í arna hainmniú mar eagraíocht sceimhlitheoireachta ag an Aontas
• Qassam Brigades, sciathán míleata Hamas.

Rinneadh an cinneadh sin faoi chuimsiú Chóras Domhanda Smachtbhannaí an Aontais Eorpaigh i ndáil le Cearta an Duine.

• Ionsaithe sceimhlitheoireachta in Iosrael an 7 Deireadh Fómhair 2023: Smachtbhannaí curtha ag an gComhairle ar thrí eintiteas mar gheall ar fhoréigean gnéasach agus inscnebhunaithe forleathan (preaseisiúint, an 12 Aibreán 2024)

Chinn an Chomhairle bearta sriantacha a fhorchur ar 33 dhuine agus dhá eintiteas a bhfuil baint acu le bás tobann Alexei Navalny, polaiteoir freasúra Rúiseach, i gcoilíneacht phionósach. Rinneadh an cinneadh sin faoi chuimsiú Chóras Domhanda Smachtbhannaí an Aontais Eorpaigh i ndáil le Cearta an Duine.

Orthu siúd a liostaíodh tá na coilíneachtaí pionósacha inar coinníodh Alexei Navalny ó mhí an Mheithimh 2022 go dtí go bhfuair sé bás:

• Coilíneacht cheartaitheach IK-6
• coilíneacht cheartaitheach uasslándála IK-3.

Tá cáil ar an dá choilíneacht as brú fisiceach agus síceolaíoch, leithlisiú iomlán, céasadh agus foréigean ar phríosúnaigh. Forchuireadh smachtbhannaí ar cheann IK-3, Vadim Kalinin, agus leaschinn éagsúla na coilíneachta freisin.

Thairis sin, chinn an Chomhairle comhaltaí na mbreithiúna agus oifigigh ardleibhéil a áireamh sa chóras peannaideach agus san Aireacht Dlí agus Cirt

• Bás Alexei Navalny: smachtbhannaí curtha ag an Aontas ar 33 dhuine aonair agus dhá eintiteas faoina Chóras Domhanda Smachtbhannaí i ndáil le Cearta an Duine (preaseisiúint, an 22 Márta 2024)

D’fhormheas an Chomhairle bearta sriantacha a fhorchur ar cheathrar agus ar aon eintiteas amháin faoi chóras domhanda smachtbhannaí an Aontais i ndáil le cearta an duine, i bhfianaise an mheatha leanúnaigh ar staid chearta an duine sa Rúis.

I measc a bhfuil ar an liosta tá triúr atá fostaithe i gcóras breithiúnach na Rúise, triúr atá freagrach as sáruithe tromchúiseacha ar chearta an duine, cuir i gcás gabhálacha agus coinneálacha neamhdhleathacha, go háirithe i ndáil leis an bpolaiteoir ón bhfreasúra agus fear cáinte na Creimile, Vladimir Kara-Murza, ar gníomhaí daonlathais é chomh maith.

Tá Conradh para-rialtais na Rúise um Idirlíon Sábháilte, a chabhraíonn le rialtas na Rúise na cleachtais cinsireachta a fhorfheidhmiú, mar aon le Ekaterina Mizulina, Cathaoirleach an Chonartha um Idirlíon Sábháilte, atá freagrach as mí-úsáid thromchúiseach chórasach na saoirse tuairimíochta agus na saoirse chun tuairimí a nochtadh, ar an liosta freisin.

• Córas domhanda smachtbhannaí i ndáil le cearta an duine: ceathrar agus aon eintiteas amháin curtha ar liosta smachtbhannaí an Aontais ag an gComhairle (preaseisiúint, an 29 Eanáir 2024)

Chinn an Chomhairle bearta sriantacha a fhorchur ar naonúr daoine aonair agus trí eintiteas i bhfianaise an róil atá acu maidir le sáruithe agus mí-úsáidí chearta an duine a dhéanamh, go háirithe foréigean gnéasach agus inscnebhunaithe.

Athdhearbhaíonn an ghníomhaíocht sin a dhiongbháilte atá an tAontas cearta an duine a chur chun cinn agus a chosaint ar fud an domhain. I measc na liostaí nua tá:

