"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
Kunsill Affarijiet Ekonomiċi u Finanzjarji, 10 ta' Marzu 2026
Riżultati ewlenin
Unjoni tat-tfaddil u tal-investimenti
Il-ministri kellhom skambju ta' fehmiet dwar il-pakkett dwar l-integrazzjoni tas-suq u s-superviżjoni – element ewlieni tal-unjoni tat-tfaddil u tal-investimenti.
Il-pakkett dwar l-integrazzjoni u s-superviżjoni tas-suq huwa l-qofol tal-isforzi tagħna biex napprofondixxu s-swieq kapitali Ewropej u, min-naħa l-oħra, nagħtu spinta lill-kompetittività tagħna. Il-mexxejja tagħna kienu ċari daqs il-kristall dwar il-ħtieġa li naġixxu malajr. Il-presidenza Ċiprijotta tikkondividi dak is-sens ta' urġenza u hija impenjata li tħejji l-bażi politika. Id-dibattitu tal-lum jagħtina l-orjentazzjoni politika meħtieġa biex immexxu l-fażi li jmiss tal-ħidma b'mod iffukat u kkoordinat.
Makis Keravnos, Ministru għall-Finanzi tar-Repubblika ta' Ċipru
Il-pakkett għandu l-għan li japprofondixxi l-integrazzjoni tas-swieq kapitali tal-UE billi jneħħi l-ostakli għall-forniment transfruntier ta' attivitajiet ta' investiment u jsaħħaħ l-effiċjenza superviżorja. Min-naħa l-oħra, dan għandu jgħin biex tingħata spinta lill-kompetittività tal-UE permezz tal-mobilizzazzjoni tat-tfaddil privat
Il-proposta tikkonsisti f'regolament ewlieni, direttiva ewlenija, u regolament ġdid dwar il-finalità tas-saldu li flimkien għandhom l-għan li joħolqu l-kundizzjonijiet għal konsolidazzjoni mmexxija mis-suq billi jneħħu l-ostakli li jipprevjenu lill-kumpaniji milli jespandu fis-suq uniku kollu.
B'mod partikolari, l-abbozz tar-regoli jinkludi miżuri mmirati lejn it-tisħiħ tar-rwol tal-Awtorità Ewropea tat-Titoli u s-Swieq (ESMA), inkluż billi jissaħħu l-għodod tagħha biex tippromwovi l-konverġenza superviżorja u billi jissaħħaħ ir-rwol tagħha fis-superviżjoni fil-livell tal-UE f'ċerti oqsma.
Fid-diskussjoni tagħhom, l-istati membri wrew appoġġ wiesa'għal ħidma aċċellerata dwar il-pakkett fil-livell tekniku, kif propost mill-presidenza Ċiprijotta.
Dwar l-aspetti ta' superviżjoni tal-fajl, għadd ta' stati membri esprimew appoġġ qawwi għar-rwol imsaħħaħ tal-ESMA kif propost mill-Kummissjoni, filwaqt li oħrajn qiesu li jinħoloq valur miżjud akbar permezz ta' konverġenza superviżorja u koordinazzjoni msaħħa bejn l-istati membri.
Xi delegazzjonijiet ħeġġew kawtela fir-rigward tal-effetti negattivi possibbli li kwalunkwe qafas ġdid jista' jkollu fuq swieq finanzjarji nazzjonali iżgħar fl-UE.
Xi delegazzjonijiet taw importanza kbira lill-aspetti teknoloġiċi tal-pakkett, b'mod partikolari d-dispożizzjonijiet dwar it-teknoloġija ta' reġistru distribwit, li tista' tappoġġa l-innovazzjoni fis-swieq kapitali. Xi wħud issuġġerew li l-progress fuq dawn l-elementi jista' jingħata prijorità matul id-diskussjonijiet dwar il-pakkett.
Fl-istess ħin, diversi stati membri appellaw għal aktar simplifikazzjoni tal-ġabra unika tar-regoli tal-UE fil-qasam tas-swieq kapitali u enfasizzaw li kwalunkwe bidla fil-qafas tal-UE ma għandhiex twassal għal piżijiet amministrattivi addizzjonali għall-parteċipanti fis-suq u l-awtoritajiet superviżorji.
