"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
Kunsill Affarijiet Ġenerali, 28/01/2020, 28 ta' Jannar 2020
Riżultati ewlenin
Konferenza dwar il-Futur tal-Ewropa
Il-ministri kellhom skambju ta' fehmiet dwar il-Konferenza proposta dwar il-Futur tal-Ewropa li mistennija tibda fl-2020 u tintemm fl-2022.
Il-Kunsill Ewropew ikkunsidra l-idea ta' konferenza bħal din fil-laqgħa tiegħu tat-12 ta' Diċembru 2019. Huwa talab lill-presidenza Kroata biex taħdem għal definizzjoni ta' pożizzjoni tal-Kunsill dwar il-kontenut, l-ambitu, il-kompożizzjoni u l-funzjonament tal-konferenza u biex, abbażi ta' dan, taħdem mal-Parlament Ewropew u mal-Kummissjoni.
Matul id-diskussjoni, il-ministri enfasizzaw l-importanza li ċ-ċittadini jitqiegħdu fil-qalba tal-konferenza u li jkun hemm fokus fuq kwistjonijiet li huma verament importanti għalihom. Kif issottolinjat fil-konklużjonijiet tal-Kunsill Ewropew ta' Diċembru, għandha tingħata prijorità lill-implimentazzjoni tal-Aġenda Strateġika għall-2019-2024 u l-kisba ta' riżultati konkreti. Il-Konferenza għandha tikkontribwixxi għall-iżvilupp tal-politiki tal-UE fuq perjodu medju u fit-tul sabiex jiġu indirizzati aħjar l-isfidi li qed tiffaċċa l-Ewropa. Filwaqt li jibni fuq is-suċċess tad-djalogi taċ-ċittadini li seħħew matul dawn l-aħħar sentejn, il-proċess għandu jinvolvi firxa wiesgħa ta' partijiet ikkonċernati u gruppi biex jiġi żgurat li l-fehmiet u l-opinjonijiet differenti jkunu rappreżentati.
Iċ-ċittadini għandhom ikunu fiċ-ċentru tad-diskussjonijiet dwar il-futur tal-Ewropa - kif nistgħu nindirizzaw l-isfidi attwali u futuri u x'tip ta' Ewropa rridu. Il-Konferenza dwar il-Futur tal-Ewropa ser tipprovdi opportunità siewja biex issir riflessjoni dwar dawn il-kwistjonijiet. Huwa importanti li wieħed jisma' l-opinjonijiet u l-fehmiet differenti b'mod li tinbena l-fiduċja u jiġi żgurat li l-UE effettivament tissodisfa l-aspettattivi taċ-ċittadini.
Andreja Metelko-Zgombić, Segretarju tal-Istat għall-Affarijiet Ewropej tal-Kroazja
Il-ministri esprimew ukoll il-fehmiet tagħhom dwar l-organizzazzjoni dettaljata tal-konferenza. Bosta kelliema enfasizzaw il-ħtieġa li tiġi żgurata rappreżentazzjoni bilanċjata tat-tliet istituzzjonijiet tal-UE u li jiġu involuti b'mod sħiħ il-parlamenti nazzjonali. Diversi ministri esprimew ukoll il-preferenza tagħhom għal governanza ħafifa u sempliċi tal-proċess tal-konferenza.
Il-presidenza kkonkludiet li d-diskussjonijiet ikomplu wara l-laqgħa tal-Kunsill bil-ħsieb li tiġi definita l-pożizzjoni tal-Kunsill dwar il-konferenza u l-involviment mal-istituzzjonijiet l-oħra tal-UE.
Il-Presidenza Kroata ppreżentat ukoll il-prijoritajiet u l-programm ta' ħidma għas-sitt xhur li ġejjin.
Fil-qasam tal-affarijiet ġenerali, il-prijoritajiet ewlenin tal-presidenza jinkludu dan li ġej:
progress fil-ħidma dwar leġislazzjoni settorjali u orizzontali marbuta mal-qafas finanzjarju pluriennali li jmiss
it-tkomplija ta' politika ta' tkabbir kredibbli u effettiva lejn il-Balkani tal-Punent u l-organizzazzjoni ta' summit informali bejn l-UE u l-Balkani tal-Punent f'Zagreb f'Mejju 2020
it-trawwim ta' koeżjoni ekonomika u soċjali u progress fin-negozjati dwar il-pakkett leġislattiv tal-politika ta' koeżjoni taħt il-QFP
l-iffaċilitar tal-ħruġ ordnat tar-Renju Unit mill-UE u l-bidu ta' negozjati dwar sħubija futura
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Iċ-ċittadini għandhom ikunu fiċ-ċentru tad-diskussjonijiet dwar il-futur tal-Ewropa - kif nistgħu nindirizzaw l-isfidi attwali u futuri u x'tip ta' Ewropa rridu. Il-Konferenza dwar il-Futur tal-Ewropa ser tipprovdi opportunità siewja biex issir riflessjoni dwar dawn il-kwistjonijiet. Huwa importanti li wieħed jisma' l-opinjonijiet u l-fehmiet differenti b'mod li tinbena l-fiduċja u jiġi żgurat li l-UE effettivament tissodisfa l-aspettattivi taċ-ċittadini.