• beirt aire gníomhacha den Talaban, um an ardoideachas agus um fhorleathadh na suáilce agus cosc na duáilce, atá taobh thiar de na foraitheanta lena gcuirtear cosc ar mhná ón ardoideachas agus ó chleachtais atá leithscartha ó thaobh inscne de i spásanna poiblí
• oifigigh de Stáisiún Póilíneachta Mhoscó atá freagrach as gabhálacha treallacha agus coinneáil threallach chomh maith le céastóireacht agus íde eile atá cruálach, mídhaonna agus táireach i gcomhthéacs na cinsireachta agus an chos ar bolg faoi stiúir údaráis na Rúise. Beidh na liostaí dírithe freisin ar chomhaltaí ardleibhéil d’fhórsaí armtha na Rúise, a raibh a n-aonaid rannpháirteach go córasach i ngníomhartha foréigin ghnéasaigh agus inscnebhunaithe san Úcráin i mí an Mhárta/Aibreán 2022, i gcomhthéacs fogha míleata gan chúis agus gan údar na Rúise faoin Úcráin
• oifigigh rialtais cheannasacha mhílístí na Súdáine Theas atá freagrach as foréigean gnéasach agus inscnebhunaithe a úsáid go forleathan agus go córasach mar oirbheart cogaidh sa tír
• an leas-aire gnóthaí baile i Maenmar/Burma
• tá smachtbhannaí ar phríosún Qarchak san Iaráin, ar gharda poblachtach na Siria agus ar oifig cheann na ngnóthaí slándála míleata i Maenmar/Burma i bhfianaise an róil atá acu i sáruithe tromchúiseacha gnéis agus inscnebhunaithe ar chearta an duine

Beidh na daoine agus na heintitis ar an liosta faoi réir reo sócmhainní san Aontas anois. Ina theannta sin, beidh daoine ar an liosta faoi réir toirmeasc taistil chuig an Aontas. Thairis sin, beidh toirmeasc ar dhaoine agus ar eintitis san Aontas cistí a chur ar fáil, go díreach nó go hindíreach, dóibh siúd atá ar an liosta.

• Foréigean in aghaidh na mban agus na gcailíní: smachtbhannaí curtha ag an Aontas ar naonúr daoine aonair agus trí eintiteas faoina Chóras Domhanda Smachtbhannaí i ndáil le Cearta an Duine (preaseisiúint, an 7 Márta 2023)

Chinn an Chomhairle bearta sriantacha breise a fhorchur ar dhaoine aonair agus ar eintitis a bhfuil baint acu le Grúpa Wagner i bhfianaise ghné idirnáisiúnta agus thromchúis ghníomhaíochtaí an ghrúpa, chomh maith lena thionchar díchobhsaitheach ar na tíortha ina bhfuil sé gníomhach.

Is eintiteas míleata príobháideach neamhchorpraithe atá bunaithe sa Rúis é Wagner Group, atá i láthair i roinnt tíortha, lena n-áirítear:

• An Úcráin
• An Libia
• Poblacht na hAfraice Láir (PAL)
• Mailí
• An tSúdáin

Go háirithe, chinn an Chomhairle ochtar daoine aonair agus seacht n-eintiteas a liostú, faoi Chóras Domhanda Smachtbhannaí an Aontais i ndáil le Cearta an Duine, atá freagrach as sáruithe tromchúiseacha ar chearta an duine i bPoblacht na hAfraice Láir agus sa tSúdáin, nó a bhfuil baint acu leis na sáruithe sin, chomh maith le duine aonair amháin, faoi chóras smachtbhannaí Mhailí, atá freagrach as gníomhaíochtaí a chuireann síocháin, slándáil nó cobhsaíocht Mhailí i mbaol.

Liostaíodh beirt freisin i ndáil le gníomhaíochtaí lena mbaintear an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin.

• Grúpa Wagner: 11 dhuine aonair agus 7 n-eintiteas curtha le liostaí smachtbhannaí an Aontais ag an gComhairle (preaseisiúint, an 25 Feabhra 2023)

Chinn an Chomhairle 32 duine aonairagus 2 eintiteasa chur leis an liosta díobh siúd atá faoi réir bearta sriantacha i gcomhthéacs chóras smachtbhannaí na hIaráine i ndáil le cearta an duine.

I measc na ndaoine atá liostaithe tá:

• Aire Cultúir agus Treoir Ioslamach na hIaráine agus an tAire Oideachais
• leascheannasaí agus urlabhraí Chór Gharda na Réabhlóide Ioslamaí (IRGC)
• comhbhunaitheoirí Acadamh Ravin atá liostaithe ag an Aontas Eorpach
• Feisirí de Pharlaimint na hIaráine a thacaíonn leis an gcniogbheartaíocht fhoréigneach
• baill de na póilíní, breithiúna i gcodanna éagsúla den tír, agus maoir phríosúin agus stiúrthóirí

Díríonn na hainmniúcháin sin freisin ar Fhondúireacht Chomhar na bhFórsaí Forfheidhmithe Dlí (LEF) agus ar an Institiúid um Eolaíocht Phóilíní agus um Staidéar Sóisialta.

• An Iaráin: smachtbhannaí breise glactha ag an Aontas i gcoinne déantóirí sáruithe tromchúiseacha ar chearta an duine (preaseisiúint,an 20 Feabhra 2023)

Dhá bhliain tar éis an coup míleata i Maenmar/Burma an 1 Feabhra 2021, ghlac an Chomhairle bearta sriantacha i gcoinne naonúir agus seacht n-eintiteas i bhfianaise an mhéid seo a leanas:

• an foréigean ag dul in olcas i gcónaí
• sáruithe tromchúiseacha ar chearta an duine
• bagairtí ar an tsíocháin, ar an tslándáil agus ar an gcobhsaíocht i Maenmar/Burma

• Maenmar/Burma: an séú babhta smachtbhannaí forchurtha ag an Aontas ar naonúr daoine aonair agus seacht n-eintiteas (preaseisiúint, an 20 Feabhra 2023)

Chinn an Chomhairle 18 nduine aonair agus 19 n-eintiteas a chur leis an liosta díobh siúd atá faoi réir bearta sriantacha i gcomhthéacs chóras smachtbhannaí na hIaráine i ndáil le cearta an duine.

