Kunsill Affarijiet Ġenerali, 13/10/2015, 13 ta' Ottubru 2015

Riżultati ewlenin

L-indirizzar tal-kwistjoni tal-immigrazzjoni hija sfida, u ma teżisti l-ebda soluzzjoni faċli. Aħna lkoll naqblu li huwa biss permezz ta’ pakkett komprensiv u bilanċjat ta’ miżuri li l-Ewropa ser tkun tista’ toffri rispons li mhux biss ikun effettiv iżda li wkoll iħares il-valuri ċentrali tagħna...” Jean Asselborn, Ministru tal-Affarijiet Barranin u Ewropej tal-Lussemburgu u President tal-Kunsill

Kunsill Ewropew ta' Ottubru

Il-Kunsill iffinalizza t-tħejjijiet għal-laqgħa tal-Kunsill Ewropew li ser issir fil-15 u s-16 ta’ Ottubru 2015 u ddiskuta l-abbozz ta’ konklużjonijiet għal qbil bejn il-mexxejja tal-UE. Il-Kunsill Ewropew ser jiffoka fuq il-migrazzjoni u jiddiskuti għadd ta’ aspetti differenti tal-kwistjoni. Huwa ser jeżamina l-progress miksub fl-implimentazzjoni tal-orjentazzjonijiet li ntlaħaq qbil dwarhom fil-laqgħa tal-kapijiet ta’ stat jew ta’ gvern ta' Settembru u jipprovdi gwida dwar l-azzjoni biex il-ħidma dwar l-aġenda Ewropea dwar il-migrazzjoni titmexxa 'l quddiem. Huwa ser jevalwa wkoll il-konferenza dwar ir-rotta mill-Mediterran tal-Lvant għall-Balkani tal-Punent u jħejji għas-Summit tal-Belt Valletta.

“L-indirizzar tal-kwistjoni tal-immigrazzjoni hija sfida, u ma teżisti l-ebda soluzzjoni faċli. Aħna lkoll naqblu li huwa biss permezz ta’ pakkett komprensiv u bilanċjat ta’ miżuri li l-Ewropa ser tkun tista’ toffri rispons li mhux biss ikun effettiv iżda li wkoll iħares il-valuri ċentrali tagħna. Id-diskussjonijiet tal-lum għenu biex titħejja l-bażi tad-deċiżjonijiet korretti li għandhom jittieħdu fil-Kunsill Ewropew aktar tard din il-ġimgħa", qal il-Ministru tal-Affarijiet Barranin u Ewropej tal-Lussemburgu u l-President tal-Kunsill, Jean Asselborn.

• Kunsill Ewropew, 15 ta' Ottubru 2015

Il-prijoritajiet tal-Kummissjoni għall-Programm ta’ Ħidma tagħha tal-2016

Il-Kunsill ħa nota tal-fehmiet li ssemmew fil-korpi preparatorji tiegħu dwar il-prijoritajiet tal-Kummissjoni għall-Programm ta’ Ħidma tagħha għall-2016. Il-Kummissjoni hija mistennija tadotta l-Programm ta’ Ħidma fis-27 ta’ Ottubru.

• Ittra ta’ intenzjoni dwar il-prijoritajiet tal-Kummissjoni

Regolamentazzjoni aħjar

Il-presidenza infurmat lill-ministri dwar l-istat attwali tan-negozjati dwar ftehim bejn il-Kummissjoni, il-Parlament Ewropew u l-Kunsill dwar regolamentazzjoni aħjar. Il-proposta tal-Kummissjoni għandha l-għan li jintlaħaq impenn kondiviż bejn it-tliet istituzzjonijiet dwar it-titjib tal-mod kif l-UE tilleġisla.

• Ftehim dwar it-tfassil aħjar tal-liġijiet

• Riżultati tal-laqgħa tal-Kunsill