Il-Kunsill stabbilixxa l-perkors tan-nefqa netta massima għall-Irlanda – element ewlieni tal-pjan fiskali-strutturali tiegħu fuq terminu medju.
Skont il-qafas ta' governanza ekonomika tal-UE, fis-seħħ mill-aħħar ta' April 2024, l-istati membri huma mitluba jippreżentaw pjanijiet fiskali-strutturali nazzjonali fuq terminu medju li jkopru minn erba' sa ħames snin.
Il-pjanijiet huma pedament tal-qafas il-ġdid ta' governanza ekonomika tal-UE, li fih il-perkors fiskali tal-istati membri, flimkien mar-riformi u l-investimenti previsti.
Il-perkorsi tan-nefqa netta kif stabbiliti mill-Kunsill jikkostitwixxu l-aktar indikatur operazzjonali importanti għas-sorveljanza fiskali fil-livell tal-UE. Din ir-restrizzjoni baġitarja ser tinkwadra l-politiki fiskali nazzjonali tal-Irlanda sal-2030 u tgħin biex jiġi ddeterminat jekk hijiex qed iżżomm finanzi b'saħħithom.
Din ir-riżorsa bħalissa hi disponibbli biss bil-lingwa jew il-lingwi li ġejjin:
Il-Kunsill adotta deċiżjonijiet ta' implimentazzjoni li japprovaw emendi mmirati ppreżentati mill-Estonja għall-pjan għall-irkupru u r-reżiljenza tagħha.
Il-Faċilità għall-Irkupru u r-Reżiljenza (RRF) hija l-programm ta' appoġġ finanzjarju fuq skala kbira tal-UE b'rispons għall-isfidi għall-ekonomija Ewropea li ġabet magħha l-pandemija tal-COVID-19. Din hija l-qofol ta' NextGenerationEU, strument temporanju ta' rkupru li jippermetti lill-Kummissjoni tiġbor fondi biex tgħin tirrimedja l-ħsara ekonomika u soċjali immedjata kkawżata mill-pandemija.
Biex jibbenefikaw mill-faċilità, l-istati membri jridu jippreżentaw pjanijiet għall-irkupru u r-reżiljenza (RRPs) lill-Kummissjoni, li jistabbilixxu r-riformi u l-investimenti li biħsiebhom jimplimentaw sa tmiem Awwissu 2026.
Sal-lum, ġew żborżati madwar €395 biljun mill-RRF.
Il-ministri kellhom skambju ta' fehmiet bi tħejjija għal-laqgħa tal-Ministri għall-Finanzi u l-Gvernaturi tal-Banek Ċentrali tal-G20, u l-laqgħa tar-rebbiegħa tal-FMI.
Il-Kunsill ta mandat lill-Kumitat Ekonomiku u Finanzjarju biex jiffinalizza t-termini ta' referenza tal-G20 tal-UE u d-dikjarazzjoni lill-Kumitat Monetarju u Finanzjarju Internazzjonali.
L-istati membri li intervenew appellaw għal koordinazzjoni mill-qrib tal-UE qabel il-laqgħat u t-tħejjija tagħhom fid-dawl tal-iżviluppi ġeopolitiċi u l-isfidi internazzjonali magħrufa.
Djalogu makroekonomiku fil-livell politiku
Fid-9 ta' Marzu, fil-marġini tal-laqgħa, sar djalogu makroekonomiku fil-livell politiku (MEDPOL).
Is-sħab soċjali qasmu l-fehmiet tagħhom mal-presidenza u ż-żewġ presidenzi li jmiss, il-Kummissjoni, il-Bank Ċentrali Ewropew u l-president tal-Grupp tal-Euro. Il-laqgħa ffukat fuq l-iżviluppi reċenti fis-sitwazzjoni ekonomika, kif ukoll fuq l-intelliġenza artifiċjali u l-futur tas-suq tax-xogħol tal-UE.
Franza infurmat lill-Kunsill dwar il-proposti tagħha għal emendi mmirati għall-mekkaniżmu ta' aġġustament tal-karbonju fil-fruntieri biex titqies is-sitwazzjoni speċifika tar-reġjuni ultraperiferiċi tal-UE.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