Tá sé seo déanta i bhfianaise an róil atá acu maidir leis an lámh láidir a úsáid go forleathan agus go díréireach in aghaidh agóideoirí neamhfhoréigneacha tar éis bhás Mahsa Amini.

I measc na ndaoine a liostáiltear tá:

• ionadaithe an rialtais agus Pharlaimint na hIaráine (Majles)
• daoine mór le rá ó thaobh na polaitíochta agus na meán de
• comhaltaí ardleibhéil d’fhórsaí slándála na hIaráine, Cór Gharda na Réabhlóide Ioslamaí ina measc

• An Iaráin: bearta sriantacha breise glactha ag an Aontas i gcoinne sáruithe ar chearta an duine (preaseisiúint, an 23 Eanáir 2023)

The Council added 20 individuals and one entity to the list of those subject to restrictive measures in the context of the existing Iran human rights sanctions regime.

This is in view of the role of these individuals in the death of Mahsa Amini and the violent response to the unacceptable repression of the ongoing protests in Iran.

• Iran: EU adopts Council conclusions and additional restrictive measures for human rights violations (press release, 12 December 2022)
• Iran: EU restrictive measures (background information)

Chuir an Chomhairle 29 nduine aonair breise agus trí eintiteas breise leis an liosta díobh siúd atá faoi réir bearta sriantacha i gcomhthéacs an chórais smachtbhannaí atá ann cheana i ndáil le cearta an duine san Iaráin. Tá 126 dhuine aonair agus 11 eintiteas san iomlán anois ar liosta na ndaoine atá faoi réir bhearta sriantacha an Aontais i gcomhthéacs an chóras smachtbhannaí atá ann cheana i ndáil le cearta an duine san Iaráin.

• An Iaráin: smachtbhannaí breise glactha ag an Aontais i gcoinne déantóirí sáruithe tromchúiseacha ar chearta an duine (preaseisiúint, an 14 Samhain 2022)
• Iran: EU restrictive measures (background information)

Chuir an Chomhairle 11 dhuine aonair agus ceithre eintiteas leis an liosta díobh siúd atá faoi réir bearta sriantacha i gcomhthéacs an chórais smachtbhannaí atá ann cheana i ndáil le cearta an duine san Iaráin. Rinneadh sin i bhfianaise an róil atá acu i mbás Mahsa Amini agus na freagartha foréigní ar na hagóidí a bhí ar siúl le déanaí san Iaráin.

• An Iaráin: Smachtbhannaí an Aontais ar dhéantóirí sáruithe tromchúiseacha ar chearta an duine (preaseisiúint, an 17 Deireadh Fómhair 2022)
• Iran: EU restrictive measures (background information)

Women and men across Iran have exercised their fundamental right to assemble and protest, following the death of Mahsa Amini. Concern has been raised that the response of the Iranian security and police forces has been disproportionate and resulted in the loss of lives as well as a large number of injuries.

For the European Union and its member states, the widespread and disproportionate use of force against nonviolent protestors is unjustifiable and unacceptable. People in Iran, as anywhere else, have the right to peaceful protest. That right must be ensured in all circumstances.

The decision to severely restrict internet access by the relevant Iranian authorities and to block instant messaging platforms blatantly violates freedom of expression.

• Iran: Declaration by the High Representative on behalf of the EU (press release, 25 September 2022)

Ghlac an Chomhairle cinneadh agus rialachán lena mbunaítear córas domhanda smachtbhannaí i ndáil le cearta an duine.

Tá creat á ullmhú ag an Aontas a chuirfidh ar a chumas díriú ar pháirtithe atá freagrach as sáruithe agus mí-úsáidí tromchúiseacha ar chearta an duine nó atá rannpháirteach iontu nó a bhaineann leo ar fud an domhain, gan beann ar an áit ar tharla siad agus bídís

• daoine aonair
• eintitis
• comhlachtaí

Leis na bearta sriantacha sin, déanfar foráil maidir le toirmeasc taistil a chur i bhfeidhm ar dhaoine aonair, agus cistí a bhaineann le daoine aonair agus eintitis araon a reo.

Ina theannta sin, beidh toirmeasc ar dhaoine agus ar eintitis san Aontas cistí a chur ar fáil dóibh siúd atá liostaithe, go díreach nó go hindíreach.

• Córas domhanda smachtbhannaí i ndáil le cearta an duine glactha ag an Aontas (preaseisiúint, an 7 Nollaig 2020)