"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
Kunsill Affarijiet Ekonomiċi u Finanzjarji, 20 ta' Jannar 2026
Riżultati ewlenin
Programm ta' ħidma tal-presidenza
Il-Presidenza Ċiprijotta ppreżentat il-programm ta' ħidma tagħha għall-ewwel semestru tas-sena fil-qasam tal-affarijiet ekonomiċi u finanzjarji.
F'dan l-istadju kritiku, it-tisħiħ tal-awtonomija finanzjarja tal-UE u t-tisħiħ tal-pożizzjoni ekonomika globali tagħha ser ikunu l-prinċipji gwida tal-Presidenza Ċiprijotta fit-tmexxija tal-aġenda tal-ECOFIN. Irridu noħolqu momentum lejn Ewropa b'saħħitha u aktar kompetittiva. U biex inkun ċar u tond: aħna ser naħdmu biex niżguraw li nibqgħu nappoġġaw lill-Ukrajna – inkluż finanzjarjament – bla heda.
Makis Keravnos, Ministru għall-Finanzi ta' Ċipru
B'mod partikolari, il-presidenza tenniet l-impenn tagħha li tavvanza l-ħidma leġiżlattiva dwar l-unjoni tat-tfaddil u tal-investiment (SIU), l-aġenda ta' żbarazzar u simplifikazzjoni tat-taxxa tal-UE, u li tagħmel progress lejn unjoni doganali modernizzata, fost inizjattivi oħra.
Il-Kunsill fetaħ proċedura ta' defiċit eċċessiv (PDE) fir-rigward tal-Finlandja. Adotta wkoll rakkomandazzjoni lill-Finlandja li tiddeskrivi l-perkors tan-nefqa netta u l-iskeda ta' żmien li għandhom jiġu segwiti biex sal-2028 jintemm id-defiċit eċċessiv tagħha.
Id-deċiżjoni tal-Kunsill li jiftaħ PDE llum hija ġġustifikata minħabba d-defiċit tal-gvern tal-Finlandja ta' 4.4 % fl-2024 u d-defiċit tal-gvern ippjanat ta' 4.3 % fl-2025.
Fir-rakkomandazzjoni tiegħu, il-Kunsill jistipula li l-Finlandja għandha għalhekk tieħu azzjoni effettiva u tippreżenta l-miżuri meħtieġa sat-30 ta' April 2026 biex tnaqqas id-defiċit tagħha. Il-Finlandja għandha wkoll tiżgura wkoll li r-rata ta' tkabbir nominali akkumulata tan-nefqa netta tagħha ma taqbiżx it-2.5% fl-2026, l-4.1% fl-2027 u l-5.9% fl-2028.
Il-mekkaniżmu ta' PDE huwa mfassal biex jiżgura li l-istati membri tal-UE jerġgħu lura għal-baġit tal-gvernijiet tagħhom jew iżommu dixxiplina fih. Il-proċeduri jitnedew meta Stat Membru jkollu defiċit tal-gvern li jaqbeż il-valur referenzjarju tat-Trattat ta' 3% tal-PDG.
Il-ministri approvaw il-konklużjonijiet tal-Kunsill dwar ir-rapport dwar il-mekkaniżmu ta' twissija għall-2026, ippubblikati mill-Kummissjoni fil-25 ta' Novembru 2025.
Ir-rapport dwar il-mekkaniżmu ta' twissija tal-2026 jagħti bidu għall-proċedura annwali ta' żbilanċ makroekonomiku tas-Semestru Ewropew.
Il-proċedura għandha l-għan li tidentifika, tipprevjeni u tindirizza l-iżvilupp ta' żbilanċi makroekonomiċi potenzjalment dannużi li jista' jkollhom impatt negattiv fuq l-istabbiltà ekonomika fi Stat Membru partikolari, fiż-żona tal-euro, jew fl-UE kollha kemm hi.
Fil-konklużjonijiet tiegħu, il-Kunsill b'mod ġenerali jaqbel mal-valutazzjoni tar-rapport rigward l-evoluzzjoni tal-iżbilanċi makroekonomiċi u r-riskji emerġenti. Il-konklużjonijiet jappellaw ukoll għal aktar ħidma biex tiġi implimentata b'mod effettiv u effiċjenti l-proċedura ta' żbilanċ makroekonomiku, u biex l-istati membri jkomplu jindirizzaw il-vulnerabbiltajiet f'dan il-qasam.
Fir-rapport ta' din is-sena, l-ebda pajjiż ġdid ma ġie identifikat bħala li jeħtieġ analiżi fil-fond. Riżultat ta' dan, il-Kunsill ser ikompli jissorvelja s-sitwazzjoni fis-seba' pajjiżi identifikati fl-2025 li qed jesperjenzaw żbilanċi. Ir-reviżjonijiet fil-fond ser jiġu ppubblikati fir-rebbiegħa tal-2026, qabel il-pakkett tar-rebbiegħa tas-Semestru Ewropew.
Din ir-riżorsa bħalissa hi disponibbli biss bil-lingwa jew il-lingwi li ġejjin:
Il-Kunsill adotta deċiżjonijiet ta' implimentazzjoni li japprovaw emendi mmirati ppreżentati mill-Finlandja, il-Ġermanja, l-Irlanda, l-Iżvezja, in-Netherlands u Spanja għall-pjanijiet għall-irkupru u r-reżiljenza tagħhom.
Il-RRF hija l-programm ta' appoġġ finanzjarju fuq skala kbira tal-UE b'rispons għall-isfidi li ġabet magħha l-pandemija tal-COVID-19 għall-ekonomija Ewropea. Din hija l-qofol ta' NextGenerationEU, strument ta' rkupru temporanju li jippermetti lill-Kummissjoni tiġbor fondi sabiex tgħin fit-tiswija tad-dannu ekonomiku u soċjali immedjat li ġie kkawżat mill-pandemija.
Biex jibbenefikaw mill-faċilità, l-istati membri jridu jippreżentaw pjanijiet għall-irkupru u r-reżiljenza (RRPs) lill-Kummissjoni, li jistabbilixxu r-riformi u l-investimenti li beħsiebhom jimplimentaw sa tmiem Awwissu 2026.
Sal-lum, ġew żborżati madwar €393 biljun mill-RRF.
Bħala punt mhux ta' diskussjoni, illum il-Kunsill iddeċieda formalment li jipprovdi €500 miljun oħra f'assistenza makrofinanzjarja (AMF) lill-Ġordan.
L-assistenza tal-UE ser tgħin biex tingħata spinta lill-istabbiltà ekonomika tal-Ġordan u tappoġġa l-aġenda tiegħu ta' riforma li għaddejja bħalissa fil-konfront tal-isfidi interni u esterni li qed jikbru. Din għandha l-għan li tappoġġa r-restawr ta' sitwazzjoni ta' finanzjament estern sostenibbli għall-pajjiż, u b'hekk tappoġġa l-iżvilupp ekonomiku u soċjali tiegħu.
L-assistenza, mogħtija b'rispons għat-talba tal-Ġordan f'Jannar 2025 għal appoġġ addizzjonali, ser tkun disponibbli għal sentejn u nofs u ser tingħata fil-forma ta' self fit-tul, żborżat fi tliet pagamenti parzjali.
L-iżborż tal-pagamenti parzjali ser ikun strettament marbut mal-progress tal-Ġordan fir-riformi deskritti f'memorandum ta' qbil li għandu jiġi miftiehem bejn il-Ġordan u l-Kummissjoni.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
